ຜູ້ປະຈໍາການສູນກາງແນວລາວສ້າງຊາດກ່າວວ່າ: ໃນໄລຍະຜ່ານມາໄດ້ມີການເຄື່ອນໄຫວຈັດຕັ້ງການໂຄສະນາປາຖະກະຖາເຖິງປະຫວັດ ແລະ ມູນເຊື້ອອັນສະຫງ່າລາສີຂອງແນວລາວສ້າງຊາດຕະຫລອດໄລຍະ 65 ປີ, ແນວລາວສ້າງຊາດແຕ່ລະຂັ້ນໄດ້ກະກຽມຈັດຕັ້ງການໂຮມຊຸມນຸມສະເຫລີມສະຫລອງວັນສຳຄັນດັ່ງກ່າວ, ພ້ອມນີ້ກໍໄດ້ມີການກະກຽມຈັດບັ້ນສຳມະນາພາຍໃຕ້ຫົວຂໍ້ “65 ປີ
ແນວລາວສ້າງຊາດ”, ສະເພາະວັນທີ
10 ສິງຫາ 2015 ຈະມີພິທີໂຮມຊຸມນຸມໃຫຍ່ສະເຫລີມສະຫລອງວັນສ້າງຕັ້ງສູນກາງແນວລາວສ້າງຊາດຂຶ້ນ
ທີ່ນະຄອນຫລວງວຽງຈັນ, ພ້ອມວາງສະແດງຮູບພາບການເຄື່ອນໄຫວຂອງສູນກາງແນວລາວສ້າງຊາດຕະຫລອດໄລຍະ 65 ປີ
ແລະ ຈັດຕັ້ງການຢ້ຽມຢາມພົບປະກັບພະນັກງານປະຕິວັດອາວຸໂສບຳນານທີ່ເປັນອະດີດການນຳສູນກາງແນວລາວສ້າງຊາດອີກດ້ວຍ. ສ່ວນທ້າຍປີ
2015 ນີ້, ສູນກາງແນວລາວສ້າງຊາດຈະໄດ້ຈັດກອງປະຊຸມຜູ້ຊົງຄຸນວຸດທິບັນດາເຜົ່າທົ່ວປະເທດທີ່ນະຄອນຫລວງວຽງຈັນ, ຈັດຕັ້ງການຄົ້ນຄວ້າຮຽບຮຽງ ແລະ ຈັດພິມປຶ້ມປະຫວັດສາດແນວໂຮມແຫ່ງຊາດລາວ ແລະ ປຶ້ມແນວລາວສ້າງຊາດ, ຮຽບຮຽງປະຫວັດ ແລະ ມູນເຊື້ອອັນສະຫງ່າລາສີຂອງແນວລາວສ້າງຊາດ, ສ້າງ ແລະ ປັບປຸງສາລະຄະດີການເຄື່ອນໄຫວຂອງສູນກາງແນວລາວສ້າງຊາດ ຕະຫລອດໄລຍະ 65 ປີ.
ແນວລາວສ້າງຊາດແມ່ນອົງການຈັດຕັ້ງສຳພັນທາງການເມືອງຂອງທົ່ວສັງຄົມ, ເປັນສະຫະພັນສະໝັກໃຈທີ່ສ້າງຂຶ້ນບົນຈິດໃຈຕື່ນຕົວຂອງອົງການຈັດຕັ້ງການເມືອງ, ອົງການຈັດຕັ້ງການເມືອງ-ສັງຄົມ, ອົງການຈັດຕັ້ງສັງຄົມ ແລະ ບຸກຄົນທີ່ເປັນຕົວແທນໃຫ້ແກ່ຊົນຊັ້ນ, ຊັ້ນຄົນ, ຊົນເຜົ່າ, ສາສະໜາ, ເພດໄວ, ລວມທັງເປັນຕົວແທນຊາວລາວທີ່ດຳລົງຊີວິດຢູ່ຕ່າງປະເທດ, ແນວລາວສ້າງຊາດສືບທອດ ແລະ ເສີມຂະຫຍາຍມູນເຊື້ອອັນສະຫງ່າລາສີຂອງແນວລາວອິດສະຫລະ ແລະ ແນວລາວຮັກຊາດ, ເຊິ່ງໄດ້ເຕົ້າໂຮມຄວາມສາມັກຄີຂອງປະຊາຊົນບັນດາເຜົ່າເຂົ້າໃນການຕໍ່ສູ້ກູ້ຊາດໃນເມື່ອກ່ອນ ແລະ ການປະຕິບັດສອງໜ້າທີ່ຍຸດທະສາດໃນປັດຈຸບັນ.
No comments:
Post a Comment