ໃນວັນທີ 1 ພະຈິກນີ້, ຢູ່ເດີ່ນໂຮງຮຽນປະຖົມບ້ານອ່າງໃຫຍ່, ເມືອງສີໂຄດຕະບອງ ນະຄອນຫລວງວຽງຈັນ, ໄດ້ຈັດພິທີມອບເຄື່ອງຊ່ວຍເຫລືອຈາກ ກຸ່ມ “ລົດຖີບ ເພື່ອສຸຂະ ພາບ” ແລະ ກຸ່ມ
“ລົດຖີບ 2 ລໍ້ພໍ້ໝູ່” ພ້ອມດ້ວຍບັນດານັກຖີບລົດຫລາຍຮ້ອຍຄັນ ໄດ້ພ້ອມໃຈກັນສົມທົບທຶນ ເພື່ອຊື້ວັດຖຸສິ່ງຂອງທີ່ຈຳເປັນ ຈຳນວນໜຶ່ງ, ຊຶ່ງປະກອບມີ: ຊຸດນັກກິລາ 16 ຊຸດ, ບານເຕະ 2 ໜ່ວຍ, ກະຕໍ້ 2 ໜ່ວຍ, ຟີເລກະຕໍ້, ເງິນສົດ 1.24 ລ້ານກີບ, ບິກ, ສໍ,
ນໍ້າດື່ມ 15 ແກັດ, ນົມໝາກໄມ້ ວີວີ ຈໍານວນ 12 ແກັດ ໄປມອບໃຫ້ໂຮງຮຽນບ້ານອ່າງໃຫຍ່ ເມືອງສີໂຄດຕະບອງ, ຊຶ່ງເປັນໂຮງຮຽນຍັງມີຄວາມຂາດເຂີນຫລາຍ. ນອກຈາກນີ້ ກົມຕໍມໍ ເມືອງສີໂຄດຕະບອງ ຍັງໄດ້ມອບເຄື່ອງສຽງ 1
ຊຸດ ມີມູນຄ່າ 1,7 ລ້ານກວ່າກີບໃຫ້ໂຮງຮຽນດັ່ງກ່າວເຊັ່ນດຽວກັນ.
No comments:
Post a Comment