ນັກສຶກສາລາວ 90 ຄົນ ໄປຢ້ຽມ ຢາມຍີ່ປຸ່ນພາຍໃຕ້ໂຄງການ ກີຊຸນາ ( ສາຍສຳພັນ )

       ໃນວັນທີ 10 ມີນາ 2013, ນັກສຶກສາມັດທະຍົມຕອນປາຍ, ວິທະຍາໄລ ແລະ ມະຫາວິທະຍາ ໄລ 90 ຄົນພ້ອມດ້ວຍ ຜູ້ນຳພາອີກ 8 ທ່ານໄດ້ອອກເດີນ ທາງໄປຢ້ຽມຢາມປະເທດຍີ່ປຸ່ນເພື່ອເຂົ້າຮ່ວໂຄງການແລກປ່ຽນຊາວຫນຸ່ມທີ່ມີຊື່ວ່າ ໂຄງການກີຊຸນະ “ສາຍສຳພັນ” ແຕ່ວັນທີ11-20 ມີນາ 2013.

        ໂຄງການກີຊຸນະແມ່ນໂຄງການແລກປ່ຽນຊາວຫນຸ່ມທີ່ມີເປົ້າຫມາຍ ເພື່ອສົ່ງ ເສີມຄວາມເຂົ້າໃຈຂອງສະມາຄົມໂລກຕໍ່ກັບຄວາມພະຍາຍາມຂອງຍີ່ປຸ່ນໃນ ການຟື້ນ ຟູຈາກເຫດການປະສົບໄພພິບັດແຜ່ນດິນໄຫວຄັ້ງໃຫຍ່ໃນເຂດຕາເວັນອອກ ຂອງຍີ່ ປຸ່ນ.ຄຳວ່າ “ ກີຊຸນະ” ມີຄວາມຫມາຍວ່າ “ສາຍສຳພັນ”. ໃນປີ 2012 ນັກຮຽນນັກສຶກສາລາວຫລາຍກວ່າ 80 ຄົນ ໄດ້ໄປ ຢ້ຽມຢາມຍີ່ປຸ່ນພາຍໃຕ້ໂຄງການດັ່ງກ່າວ.

          ຕະຫລອດໄລຍະການຢູ່ຢ້ຽມຢາມຍີ່ປຸ່ນ, ນັກສຶກສາ ລາວຈະໄດ້ໄປຢ້ຽມຢາມບັນດາ ເມືອງທີ່ປະສົບໄພພິບັດເພື່ອໃຫ້ ເຂົາເຈົ້າໄດ້ຮຽນຮູ້ເຖິງຄວາມພະຍາຍາມຂອງປະຊາຊົນຍີ່ປຸ່ນໃນການຟື້ນຟູບູລະນະຄືນໃຫມ່ຂອງບັນດາຕົວເມືອງດັ່ງກ່າວ. ຈະ
ໄດ້ຮຽນຮູ້ເອົາປະສົບການຂອງວຽກງານຟື້ນຟູບູລະນະ ແລະ ເຕັກໂນໂລຊີເຕືອນໄພພິບັດທີ່ກ້າວຫນ້າເປັນເວລາເຄິ່ງມື້. ພ້ອມ ກັນນັ້ນ ຍັງໄດ້ຮູ້ເຖິງຮີດຄອງວັດທະນະທຳ ແລະ ອຸດສາຫະກຳທ້ອງຖິ່ນໃນພາກຕາເວັນອອກສ່ຽງເຫນືອຂອງຍີ່ປຸ່ນ.

          ຫລັງກັບຄືນສູ່ປະເທດລາວແລ້ວ, ຫວັງເປັນຢ່າງຍິ່ງວ່ານັກຮຽນນັກສຶກສາເຫລົ່ານີ້ ຈະແບ່ງປັນປະສົບການທີ່ໄດ້ຮຽນ ມາໃຫ້ແກ່ຫມູ່ຄູ່ ແລະ ຄອບຄົວເພື່ອສົ່ງເສີມຄວາມເຂົ້າໃຈເຊິ່ງກັນ ແລະ ກັນລະຫວ່າງສອງປະເທດລາວ-ຍີ່ປຸ່ນໃຫ້ແໜ້ນ ແຟ້ນຍິ່ງຂຶ້ນ.

            ນອກຈາກໂຄງການດັ່ງກ່າວ, ໃນເດືອນມັງກອນຜ່ານມາ, ທ່ານ ນາຍົກລັດຖະມົນຕີຍີ່ປຸ່ນອາເບະ ໄດ້ເປີດໂຄງການ ຫນຶ່ງຂຶ້ນອີກມີຊືວ່າ “JENESYS 2.0” ລັດຖະ ບານຍີ່ປຸ່ນຈະສືບຕໍ່ສົ່ງເສີມຄວາມເຂົ້າໃຈເຊິ່ງກັນ ແລະ ກັນ ໃນບັນດາຮຸ່ນ ຫນຸ່ມຂອງບັນດາປະເທດສະມາຊິກອາຊຽນໃນນັ້ນລວມທັງປະເທດລາວ ແລະ ຍີ່ ປຸ່ນ.