ສະມາຄົມຫັດຖະກຳລາວ ແລະ ອົງການການຄ້າຍີ່ປຸ່ນ
JETRO ຈັດກອງປະຊຸມສຳມະນາພາຍໃຕ້ຫົວຂໍ້” ຍຸດທະສາດໃນການນຳໃຊ້ເຄື່ອງໝາຍການຄ້າ
ແລະ ການອະນຸລັກຮັກສາແພໄໝລາວ” ໃນວັນທີ 29 ຕຸລານີ້,ທີ່ສູນການຄ້າລາວໄອເຕັກ, ນະຄອນ
ຫລວງວຽງຈັນ ໂດຍມີທ່ານ ຫານຊະນະ ສີສານ
ປະທານສະມາຄົມ ຫັດຖະກຳລາວ, ທ່ານ Mr Keisuke KAMADA ຜູ້ຕາງໜ້າຈາກກກົມຮ່ວມມືເສດຖະກິດ-
ອຸດ ສະຫະກຳຍີ່ປຸ່ນ,ມີບັນດາວິທະຍາ ກອນ ແລະ ສຳມະນາກອນ ຈາກຫົວໜ່ວຍທຸລະກິດຫັດຖະກຳແລະ
ຊາວຊ່າງຫັດຖະກຳ ເຂົ້າຮ່ວມ.
ຜູ້ເຂົ້າຮ່ວມສຳມະນາໄດ້ຮັບຟັງການບັນລະຍາຍ
ຈາກວິ ທະຍາກອນຂອງໂຄງການຮ່ວມມືລາວ-ຍີ່ປຸ່ນ ກ່ຽວກັບການດຳເນີນກຳນົດເປົ້າໝາຍສ້າງຍີ່ຫໍ້
ຫລື ກາໝາຍສິນຄ້າ ຂອງຜະລິດຕະພັນຫັດຖະກຳຂອງວິສາຫະ ກິດທັງໝົດ ຫລື ເປັນອັນສະເພາະ
ເພື່ອໃຫ້ເປັນຮູບປະທຳ ແລະ ການກຳນົດເປົ້າໝາຍລູກຄ້າໃນການຍອມຮັບຄວາມເຊື່ອຖື,
ພ້ອມນີ້ນັກສຳມະນາກອນ
ໄດ້ຮຽນຮູ້ການບໍລິການສິນຄ້າ, ການສົ່ງເສີມການໂຄສະນາ,
ການປະຊາສຳພັນ, ການຫຸ້ມຫໍ່, ການຕ້ອນຮັບແຂກ ແລະ ປັບປຸງ ສະພາບແວດລ້ອມຂອງຮ້ານໃຫ້ມີຄວາມໜ້າສົນໃຈດີ.
ທ່ານ ຫານຊະນະ ສີສານ ກ່າວວ່າ: ປະຊາຊົນລາວທຸກຊົນ
ເຜົ່າລ້ວນແລ້ວແຕ່ມີວັດທະນະທຳ ແລະ ກຳມະວິທີຕ່ຳຫູກທໍ່ໄໝ,ແຕ່ບາງຊົນເຜົ່າກໍໃຊ້ວັດຖຸດິບທີ່ແຕກຕ່າງກັນ,
ບາງຊົນເຜົ່າໃຊ້ທັງໄໝ, ຝ້າຍ, ບາງຊົນເຜົ່າກໍໃຊ້ແຕ່ຝ້າຍ, ແຕ່ການນຳໃຊ້ແມ່ນຄືກັນ
ໂດຍໃຊ້ເປັນເຄື່ອງນຸ່ງຫົ່ມ,ເຄື່ອງຊົມໃຊ້ໃນຊິວິດປະຈຳວັນ, ສຳລັບການອະນຸລັກ
ແລະ ພັດທະນາແພໄໝລາວ ກໍແມ່ນມີຄວາມສຳຄັນຫລາຍ ເພາະຈະເປັນການສົ່ງເສີມອາຊິບໃຫ້ຊາວຊ່າງຫັດຖະກຳຮູ້ຈັກຜະລິດສິນຄ້າໂດຍນຳໃຊ້ວັດຖຸດິບໃນທຳມະຊາດ
ທີ່ມີຢູ່ພາຍໃນປະເທດມາຜະລິດເປັນສິນຄ້າຫລາຍໆປະເພດບໍ່ວ່າຈະເປັນການຜະລິດແພໄໝພື້ນເມືອງ,
ແພ ຝ້າຍ, ຫັດຖະກຳຈັກສານຈາກໄມ້ປ່ອງ, ເຄື່ອງເງິນ, ການແກະສະລັກ ແລະ ອື່ນໆ.
No comments:
Post a Comment