ກົມອຸຕຸນິຍົມ ແລະ ອຸທົກກະສາດ ເຕືອນວ່າ : ໃນໄລຍະທ້າຍອາທິດນີ້ ບໍລິເວນຄວາມກົດດັນອາກາດຕ່ຳຢູ່ທະເລຈີນໃຕ້ຈະມີກຳລັງແຮງເພີ່ມຂຶ້ນ ແລະ ກໍຕົວເປັນພາຍຸໜຸນເຂດຮ້ອນ, ເຊິ່ງຈະມີທ່າອ່ຽງເຄື່ອນທີ່ເຂົ້າຝັ່ງ ສສ ຫວຽດນາມ ແລະ ຜ່ານເຂດພາກກາງ ຫລື ພາກໃຕ້ຂອງລາວ, ເຮັດໃຫ້ມີຝົນຕົກຫລາຍຂຶ້ນ ພ້ອມມີລົມພັດແຮງເປັນບາງໂອກາດຢູ່ໃນເຂດດັ່ງກ່າວ ຈຶ່ງເຕືອນໃຫ້ປະຊາຊົນຜູ້ຢູ່ເຂດສ່ຽງໄພດັ່ງກ່າວ ຈົ່ງເພີ່ມສະຕິລະວັງຕົວ ເພື່ອຫລີກເວັ້ນຜົນເສຍຫາຍອາດຈະເກີດຂຶ້ນ. ສ່ວນພາກເໜືອດ້ານຕາເວັນອອກ ຮ່ອງຄວາມກົດດັນອາກາດຈາກປະເທດຈີນຈະແຜ່ລົງມາປົກຄຸມຫລາຍຂຶ້ນ, ເຮັດໃຫ້ອາກາດເຢັນຢູ່ເຂດພາກເໜືອດ້ານຕາເວັນອອກ ແລະ ຈະມີຝົນຕົກຟ້າຄະນອງໃນລະດັບຄ່ອຍໃນແຕ່ລະພາກ ແລະ ຕົກປາກກາງຢູ່ບາງທ້ອງຖິ່ນ, ໂດຍສະເພາະເຂດພາກກາງ ແລະ ພາກໃຕ້.
ໃນອາທິດຕໍ່ໜ້າ ສະພາບອາກາດຈະເຢັນຢູ່ແຂວງພາກເໜືອດ້ານຕາເວັນອອກ, ສ່ວນພາກເໜືອດ້ານຕາເວັນຕົກລົງຫາພາກກາງ ແລະ ພາກໃຕ້ອາກາດຈະຮ້ອນຂຶ້ນ.
No comments:
Post a Comment