ລະຫວ່າງວັນທີ 27-30 ຕຸ ລານີ້, ການພົບປະ
ແລະ ຮ່ວມລົງນາມໃນບົດບັນທຶກການຮ່ວມມືດ້ານສັດຕະວະແພດ ລະຫວ່າງກົມລ້ຽງສັດ
ແລະ ການ ປະມົງ ຂອງລາວ ນຳໂດຍ ທ່ານ ດຣ. ບຸນຂວາງ ຄຳບຸນເຮືອງ ຫົວໜ້າ ກົມດັ່ງກ່າວ ແລະ ກົມຮັກສາ
ສະ ພາບສັດຫວຽດນາມນຳໂດຍທ່ານ ດາມຊວນແທັງ ຮອງຫົວໜ້າກົມ ດັ່ງກ່າວ ໄດ້ມີຂຶ້ນໃນໄລຍະການຢ້ຽມຢາມລາວຂອງຄະນະຜູ້ແທນດັ່ງກ່າວ
ໃນວັນທີ 27-30 ຕຸລານີ້ ໂດຍສະເພາະແມ່ນການຊ່ວຍ ເຫລືອຂອງຫວຽດນາມ ໃຫ້ແກ່ ລາວຕໍ່ການສະກັດກັ້ນ
ພະຍາດລະ ບາດສັດຕາມຊາຍແດນ ຄືຊ່ວຍວິເຄາະ ແລະ ຢັ້ງຢືນຄືນພະຍາດໄຂ້ຫວັດສັດປີກ, ພະຍາດ ຫູກຳ່ໝູ
ແລະ ພະຍາດປາກເປື່ອຍລົງເລັບ, ພ້ອມທັງຢືນຢັນ ຖ້າຫາກມີກໍລະ ນີເກີດພະຍາດສັດກະທັນຫັນ, ຝ່າຍ
ຫວຽດ ນາມຍິນດີໃຫ້ການຊ່ວຍເຫລືອຢ່າງຮີບດ່ວນ ແລະ ທັນເວລາຕາມການສະ ເໜີຂອງຝ່າຍລາວ. ສ່ວນບັນຫາການກວດກາກັກ
ກັ້ນການຍົກຍ້າຍສັດຈາກລາວໄປຫວຽດນາມ, ຝ່າຍຫວຽດນາມຢືນຢັນ ຈະສືບຕໍ່ໃຫ້ການຮ່ວມມືໃນການກວດພະຍາດດັ່ງ
ກ່າວຕາມຊາຍແດນຢ່າງເຄັ່ງຄັດຖືກຕ້ອງຕາມມາດຕະຖານສາກົນ.
ພ້ອມນີ້ຫວຽດນາມຍັງມີຄວາມຍິນດີສືບຕໍ່ໃຫ້ການຊ່ວຍເຫລືອການຄຸ້ມຄອງຄຸນນະພາບຢາປ້ອງກັນພະຍາດອະ ຫິວາເປັດ ເຊິ່ງຝ່າຍຫວຽດນາມໄດ້ສະໜອງ ຫົວເຊື້ອໃຫ້ແກ່ລາວມາ
ກ່ອນ ແລ້ວ.ພ້ອມນີ້ຍັງຈະສືບຕໍ່ຕິດຕາມຄຸນນະພາບຂອງຢາປິ່ນປົວ ໃຫ້ໄດ້ມາດຕະຖານຕື່ມໃນລະດັບສາກົນ.
No comments:
Post a Comment