ໃນງານມະຫະກຳສິນຄ້າຫັດຖະກຳລາວ ຄັ້ງທີ
12 ກົມສົ່ງເສີມ ແລະ ພັດ ທະນາສິນຄ້າກະຊວງອຸດສາຫະກຳ ແລະ ການຄ້າ ໄດ້ຈັດສຳມະນາພາຍໃຕ້ຫົວຂໍ້
“ການເຂົ້າຫາຕະຫລາດ ສ.ເກົາ ຫລີ ສຳລັບສິນຄ້າຫັດຖະກຳລາວ” ໃນວັນທີ 30 ຕຸລາ ນີ້ ຢູ່ສູນການຄ້າລາວ-ໄອເຕັກ,
ນະຄອນຫລວງວຽງຈັນ ໂດຍການເປັນປະ ທານຂອງທ່ານ
ສົມຫວັງ ນິນທະວົງ ຫົວໜ້າກົມສົ່ງເສີມ ແລະ ພັດທະນາສິນຄ້າ, ທ່ານ ກີ ບຸນ ມຸນ
(Ki bong Moon) ຫົວໜ້າກົມສູນອາຊຽນ-ສ.ເກົາຫລີ, ມີບັນ ດາສະມາ ຊິກສະມາຄົມຫັດຖະກຳ,
ວິທະຍາກອນຈາກປະເທດ ສ.ເກົາຫລີ ຊາວຊ່າງຫັດຖະກຳ ເຂົ້າຮ່ວມ.
ການຈັດຊຸດສຳມະນາ ຄັ້ງນີ້ ເພື່ອຊອກຊ່ອງທາງພັດ
ທະນາສິນຄ້າຫັດຖະກຳຂອງລາວ ໃຫ້ສາມາດສົ່ງອອກໄປຕະ ຫລາດສາກົນໃຫ້ເໝາະສົມກັບລັກສະນະການນຳໃຊ້,
ໃນຊິວິດປະຈຳວັນ ແລະ ຮັກສາໄດ້ທາງດ້ານວັດທະນະທຳ ໂດຍສະເພາະເຂົ້າຕະຫລາດປະເທດ
ສ.ເກົາຫລີ. ນັກສຳມະນາກອນທີ່ເຂົ້າຮ່ວມ ຈະໄດ້ຮັບຟັງ ແລະ ຮຽນຮູ້ຈາກວິ ທະຍາກອນ
ສ.ເກົາຫລີ
ໃນການປະຍຸກສິນຄ້າຫັດຖະກຳ ໃຫ້ເຂົ້າກັບສະພາບສະໄໝໃໝ່, ການພັດ
ທະນາຍຸດທະສາດດ້ານການຕະ ຫລາດ ຂອງສິນຄ້າຫັດຖະກຳລາວ ແລະ ການສ້າງມູນຄ່າເພີ່ມໃຫ້ແກ່ສິນຄ້າຫັດຖະກຳລາວ
ໄປປັບປຸງພັດທະນາຄຸນນະພາບຜະ ລິດຕະພັນຂອງຕົນເອງ ໃນການກຽມພ້ອມເຊື່ອມໂຍງການເຂົ້າເປັນສະມາຊິກປະຊາຄົມເສດ
ຖະກິດອາຊຽນ ໃນປີ 2015 ແລະ ການຮ່ວມມືກັບພາກພື້ນ.
ທ່ານ ສົມຫວັງ ນິນທະວົງ ກ່າວວ່າ: ພັກ-ລັດຖະບານ
ໄດ້ຫລິງເຫັນຄວາມສຳຄັນການສ້າງຄວາມເຂັ້ມແຂງໃຫ້ແກ່ທຸລະກິດພາຍໃນ ໃຫ້ສາມາດດຳເນີນທຸລະກິດໄດ້ໃນເວທີສາກົນ
ພ້ອມນີ້ ກໍມີການປັບປຸງ ແລະ ພັດທະ ນາຄຸນນະພາບຂອງສິນຄ້າໃຫ້ແທດເໝາະກັບຄວາມຕ້ອງການຂອງຕະຫລາດສົ່ງອອກ
ແລະ ຊອກຫາຕະຫລາດໃຫ້ແກ່ຫົວ ໜ່ວຍທຸລະກິດລາວ ດ້ວຍຮູບການຕ່າງໆ. ພ້ອມນີ້
ກໍຍັງເປັນການຍົກລະດັບຄວາມຮູ້ຄວາມສາມາດ ໃຫ້ແກ່ຜູ້ປະກອບການພາກເອກະຊົນຂອງລາວ
ທີ່ເຮັດການຜະລິດຫັດຖະກຳ ໃຫ້ມີຄວາມເຂົ້າໃຈຕໍ່ກັບຕະຫລາດ ຂອງ ສ.ເກົາຫລີ
ແລະ ພັດທະນາສິນຄ້າຂອງຕົນໃຫ້ສາມາດທຽບເທົ່າກັບສາກົນໃນອະນາຄົດ.
No comments:
Post a Comment