ສະເພາະເດືອນກຸມພາຜ່ານມາທົ່ວປະເທດມີອຸປະຕິເຫດ ເກີດຂື້ນ500 ກ່ວາກໍລະນີສົ່ງຜົນໃຫ້ມີຜູ້ເສຍຊີວິດ 102 ຄົນ

        ເຈົ້າໜ້າທີ່ກົມຕຳຫຼວດ ຈະລາຈອນ ໃຫ້ຮູ້ວ່າ: ສະພາບ ອຸປະ ຕິເຫດຕາມທ້ອງ ຖະໜົນ ຍັງຖື ວ່າມີ ລັກສະນະຮ້າຍ ແຮງຂື້ນທຸກທີສະເພາະໃນເດືອນ ກຸມພາ ຜ່ານ ມານີ້ ທົ່ວປະເທດ ມີອຸປະຕິເຫດ ຕາມທ້ອງຖະໜົນ ເກີດຂື້ນ ທັງ ໝົດ 550 ກໍລະນີ, ສົ່ງຜົນໃຫ້ມີຜູ້ ເສຍຊີວິດ 102 ຄົນ ແລະອຸປະຕິ ເຫດເຫຼົ່ານີເກີດ ຂື້ນສ່ວນໃຫຍ່ ແມ່ນມາຈາກ ການຂາດສະຕິຂັບ ຂີ່ຍານພາ ຫະນະ ແລະ ການບໍ່ນັບຖືກົດລະບຽບຈະລາຈອນ ເຊັ່ນ: ຂັບ ລົດໄວ, ດື່ມສິງ່ມືນເມົາ ແລະ ສ່ວນໜຶ່ງກໍມາຈາກ ຜູ້ຂັບຂີ່ ບໍ່ທັນໄດ້ຜ່ານການອົບຮົມໃນການຮັກສາຄວາມປອດໄພ ທາງ ທ້ອງຖະໜົນ ເຮັດໃຫ້ເກີດ ອຸປະຕິເຫດໄດ້ ງ່າຍຄື: ໃນວັນ ທີ 19 ກຸມພາ ນີ້ ໄດ້ເກີດອຸປະ ຕິເຫດ ລົດຍົນຄັນໜຶ່ງ ພິກຂວັມ ຢູ່ເຂດ ບ້ານ ຄູນຄຳ, ເມືອງ ຄູນ ຄຳ ແຂວງ ຄຳມ່ວນ ທີ່ຂັບຂີ່ ດ້ວຍ ຄວາມໄວສູງ ແລະ ສະ ພາບລົດ ບໍ່ຮັບປະກັນດ້ານ ເຕັກ ນິກເຮັດ ໃຫ້ມີຜູ້ເສຍຊີວິດ ຄາທີ່ 8 ຄົນ ແລະ ບາດເຈັບອີກ 6 ຄົນ.

           ທ່ານ ພັນໂທ ບຸນທຳ ຮອງກົມຕຳຫຼວດຈະລາຈອນ ໄດ້ໃຫ້ທັດສະນະໃນກອງປະຊຸມອົບຮົມສື່ມວນຊົນ ກ່ຽວກັບຜົນ ກະ ທົບຕໍ່ແມ່ຍິງ ແລະ ເດັກຈາກການດື່ມສິ່ງມືນເມົາເມື່ອບໍ່ດົນ ນີ້ ວ່າ: ບັນຫາອຸປະຕິເຫດຕາມທ້ອງຖະໜົນຄວນ ຈະໄດ້ຮັບການແກ້ໄຂຢ່າງຮີບດ່ວນເນື່ອງຈາກວ່ານັກຂັບຂີ່ບໍ່ປະຕິບັດລະບຽບ, ໂດຍສະເພາະແມ່ນມັກດື່ມສິ່ງມຶນເມົາ ອັນເປັນສາເຫດຕົ້ນຕໍພາ ໃຫ້ເກີດອຸປະຕິເຫດໄດ້ງ່າຍດັ່ງນັ້ນ ພວກເຮົາຄວນມີມາດຕະການເຂັ້ມງວດຕໍ່ຜູ້ຝ່າຝືນກົດລະ ບຽບຈະລາຈອນດັ່ງກ່າວ ດ້ວຍການສຶກສາອົບຮົມໃຫ້ຮຽນຮູ້ໃນການຂັບຂີ່ທີ່ປອດໄພ ແລະ ມີຄວາມເຂັ້ມງວດປະຕິບັດລະ ບຽບກົດໝາຍຈະລາຈອນ.