ໃນວັນທີ 12 ມິຖຸນານີ້, ຢູ່ໂຮງແຮມດອນຈັນພາເລດ
ນະຄອນຫລວງວຽງຈັນ, ຄະນະຖ່າຍທຳສາລະຄະດີຫົວຂໍ້ເລື່ອງ “ຄວາມປະທັບໃຈຕໍ່ເມືອງລາວ”
ປະກອບມີຜູ້ຕາງໜ້າຈາກກະຊວງປ້ອງກັນປະເທດ, ກະຊວງຖະແຫລງ ຂ່າວ, ວັດທະນະທຳ ແລະ
ທ່ອງທ່ຽວ, ສະຖານີໂທລະພາບແຫ່ງຊາດລາວ, ກົມຮູບເງົາ, ສະຖານີໂທລະ ພາບ ຊີຊີທີວີ
(CCTV) ແຫ່ງຊາດຈີນ ໄດ້ຈັດກອງປະຊຸມປຶກສາຫາລືກ່ຽວກັບແຜນການຖ່າຍທຳສາລະຄະດີດັ່ງກ່າວ
ເພື່ອແນໃສ່ໂຄສະນາກ່ຽວກັບປະ ຫວັດສາດ, ວັດ ທະນະທຳ, ຮີດ ຄອງປະເພນີ, ວິຖີຊີວິດຂອງປະ
ຊາຊົນລາວບັນດາເຜົ່າ ລວມເຖິງແຫລ່ງທ່ອງທ່ຽວໃຫ້ສາກົນໄດ້ຮັບຮູ້ເຂົ້າໃຈ ແລະ
ເຂົ້າມາລົງ ທຶນ, ທ່ອງທ່ຽວຢູ່ປະເທດລາວຫລາຍຂຶ້ນ.
ໃນກອງປະຊຸມ, ຜູ້ຕາງໜ້າໂທລະພາບ ຊີຊີທີວີ
ໄດ້ອະທິບາຍວ່າ: ສາລະຄະດີເລື່ອງດັ່ງກ່າວມີທັງໝົດ 5 ຕອນ ຄືຕອນທີ 1 ມີຊື່
ວ່າ: “ເລື່ອງລາວ”, ຕອນທີ 2 ຊື່ ວ່າ: “ຄວາມສະຫງ່າ”, ຕອນທີ 3 ຊື່ວ່າ: “ການເລີ່ມເດີນທາງ”,
ຕອນທີ 4 ຊື່ວ່າ: “ເພີດ
ເພີນໃຈ” ແລະ ຕອນທີ 5 ຊື່ວ່າ: “ຄວາມປາດຖະໜາ” ໂດຍຈະເລືອກເອົາສະຖານທີ່ຖ່າຍທຳຢູ່ນະຄອນ
ຫລວງວຽງຈັນ ແລະ ບັນດາແຂວງທີ່ມີແຫລ່ງທ່ອງທ່ຽວສຳຄັນທາງປະຫວັດສາດ, ວັດ ທະນະທຳ,
ທຳມະຊາດ ແລະ ຕົວລະຄອນໃນທຸກສາຂາອາຊີບທັງຄົນລາວ ແລະ ຄົນຕ່າງປະເທດຈຳນວນໜຶ່ງ.
ຜູ້ຕາງໜ້າກະຊວງປ້ອງກັນປະເທດ ກ່າວວ່າ: ການຖ່າຍທຳສາລະຄະດີດັ່ງກ່າວແມ່ນນອນໃນແຜນຈັດຕັ້ງປະຕິບັດໂຄງ
ການກໍ່ສ້າງໂຮງແຮມລາດຊະວົງພລາຊາ ຢູ່ນະຄອນຫລວງວຽງຈັນ ທີ່ພວມດຳເນີນການກໍ່ສ້າງຢູ່ເຂດຕໍ່ໜ້າຫໍປະຊຸມແຫ່ງຊາດ
ເຊິ່ງແມ່ນໂຄງການກໍ່ສ້າງໂຮງແຮມລະດັບ 5 ດາວ, ໃນນັ້ນ ລວມມີອາຄານສູງ 32 ຊັ້ນ
1 ຫລັງ, 20 ຊັ້ນ 2 ຫລັງ ແລະ ສູນການຄ້າ 1 ຫລັງ. ດັ່ງນັ້ນ ເພື່ອເປັນການໂຄສະນາໃຫ້ແກ່ຄົນຕ່າງປະເທດໃຫ້ຮູ້ຈັກເມືອງລາວ
ແລະ ມົນສະເໜ່ຂອງເມືອງລາວ ເປັນຕົ້ນທາງດ້ານປະຫວັດສາດ, ວັດທະນະທຳ, ຮີດຄອງປະເພນີ,
ຊົນເຜົ່າ, ທິວທັດທຳມະຊາດທີ່ສວຍງາມ ລວມທັງການຄ້າ ແລະ ການລົງທຶນ ເພື່ອດຶງດູດນັກທ່ອງທ່ຽວຊາວຕ່າງປະເທດເຂົ້າມາລາວໃຫ້ຫລາຍຂຶ້ນ,
ເວົ້າ ສະເພາະແມ່ນໃຫ້ນັກທ່ອງທ່ຽວເຂົ້າມາໃຊ້ບໍລິການຂອງໂຄງ ການລາດຊະວົງພລາຊາທີ່ຄາດວ່າຈະກໍ່ສ້າງໃຫ້ສຳເລັດໃນກາງປີ
2015 ທີ່ຈະເຖິງນີ້ ເພື່ອໃຫ້ທັນກັບການເປັນເຈົ້າພາບກອງປະ ຊຸມສຸດຍອດອາຊຽນຂອງ
ສປປ ລາວ ໃນປີ 2015.
ການຖ່າຍທຳສາລະຄະດີດັ່ງກ່າວແມ່ນຄວາມຕັ້ງໃຈຂອງຝ່າຍຈີນ
ກໍຄືບໍລິສັດຊົ່ງຊິງຟາງເຕີ ພັດທະນາອະສັງຫາລິມະຊັບ ຈຳກັດ ເຊິ່ງຈະໃຊ້ງົບປະມານໃນການຖ່າຍທຳປະມານ
1 ລ້ານໂດລາສະຫະລັດ.
No comments:
Post a Comment