 |
| ຂ່າວ-ພາບ: ຫນັງສືພິມ ປກສ |
ທ້າວ ບຸນທະວີ ອາຍຸ 38 ປີຢູ່ບ້ານໂຄກຊາຍ ເມືອງຫາດຊາຍຟອງ ນະຄອນຫລວງວຽງຈັນ ຖືກເຈົ້າໜ້າທີ່ກັກຕົວມາສືບສວນ-ສອບສວນເມື່ອບໍ່ດົນມານີ້, ເພື່ອຂະຫຍາຍຜົນຫາທີ່ມາຂອງໂຕຫລິ່ນເຊິ່ງເປັນສັດປ່າຫວງຫ້າມປະເພດໜຶ່ງຈໍານວນ 78 ໂຕ, ມີນໍ້າໜັກຫລາຍກວ່າ 350 ກິໂລ, ມີມູນຄ່າຫລາຍກວ່າ 300 ລ້ານກີບ, ທີ່ຜູ້ກ່ຽວໄດ້ໃຫ້ການຕໍ່ເຈົ້າໜ້າທີ່ວ່າ: ເປັນພຽງຜູ້ຮັບຈ້າງຂົນສົ່ງໄປຮອດບ້ານນາໄຫ ເມືອງຫາດຊາຍຟອງ ແລະ
ຈະມີຄົນມາຮັບເອົາໄປຕໍ່, ຂະນະທີ່ຫົວໜ້າກອງກວດກາປ່າໄມ້ນະຄອນຫລວງວຽງຈັນ ເປີດເຜີຍວ່າ: ສັດປ່າດັ່ງກ່າວມີຕົ້ນທາງລັກລອບນໍາເຂົ້າມາຈາກປະເທດໃກ້ຄຽງເພື່ອສົ່ງໄປປະເທດທີສາມ.
ການກວດພົບສັດປ່າຫວ່ງດັ່ງກ່າວ, ແມ່ນຍ້ອນໄດ້ຮັບແຈ້ງຈາກພົນລະເມືອງດີວ່າຈະມີກຸ່ມຄົນບໍ່ດີລັກລອບຂົນສົ່ງສັດປ່າຫວງຫ້າມຈາກປະເທດເພື່ອນບ້ານຜ່ານປະເທດລາວໄປຍັງປະເທດທີສາມ, ຈຶ່ງໄດ້ຈັດກໍາລັງຕັ້ງດ້ານເພື່ອກວດກາຕາມເສັ້ນທາງທ່າເດື່ອ, ພໍຮອດເວລາປະມານ 23:00 ໂມງຂອງວັນທີ 29 ຕຸລາ
2015 ຈຶ່ງພົບເຫັນລົດກະບະຮຸນໄດ
ເປົ້າໝາຍ, ໝາຍເລກທະບຽນກຕ 7935 ກຳແພງນະຄອນ, ໄດ້ບັນທຸກຖັງຢາງຂະໜາດໃຫຍ່, ເຈົ້າໜ້າທີ່ຈຶ່ງໄດ້ກວດຄົ້ນ ແລະ ພົບເຫັນສັດປ່າຊຸກເຊື່ອງໄວ້ຢູ່ແກ້ສໃນຖັງດັ່ງກ່າວຈຶ່ງຈັບຕົວຜູ້ຂັບຂີ່ມາສືບສວນ-ສອບສວນ, ສຳລັບໂຕຫລິ່ນທີ່ຍັງມີຊີວິດແມ່ນຈະທໍາການຟື້ນຟູໃຫ້ແຂງແຮງແລ້ວນໍາໄປປ່ອຍຄືນສູ່ທໍາມະຊາດ, ສ່ວນຕົວທີ່ຕາຍຈະທຳການທໍາລາຍຖິ້ມ, ພ້ອມທັງເລັ່ງຕິດຕາມຕົວຜູ້ຮ່ວມຂະບວນການຢູ່ເບື້ອງຫລັງການກະທຳຜິດຄັ້ງນີ້ມາດໍາເນີນຄະດີຕາມລະບຽບກົດໝາຍຢ່າງເຂັ້ມງວດ.
ກະຊວງກະສິກໍາ-ປ່າໄມ້ໃຫ້ຮຸ້ວ່າ: ໂຕຫລິ່ນ,
ເປັນສັດຫວງຫ້າມປະເພດໜຶ່ງຂອງອົງການສັດປ່າສາກົນ(Cites) ແລະກົດໝາຍສັດນ້ຳ-ສັດປ່າຂອງ ສປປ ລາວ.
No comments:
Post a Comment