ອາເລັກຊັນດາ ເປີດມູລະນິທິບຸນຊ່ວຍຜູ້ພິການທາງສະໝອງ

        ໃນຕ່ອນບ່າຍຂອງວັນທີ 24 ມັງກອນ 2013 ຢູ່ສະມາຄົມນັກ ຂ່າວແຫ່ງ ສປປ ລາວ ໄດ້ມີພີທີ ຖະແຫຼງຂ່າວເປີດມູລະນິທິບຸນ ຊ່ວຍເຊິ່ງເປັນໂຄງການຊ່ວຍເຫຼືອ ຄົນພິການທີ່ທ່ານນາງ ອາເລັກ ຊັນດາ ບຸນຊ່ວຍ ສ້າງຕັ້ງຂຶ້ນ. ເປັນກຽດເຂົ້າຮ່ວມໃນພິທີດັ່ງ ກ່າວມີທ່ານ ສົມສະນຸກ ມີໄຊ ປະ ທານສະມາຄົມນັກຂ່າວແຫ່ງ ສປປ ລາວ ແລະ ສື່ມວນຊົນຈາກ ພາກສ່ວນຕ່າງໆເຂົ້າຮ່ວມຢ່າງ ພ້ອມພຽງ.

        ມູນນິທິບຸນຊ່ວຍສ້າງຕັ້ງ ຂຶ້ນເພື່ອຟື້ນຟູ ແລະ ຊ່ວຍເຫຼືອຄົນ ພິການທີ່ມີບັນຫາທາງສະໝອງ ເຊິ່ງໂຄງການດັ່ງກ່າວ ຈະຊ່ວຍ ເສີມສ້າງໃຫ້ຄົນພິການມີຄວາມ ຮູ້,ຄວາມສາມາດການຫຼິ້ນດົນຕີ ແລະ ຮ້ອງເພງ, ພາເດັກພິການ ລາວເຮັດກິດຈະກຳຕ່າງໆແນໃສ່ ເຮັດໃຫ້ເຂົາເຈົ້າມີຄວາມເຂັ້ມ ແຂງທາງຮ່າງກາຍ ແລະ ຈິດໃຈ.

        ມູນນິທິດັ່ງກ່າວ ໄດ້ຮັບອະນຸ ຍາດສ້າງຕັ້ງຈາກກະຊວງພາຍ ໃນ ແລະ ຈະເລ່ີມລົງມືປະຕິບັດໃນ ໄວໆນີ້ຢູ່ນະຄອນ ຫຼວງວຽງຈັນ ຫາກໂຄງການໄດ້ຮັບການກໍ່ສ້າງ ສຳເລັດກໍຈະເອົາຄົນພິການຈາກ ແຫ່ງຕ່າງໆເຂົ້າມາຢູ່ໂດຍໃນ ຂັ້ນຕົ້ນ ຂອງການດຳເນີນງານຈະ ເຮັດໃນລັກສະນະແບບເປັນສູນ ທຳມະດາ ເຊິ່ງອາເລັກຊັນດາ ເອງເປັນຜູ້ລະດົມທຶນຈາກ ແຫຼ່ງຕ່າງໆເຂົ້າມາສະໜັບສະໜູນໂຄງ ການທັງຈາກພາຍໃນ ແລະ ຕ່າງ ປະເທດ ໂດຍຈະຮັບເອົາຄົນພິການທີ່ມີອາຍຸ ແຕ່ 7 ປີ  40 ປີ.

          ອາເລັກຊັນດາ ບຸນຊ່ວຍ ເປັນນັກຮ້ອງ,ນັກສະແດງລາວ ເປັນທີ່ຮູ້ຈັກກັນດຂອງລາວໃນວົງການບັນເທີງ ກ່າວວ່າ: ມີຄວາມ ປາຖະນາມາແຕ່ຄາວຍັງນ້ອຍທີ່ຢາກມີມູນນິທິເປັນຂອງຕົນເອງໃນການຊ່ວຍເຫຼືອສັງຄົນ ໂດຍສະເພາະແມ່ນຜູ້ທີ່ມີປົມດ້ອຍ ທາງຮ່າງກາຍ.ນອກນັ້ນອີກສິ່ງ ໜຶ່ງທີ່ສ້າງແຮງບັນດານໃຈ ເຮັດ ໃຫ້ນາງເກີດມີແນວ ຄິດສ້າງຕັ້ງ ມູລະນິທິບຸນຊ່ວຍນີ້ຂຶ້ນມາ ເນື່ອງ ຈາກເອື້ອຍຂອງນາງຜູ້ເຊິ່ງເຕັມ ໄປດ້ວຍຄວາມຮູ້,ຄວາມສາມາດ ໃນການຟ້ອນລຳຕ່າງໆ,ແຕ່ ບໍ່ມີ ຄວາມສາມາດໃນການຮ້ອງເພງ ເໝືອນອາເລັກຊັນດາຍ້ອນຄວາມປົມດ້ອຍຂອງ ນາງນັ້ນເອງ ຂະນະທີ່ຄົນພິການທຸກຄົນລ້ວນ ແຕ່ມີຄວາມສາມາດໃນການພັດ ທະນາຕົນເອງເໝືອນກັນກັບ ຄົນ ອື່ນໆແຕ່ບໍ່ມີໂອກາດ ແລະ ບໍ່ມີຜູ້ ສະໜັບສະໜູນຈຶ່ງ ເຮັດ ໃຫ້ເຂົາ ເຈົ້າຕົກຢູ່ໃນສະພາບຫຍຸ້ງຍາກ ລຳບາກ ແລະ ຖືກເບິ່ງຂ້າມຈາກ ສັງຄົມ.

          ປະທານ ມູນນິທິບຸນຊ່ວຍ ຍັງຮຽກຮ້ອງສັງຄົມຈົ່ງໃຫ້ ຄວາມສຳຄັນແລະເຫັນຄວາມຈຳເປັນຂອງການພັດທະ ນາຄົນ ພິການຢູ່ລາວທຸກຄົນ ເພື່ອຊ່ວຍ ໃຫ້ເຂົ້າເຈົ້າມີຊີວິດຊີວາ ແລະ ມ່ວນຊື່ນຄືກັນກັບຄົນທົ່ວໄປ ແລະ ຊ່ວຍຄ້ຳຈູນໃຫ້ ພວກເຂົາຢູ່ຄຽງຂ້າງພວກເຮົາຕະຫຼອດໄປ.