ກອງປະຊຸມໃຫຍ່ຄັ້ງທີ II ຂອງຄະນະພັກຮາກຖານໂທລະພາບແຫ່ງຊາດລາວໄດ້ ຈັດຂຶ້ນ
ໃນວັນທີ 12 ມິຖຸນານີ້, ໂດຍການ ເຂົ້າຮ່ວມຂອງສະຫາຍ ບົວເງິນ ຊາພູວົງ ຮອງເລຂາຄະນະພັກ ກະຊວງ
ລັດຖະມົນຕີຊ່ວຍວ່າ ການກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ), ມີສະຫາຍ ບຸນເຈົ້າ
ພິຈິດ ຄະນະພັກກະ ຊວງຜູ້ອຳນວຍການໂທລະພາບແຫ່ງຊາດ ລາວ, ສະຫາຍ ທອງວັນ ບຸນບົວທອງ ເລຂາຄະນະພັກຮາກຖານໂທລະພາບແຫ່ງຊາດ,
ມີບັນດາຄະນະພັກ, ສະມາຊິກພັກ ພ້ອມດ້ວຍບັນດາອົງການຈັດຕັ້ງມະຫາຊົນ ແລະ ແຂກທີ່ຖືກເຊີນເຂົ້າຮ່ວມ.
ສະຫາຍ
ທອງວັນ ບຸນບົວທອງ ໄດ້ຂຶ້ນຜ່ານບົດລາຍ ງານການເມືອງ, ບົດສຳຫລວດຄະນະພັກຊຸດທີ I, ຊຶ່ງໄດ້ຍົກ
ໃຫ້ເຫັນການຊີ້ນຳໆພາວຽກງານດ້ານການເມືອງແນວຄິດໃນໄລ ຍະຜ່ານມາບັນດາສະມາຊິກພັກ, ລັດຖະກອນຈຳນວນ
ຫລາຍ ມີແນວຄິດອຸ່ນອຽນທຸ່ນທ່ຽງເຊື່ອໝັ້ນຕໍ່ການນຳພາຂອງພັກ ແລະ ມີສະຕິເຄົາລົບກົດໝາຍ, ມີແນວຄິດເພິ່ງຕົນເອງ,
ກຸ້ມຕົນ ເອງ, ມີຄວາມຕັດສິນໃຈສູງ, ເຮັດ ຫລ້ອນໜ້າທີ່, ມີລະບຽບວິໄນ, ເຮັດສຳເລັດຜົນໃນທຸກຂົງເຂດວຽກງານ,
ສະແດງອອກ
ໃນເນື້ອໃນຂ່າວ, ເນື້ອໃນລາຍການ, ຮູບແບບລາຍການ. ການສະ ໜອງເຕັກນິກ ແລະ ຫ້ອງການ-
ບໍລິຫານໄດ້ຮັບການປັບ ປຸງດີຂຶ້ນເທື່ອລະກ້າວ, ສະມາຊິກພັກ- ພະນັກງານຈຳນວນຫລາຍຖື ເອົາການເຂົ້າຮ່ວມເຊື່ອມຊຶມ,
ການເຜີຍແຜ່ມະຕິຕ່າງໆ ຈຶ່ງມີຄວາມຮັບຮູ້ຂໍ້ມູນຂ່າວສານທາງດ້ານແນວຄິດ-ການເມືອງ ມີທັດ ສະນະຫລັກໝັ້ນ
ແລະ ມີອຸດົມ ການຂອງພັກໜັກ ແໜ້ນຂຶ້ນຕື່ມ, ພ້ອມນີ້ ກອງປະຊຸມຍັງໄດ້ຜ່ານບົດສຳຫລວດຂອງຄະນະພັກຮາກຖານ
ແລະ ປ່ອນບັດຄັດ ເລືອກເອົາຄະນະ ພັກຮາກຖານໂທລະພາບຊຸດໃໝ່ ຊຶ່ງປະກອບມີທັງໝົດ 7 ສະຫາຍ
ເລືອກເອົາ 5 ສະຫາຍ. ກອງປະຊຸມຄັ້ງປະຖົມມະລຶກ ໄດ້ເຫັນດີເປັນເອກະພາບເລືອກເອົາສະຫາຍ
ບຸນເຈົ້າ ພິຈິດ ເປັນເລຂາຄະນະພັກຮາກຖານໂທລະພາບແຫ່ງຊາດລາວ, ສະ ຫາຍ ທອງວັນ
ບຸນບົວທອງ ຮອງເລຂາຄະນະພັກ, ທັງເປັນປະທານກວດກາ, ສະຫາຍ ວິນລຽນ ສຸວັນນາມ, ສະຫາຍ
ບຸນລັບ ດວງພູມີ ແລະ ສະຫາຍ ນາງ ວຽງທອງ ພົມມະຈັກ
ເປັນ ຄະນະພັກ.
ໃນໂອກາດນີ້ ສະຫາຍ ບົວເງິນ ຊາພູວົງ ກໍໄດ້ໃຫ້ກຽດໂອ້ລົມຕໍ່ຄະນະພັກຊຸດໃໝ່
ຊຶ່ງທ່ານໄດ້ເນັ້ນໃຫ້ຄະນະພັກຊຸດໃໝ່ສືບ ຕໍ່ຊີ້ນຳໆພາວຽກງານວິຊາສະ ພາະຢ່າງມີຄວາມຮັບຜິດຊອບສູງ,
ເພີ່ມທະວີຄວາມສາມັກຄີພາຍໃນຄະນະພັກ, ສືບຕໍ່ປັບປຸງແບບແຜນວິທີເຮັດວຽກເຮັດໃຫ້ວຽກງານຖະແຫລງຂ່າວ
ໄປຕາມແນວທາງປ່ຽນແປງໃໝ່, ມີບາດກ້າວຂະຫຍາຍຕົວ ແລະ ມີປະສິດທິພາບຍິ່ງຂຶ້ນເທື່ອລະກ້າວ.
ຄຽງຄູ່ກັນນີ້ ກໍຕ້ອງໄດ້ເອົາໃຈໃສ່ປັບປຸງວຽກງານ ຂ່າວ, ລາຍການ ແລະ ຮູບແບບລາຍການໃຫ້ມີຮູບແບບທີ່ທັນສະໄໝ
ແລະ ຖືກຕ້ອງກັບຄວາມຕ້ອງການຂອງປະຊາຊົນ ແລະ ມີປະສິດທິພາບໃຫ້ເທົ່າທຽມກັບສາກົນເທື່ອລະກ້າວ.
No comments:
Post a Comment