ໃນຕອນຄ່ຳຂອງວັນທີ
1 ມີນາ ນີ້ ຢູ່ຫໍວັດທະນະທຳແຫ່ງຊາດ ນະຄອນ ຫຼວງວຽງຈັນ, ສະຖານທູດຢີ່ປຸ່ນປະຈຳລາວໄດ້ຈັດງານສະແດງດົນຕີພື້ນເມືອງຂອງຢີ່
ປຸ່ນໂດຍການຮ່ວມມີກັບກະຊວງຖະແຫຼ່ງຂ່າວ, ວັດທະນະທຳ ແລະ ທ່ອງທ່ຽວເພື່ອເປັນການ
ສະເຫຼີມສະຫຼອງສາຍພົວພັນມິດ ຕະພາບຢີ່ປຸ່ນ-ອາຊຽນຄົບຮອບ 40 ປີ ເປັນກຽດເຂົ້າຮ່ວມຊົມການສະແດງຄັ້ງນີ້ມີທ່ານປອນເມກ
ດາລາລອຍ, ປະທານສະ ມາຄົມມິດຕະພາບລາວ-ຢີ່ປຸ່ນ, ທ່ານ ບົວເງິນ ຊາວພູວົງ ລັດຖະມົນຕີຊ່ວຍວ່າການກະຊວງຖະແຫຼງຂ່າວ,
ວັດທະນະທຳ ແລະ ທ່ອງທ່ຽວ, ທ່ານ ດຣ.ສົມພູ ດວງສະຫວັນ ປະທານສະມາຄົມມິດ ຕະພາບລັດຖະສະພາລາວ-ຢີ່ປຸ່ນ.
ທ່ານ ມາຊາໂຕະ ອິໂຊະ ອຸປະທູດ ຂອງຢີ່ປຸ່ນກ່າວວ່າ:ການສະແດງດົນຕີພື້ນເມືອງຂອງຢີ່ປຸ່ນເຊິ່ງແດງໂດຍSho
ASANO ຄັ້ງນີ້ແມ່ນ ມີຄວາມພິເສດເພາະຈັດຂຶ້ນເພື່ອເປັນສ່ວນໜຶ່ງໃນການສະ ເຫຼີມສະຫຼອງການຄົບຮອບ 40 ປີແຫ່ງມິດຕະພາບແລະການຮ່ວມີຢີ່ປຸ່ນ-ອາຊຽນ
ແລະ ຂ້າພະເຈົ້າ ຫວັງເປັນຢ່າງຍິ່ງວ່າງານຄັ້ງນີ້ຈະຊ່ວຍສົ່ງເສີມສາຍພົວພັນມິດ
ຕະພາບແລະຄວາມເຂົ້າໃຈລະ ຫວ່າງຢີ່ປຸ່ນ ແລະ ບັນດາສະມາຊິກອາຊຽນ Sho
ASANO ເປັນຜູ້ຫຼິ້ນ shaminen ທີມີພອນສະຫວັນ
ແລະ ມີອາຍຸພຽງ 23 ປີເພິ່ນໄດ້ເລີ່ມຫຼິ້ນເຄື່ອງດົນຕີຕັ້ງແຕ່ອາຍຸ 5 ປີ
ເຊິ່ງໄດ້ສະສົມປະ ສົບການການຫຼິ້ນ shaminen ທັງໃນ ແລະ ນອກປະເທດຢີ່ປຸ່ນ,
ປັດຈຸບັນເພິ່ນ ແລະ ສະມາຊິກກຳລັງມີແຜນສະແດງຄອນເສີດຢູ່ ກຳປູເຈຍ, ມຽນມ້າ
ແລະ ລາວເຊິ່ງເປັນໜິ່ງໃນການສະແດງດ້ານວັດທະນະທຳເພື່ອສະເຫຼີມສະຫຼອງຢີ່ປຸ່ນອາຊຽນຄົບຮອບ
40 ປີ.
No comments:
Post a Comment