ຈະອອກບັດນັກສຶກສາແລະ ບັດ ATMເປັນບັດດຽວກັນຢູ່ມະຫາວິທະຍາໄລຈຳປາສັກ

          ພິທີເຊັນບົດບັນທຶກຄວາມເຂົ້າໃຈວ່າດ້ວຍການອອກບັດນັກສຶກສາແລະບັດ ATM ເປັນບັດດຽວກັນຂອງທະ ນາຄານການຄ້າຕ່າງປະເທດລາວ (BCEL) ມະຫາຊົນກັບມະຫາວິທະຍາໄລຈຳ ປາສັກ (ມ.ຈ) ໄດ້ຈັດຂຶ້ນໃນຕອນ ຄ່ຳວັນທີ 01 ມີນາ 2013ເມືອງປາກເຊ,ແຂວງຈຳປາສັກໂດຍການເຂົ້າຮ່ວມເປັນສັກຂີພະຍານຂອງ ທ່ານ ດຣສອນໄຊ ສີພັນດອນ ກຳ ມະການສູນກາງພັກ,ເລຂາພັກແຂວງ ເຈົ້າແຂວງໆຈຳປາສັກໂດຍມີ ທ່ານ ສຈ ດຣ ສຸກກົງແສງ ໄຊຍະເລີດ ກຳມະການສູນ ກາງພັກອະທິການບໍດີມະຫາວິທະຍາໄລແຫ່ງຊາດແລະ ທ່ານ ວັນຄຳ ວໍລະວົງ ຜູ້ອຳນວຍການໃຫ່ຍທະນາຄານການຄ້າຕ່າງ ປະເທດລາວມະຫາຊົນ ພ້ອມດ້ວຍທ່ານ ດຣ ສີຄຳຕາດ ມິຕາໄລອະທິການ ບໍດີມະຫາວິທະຍາໄລຈຳປາສັກ ແລະ ຄູອາຈານ, ເຂົ້າຮ່ວມນຳ​ອີກ.

         ຜູ້ອຳນວຍການໃຫ່ຍທະນາຄານການຄ້າຕ່າງປະເທດລາວມະຫາຊົນຈຳກັດວ່າ:ໂຄງການອອກບັດນັກສຶກສາໃຫ້ເປັນ ບັດດຽວກັນກັບບັດ ATM ເປັນຫນຶ່ງໃນຫຼາຍໆໂຄງການທີ່ທຄຕລໄດ້ຕັ້ງໃຈນຳເອົາຄວາມທັນສະໄໝຂອງເທັກໂນໂລ

ຊີເຂົ້າມາສູ່ສັງຄົມລາວເວົ້າລວມ, ເວົ້າສະເພາະກໍແມ່ນຂະແໜງການສຶກສາໃນຂອດບໍລິການເງິນສົດແລະການສຳລະຄ່າສິນ ຄ້າແລະການບໍລິການຕ່າງໆ, ເຊິ່ງເປັນອີກຮູບແບບໜຶ່ງໃນຂະແໜງການສຶກສາໃນໄລຍະຜ່ານມາທຄຕລໄດ້ດຳເນີນການອອກ ບັດນີ້ຮ່ວມກັບສະ ຖາບັນການທະນາຄານມະຫາວິທະຍາໄລແຫ່ງຊາດມະຫາວິທະຍາໄລສະຫວັນນະເຂດແລະມະ ຫາວິທະຍາໄລສຸພານຸວົງແຂວງຫຼວງພະບາງມາແລ້ວ ແລະ ເຫັນວ່າໂຄງການດັ່ງກ່າວໄດ້ສ້າງສີ ສັນໃໝ່ເຮັດໃຫ້ນັກສຶກສາລາວມີ ຄວາມສະດວກກວ່າໃນການໃຊ້ບັດປະຈຳຕົວນັກສຶກສາພຽງຢ່າງດຽວດັ່ງຜ່ານມາປັດຈຸບັນ ທຄຕລ ມີ 18 ສາຂາໃນທົ່ວປະ ເທດ, ມີໜ່ວຍບໍລິການ 46 ໜ່ວຍ, ມີຕູ້ ATM ຫຼາຍ ກວ່າ200ເຄື່ອງແລະມີບັດຮູດ EDCປະຈຳຢູ່ຮ້ານຄ້າຕ່າງໆ ຫຼາຍ ກວ່າ 1.200 ເຄື່ອງໃນຂອບເຂດທົ່ວປະເທດອັນ​ໄດ້ເຮັດໃຫ້ການນຳໃຊ້ບັດ ATM ຂອງລູກຄ້າມີຄວາມສະດວກສະບາຍກວ່າ ເກົ່າແລະປັດຈຸບັນນີ້ ທຄຕລ ກຳລັງດຳເນີນໂຄງການເຊື່ອມໂຍງລະບົບຕູ້ ATM ຂອງ8ທະນາຄານຊັ້ນນຳພາຍໃນປະເທດ ເຂົ້າກັນໝາຍວ່າຜູ້ຖືບັດນັກສຶກສາພາຍໃຕ້ການຮ່ວມມືໃນຄັ້ງນີ້ກໍຈະໄດ້ຮັບຜົນປະໂຫຍດຈາກການເຊື່ອມໂຍງໃນໂຄງການນີ້ ເປັນຢ່າງດີ.