ເນື່ອງໃນໂອກາດຄົບຮອບ 60 ປີການສ້າງຕັ້ງສາຍພົວພັນການທູດລະຫວ່າງລາວ-ຍີ່ປຸ່ນ,ສະຖານທູດຍີ່ປຸ່ນປະຈໍາລາວຈະໄດ້ຈັດງານບຸນມະໂຫລານຍີ່ປຸ່ນໃນລະຫວ່າງວັນທີ 13-15 ພະຈິກທີ່ຈະເຖິງນີ້, ທີ່ຫໍວັດທະນະທຳແຫ່ງຊາດ,ນະຄອນຫລວງວຽງຈັນ, ຊຶ່ງພາຍໃນງານຈະມີການວາງສະແດງສິນຄ້າຍີ່ປຸ່ນຫລາຍກວ່າ 20 ບໍລິສັດ, ການສະແດງສີລະປະຕີກອງ, ກີ່ຕ້າຍີ່ປຸ່ນ(Shamisen), ຍ່າງສະແດງແບບເຄື່ອງນຸ່ງທັນສະໄໝຂອງຍີ່ປຸ່ນ, ການສະແດງສິລະປະຂອງລາວ ແລະ ກິດຈະກໍາອື່ນໆທີ່ໜ້າສົນໃຈ, ສະນັ້ນ ຈຶ່ງຂໍເຊີນຊວນປະຊາຊົນ, ຜູ້ປະກອບການ, ແຂກພາຍໃນ ແລະ ຕ່າງປະເທດ ແລະ ພາກສ່ວນກ່ຽວ ຂ້ອງຕ່າງໆເຂົ້າຮ່ວມມ່ວນຊື່ນ ແລະ ຮ່ວມສ້າງກິດຈະກໍາຕ່າງໆຢ່າງເປັນຂະບວນຟົດຟື້ນໃນງານບຸນດັ່ງກ່າວດ້ວຍ, ໂດຍເລີ່ມແຕ່ເວລາ 18:00 ເປັນຕົ້ນໄປ.
ງານບຸນມະໂຫລານຍີ່ປຸ່ນຄັ້ງນີ້ແມ່ນຈັດເປັນຄັ້ງທີ 3 ໂດຍຄັ້ງທໍາອິດຈັດຂຶ້ນໃນປີ 2011, ຄັ້ງທີສອງປີ 2013.
No comments:
Post a Comment