ເນື້ອໃນສັນຍາໄດ້ລະບຸວ່າ: ສອງຝ່າຍໄດ້ເປັນເອກະພາບຕົກລົງຮ່ວມມືກັນບົນພື້ນຖານຕ່າງຝ່າຍຕ່າງມີຜົນປະໂຫຍດ ແນໃສ່ເພີ່ມທະວີການອອກຂ່າວ, ບົດຄວາມ,
ສາລະຄະດີ, ລາຍການສິລະປະ-ວັນນະຄະດີກ່ຽວກັບປະສົບການ-ບົດຮຽນ,
ຜົນງານໃນຂົງເຂດການເມືອງ, ເສດຖະກິດ, ວັດທະນະທຳ-ສັງຄົມ ແລະຂົງເຂດອື່ນໆ ຂອງແຕ່ລະປະເທດ ໃນຂອບເຂດຄວາມສາມາດ ແລະຄວາມຕ້ອງການຂອງແຕ່ລະຝ່າຍ.
ໃນໂອກາດເຫດການສຳຄັນຂອງຊາດສອງຝ່າຍຈະແລກປ່ຽນຂໍ້ມູນຂ່າວສານ,
ບັນດາລາຍການກະຈາຍສຽງ,
ລາຍການເພງຂອງບັນດາເຜົ່າ, ເພງໃໝ່, ລາຍການພິເສດຕ່າງໆ ເພື່ອອອກອາກາດທາງວິທະຍຸຫລືຜ່ານຊ່ອງທາງອື່ນໆ ຂອງສອງປະເທດບົນພື້ນຖານນ້ຳໃຈມິດຕະພາບ
ແລະການຊ່ວຍເຫລືອເຊິ່ງກັນ ແລະກັນ; ການຮ່ວມມືດ້ານວິຊາການ, ເຕັກນິກການກະຈາຍສຽງ ແລະ
ເຕັກໂນໂລຊີຂໍ້ມູນຂ່າວສານນັ້ນ, ຝ່າຍຫວຽດນາມ
ພ້ອມທີ່ຈະໃຫ້ການຊ່ວຍເຫລືອແກ່ວິທະຍຸກະຈ່າຍສຽງແຫ່ງຊາດລາວ ໃນການບຳລຸງສ້າງນັກຂ່າວ, ນັກຈັດລາຍການ ແລະພະນັກງານເຕັກນິກ ໃນແຕ່ລະປີ ແລະ
ແຕ່ລະປີສອງຝ່າຍຈະຜັດປ່ຽນກັນແຕ່ງຕັ້ງ ຄະນະນຳພາພະນັກງານໄປຢ້ຽມຢາມ ແລະ
ເຮັດວຽກ ເພື່ອປຶກສາຫາລື, ສຳຫລວດກວດກາຄືນ
ແລະສ້າງແຜນການຮ່ວມມືຢ່າງລະອຽດ ໃຫ້ປີຕໍ່ໄປ.
ສະຖານນີວິທະຍຸກະຈາຍສຽງແຫ່ງຊາດລາວ ແລະວິທະຍຸກະຈາຍສຽງແຫ່ງຊາດຫວຽດນາມ ໄດ້ເຊັນສັນຍາຮ່ວມມືສອງຝ່າຍນັບແຕ່ປີ 1990 ເປັນຕົ້ນມາ ແລະສັນຍາສະບັບນີ້
ເປັນສະບັບທີ
7 ທີ່ໄດ້ລົງນາມຮ່ວມກັນ
ເຊິ່ງສັນຍາຮ່ວມມືດັ່ງກ່າວ ມີຜົນສັກສິດໃນກຳນົດເວລາ
3 ປີນັບແຕ່ມື້ລົງລາຍເຊັນ
ເປັນຕົ້ນໄປ.
No comments:
Post a Comment