ເຈົ້າໜ້າທີ່ ປກສ ນະຄອນ ຫຼວງວຽງຈັນ ໃຫ້ຮູ້ວ່າ:
ໃນເວລາປະມານ 23 ໂມງ ຂອງວັນທີ 27 ຕຸລານີ້ ໄດ້ມີເຫດ ການລະເບີດແຕກ ຢູ່ພື້ນລົດຕູ້ຮຸນໄດສະຕາແລັກ,
ໝາຍເລກທະບຽນ ກນ 8135 ກຳແພງນະຄອນ ຢູ່ບ້ານ ຫ້ວຍຫ້ອມ ເມືອງ ສີໂຄດຕະບອງ ນະຄອນຫຼວງວຽງຈັນ
ເຮັດໃຫ້ລົດດັ່ງກ່າວໄດ້ຮັບຄວາມເສຍຫາຍ, ແຕ່ໂຊກດີບໍ່ມີຜູ້ໃດຮັບບາດເຈັບ
ແລະ ເສຍຊີວິດ. ລົດຄັນດັ່ງ ກ່າວເປັນລົດຂອງທ້າວ ສົມຄິດ ວົງສາ ອາຍຸ 38 ປີ ຮອງນາຍ
ບ້ານໆ ຫ້ວຍຫ້ອມ ເມືອງ ສີໂຄດຕະ ບອງ ນະຄອນຫຼວງວຽງຈັນ, ຜ່ານການລົງກວດກາສະຖານທີ່ເກີດເຫດຂອງເຈົ້າໜ້າທີ່ໄດ້ພົບເຫັນລະເບີດ
F1 ໜຶ່ງໜ່ວຍຍັງບໍ່ ທັນແຕກ ເຊິ່ງເປັນລະເບີດຊະນິດທຳລາຍສູງລັກສະນະແກະສະຫຼັກແລ້ວຮັດເຊືອກໄວ້.
ຈາກການໃຫ້ການຂອງຜູ້ ເປັນເຈົ້າຂອງລົດ
ວ່າ: ໃນວັນທີ 23 ຕຸລາ 2013, ຕົນໄດ້ເອົາລົດໄປຈອດໄວ້ ຢູ່ໜ້າເຮືອນຂອງ ທ້າວ
ຕິ່ງ ຢູ່ບ້ານດຽວກັນເພື່ອຈະເອົາລົດມາຮັບໃຊ້ໃນງານສົບຂອງພໍ່ເຖົ້າທີ່ເສຍຊີວິດ,
ຕົກມາຮອດເວ ລາປະມານ 23 ໂມງ 50 ນາທີ ຂອວງັວນທີ 27 ຕຸລາ ຈຶ່ງໄດ້ມີເຫດການລະເບີດແຕກຂື້ນ
ຢູ່ພື້ນ ລົດຂອງຕົນໂຊກດີບໍ່ໄດ້ເຮັດໃຫ້ມີຜູ້ເສຍຊີວິດ ແລະ ບາດເຈັບຢ່າງໃດ.
ເຈົ້າໜ້າທີ່ໃຫ້ເຫດຜົນວ່າ: ເຫດການດັ່ງກ່າວອາດເປັນການ
ວາງລະເບີດເພື່ອຂົ່ມຂູ່, ເນື່ອງຈາກວ່າໃນຊ່ວງປີ 2010 ກໍໄດ້ມີຄົນຮ້າຍວາງລະເບີດໃສ່ອ່າງນ້ຳບາດານ,
ຢູ່ເຮືອນຂອງ ທ້າວ ສົມຄິດ ວົງສາມາແລ້ວຄັ້ງໜຶ່ງ ແລະ ເທື່ອນີ້ເປັນເທື່ອທີສອງເຊິ່ງອາດຈະແມ່ນຜູ້ກ່ຽວມີຂໍ້ຂັດແຍ່ງໃດໜຶ່ງ
ເພື່ອເປັນການຂົ່ມຂູ່, ທຳລາຍຊັບສິນ, ບໍ່ໝາຍເອົາຊີວິດ ເຊິ່ງປັດຈຸບັນທາງເຈົ້າໜ້າທີ່ຍັງສືບຕໍ່ເກັບກຳຂໍ້ມູນເພື່ອຊອກຫາຂໍ້ຂັດແຍ່ງລະອຽດຈະແຈ້ງ
ແລະ ຕິດຕາມເປົ້າໝາຍມາດຳເນີນຄະດີ.
No comments:
Post a Comment