ພະຣາຊີນີແຫ່ງບຣູໄນ ດາຣູຊາລາມ ໃຫ້ທຶນພັດທະນາວຽກງານແມ່ຍິງລາວ

          ພະຣາຊີນີ ເປັນກິຣັນອາ ນັກຣາຈຊາເລຮາ ແຫ່ງ ບຣູໄນ ດາຣູຊາລາມ, ໄດ້ມອບໝາຍ ໃຫ້ທ່ານ ດາໂຕະ ຮາຈິ ໂມຮາ ເມັດ ນໍເຈລູດິນ, ຫົວໜ້າກົມພິທີ ການທູດ, ຮອງຫົວໜ້າຫ້ອງການ ກະ ຊວງການຕ່ງປະເທດ ແລະ ການຄ້າ ແຫ່ງ ບຣູໄນ ນຳເຊັກ ເງິນ 1 ແສນໂດລາສະຫະລັດ, ມອບ ຜ່ານທ່ານນາງ ບົວທອງ ທຳມະ ວົງ ພັນລະຍາພະນະທ່ານ ນາຍົກ ລັດຖະມົນຕີ ທອງສິງ ທຳມະວົງ ນາຍົກລັດຖະ ມົນຕີ ສປປ ລາວ, ໃນຕອນບ່າຍວັນທີ 3 ມີນາ 2013 ນີ້ ທີ່ສະຖານທູດລາວ ປະຈຳ ບຣູ ໄນດາຣູຊາລາມ ເພື່ອມອບຕໍ່ໃຫ້ ສູນກາງສະຫະພັນ ແມ່ຍິງລາວ ນຳໄປພັດທະນາ ວຽກງານແມ່ຍິງ ໃນຂັ້ນຕໍ່ໄປ.       

        ການມອບເຊັກເງິນດັ່ງກ່າວ ມີຂຶ້ນໃນຂະນະທີ່ພະນະທ່ານ ທອງສິງ ທຳມະວົງ ນາຍົກລັດ ຖະມົນ ຕີ ແຫ່ງ ສປປ ລາວ ພອ້ມ ພັນລະຍາ ແລະ ຄະນະ, ເດີນທາງ ຢ້ຽມຢາມສັນທະວະໄມ ຕີ ປະ ເທດ ບຣູ ໄນດາຣູຊາລາມ ແລະ ພະນະທ່ານ ນາຍົກລັກຖະມົນຕີ ກໍໄດ້ຮ່ວມເປັນສັກຂີພິຍານ ໃນ ການ ມອບ-ຮັບເຊັກເງິນດັ່ງກ່າວ.     

    ທ່ານນາງ ບົວທອງ ທຳມະວົງ ຖືໂອກາດນີ້ ຕາງໜ້າສູນກາງສະ ຫະພັນແມ່ ຍິງລາວ ກໍຄືປະຊາຊົນ ລາວບັນດາເຜົ່າ ສະແດງຄວາມ ຂອບໃຈ ຕໍ່ສົມເດັດຊູນຕານ, ພະ ຣາຊີນີ, ລັດຖະບານ ກໍຄື ປະຊາ ຊົນ ບຣູໄນ ທີ່ໄດ້ໃຫ້ທຶນຊ່ວຍ ເຫລືອ ເພື່ອພັດທະນາວຽກງານ ຂອງແມ່ ຍິງລາວໃນຄັ້ງນີ້ ກໍຄື ໃນ ຫລາຍຄັ້ງຜ່ານມາ ແລະ ຮັບ ວ່າ ຈະນຳເຊັກເງິ່ນຊ່ວຍເຫລືອ ດັ່ງ ກ່າວ ມອບຕໍ່ໃຫ້ສູນກາງສະ ຫະພັນ ແມ່ຍິງລາວ ນຳໃຊ້ໃຫ້ ຖືກວັດຖຸປະສົງ ແລະ ເກີດປະ ໂຫຍດສູງສຸດ.   

           ຜ່ານມາ ສົມເດັດຊູນຕານ, ພະຣາຊີນີ ແລະ ລັດຖະບານ ບຣູ ໄນດາຣູຊາລາມ ໄດ້ໃຫ້ການຊ່ວຍ ເຫລືອແກ່ ສປປ ລາວ ໃນຫລາຍ ໂຄງການເຊັ່ນ: ໃຫ້ທຶນປຸກສ້າງ ອາຄານສະຫະພັນ ແມ່ຍິງລາວ, ຊ່ວຍ ເຫລືອ ສູນຟື້ນຟູຄົນພິການ ແລະ ໂຮງຮຽນເດັກກຳພ້າ, ປຸກ ສ້າງໂຮງຮຽນມັດທະຍົມ, ກໍ່ສ້າງ ສູນປິ່ນ ປົວ ແລະ ຟື້ນຟູຜູ້ຕິດຢາ ເສບຕິດ, ສູນປິ່ນປົວ ແລະ ຮັກສາ ສຸຂພາບຕາ ກໍຄື ໂຄງການອື່ນໆ ເຊິ່ງມີມູນ ຄ່າຫລາຍລ້ານ ໂດລາ ສະຫະລັດ.