ແຂວງສະຫວັນນະເຂດເປັນໃຈກາງບໍລິການທາງຜ່ານຂອງອະນຸພາກພື້ນ

       ທ່ານ ດຣ. ສຸພັນ ແກ້ວມີໄຊ ເລຂາພັກແຂວງ, ເຈົ້າແຂວງສະ ຫວັນນະເຂດ ໄດ້ໃຫ້ສຳພາດຕໍ່ສື່ມວນຊົນ ໃນໂອກາດເຂົ້າ ຮ່ວມກອງປະຊຸມລັດຖະບານເປີດ ກວ້າງປະຈຳ 6 ເດືອນຕົ້ນສົກປີ 2012-2013 ເມື່ອບໍ່ດົນຜ່ານມາ ກ່ຽວກັບບົດຮຽນ ການ ບໍລິການທາງຜ່ານຂອງແຂວງສະຫວັນນະເຂດ ເຊິ່ງທ່ານໃຫ້ຮູ້ວ່າ: ໂດຍ ອີງໃສ່ ຈຸດພິເສດ ແລະ ທ່າແຮງ ພາຍໃນແຂວງ ທີ່ຕັ້ງ ຢູ່ໃຈກາງແລວທາງເສດຖະກິດຕາ ເວັນອອກ-ຕາເວັນຕົກ, ທາງລັດຖະບານກໍຄືແຂວງສະຫວັນນະເຂດໄດ້ສ້າງຍຸດ ທະສາດ ການພັດທະນາຮອດປີ 2020 ໂດຍມີ 9 ແຜນງານ, 96 ໂຄງການໃຫຍ່ ແລະ ເກືອບ 2.000 ໂຄງການຍ່ອຍໂດຍພັດທະນາ ໄປຕາມທິດທາງລວມຄືສ້າງແຂວງໃຫ້ເປັນໃຈກາງບໍລິການທາງຜ່ານຂອງ ສປປ ລາວ ໃນອະນຸພາກພື້ນ.

        ເຈົ້າແຂວງສະຫວັນນະເຂດ ກ່າວອີກວ່າ: ເພື່ອບັນລຸຍຸດທະ ສາດ ແລະ ທິດທາງລວມດັ່ງກ່າວ ນັ້ນ ພວກຂ້າພະເຈົ້າໄດ້ນ ຳໃຊ້ທຶນຮອນ, ຊັບພະຍາກອນທີ່ມີ ປະຕິບັດໂຄງການເສດຖະກິດ-ສັງ ຄົມຢ່າງມີຈຸດສຸມ, ດຶງດູດ ແລະ ຍາດແຍ່ງທຸກພາກ ສ່ວນເສດຖະກິດເຂົ້າໃນການພັດທະນາແລວ ທາງເສດຖະກິດຕາເວັນອອກ-ຕາເວັນຕົກ ໂດຍໄດ້ລົງທຶນກໍ່ສ້າງ ພື້ນຖານໂຄງ

ລ່າງຫລາຍໆໂຄງການ ເພື່ອອຳນວຍຄວາມສະ ດວກໃຫ້ແກ່ການພັດທະນາເຊັ່ນ: ທາງເລກ 9, ທາງເຊື່ອມຕໍ່ກັບຕົວ ເມືອງ ແລະ ເຂດຊົນນະບົດຫ່າງໄກ, ປັບປຸງສະໜາມບິນ, ການຄົມມະນາຄົມຂົນສົ່ງ, ສື່ສານ, ໄຟຟ້າ, ນ້ຳປະປາ, ສ້າງຕັ້ງເຂດ ເສດ ຖະກິດພິເສດສະຫວັນ-ເຊໂນ  ແລະ ເຂດການຄ້າຊາຍແດນແດນສະຫວັນ, ສ້າງພື້ນຖານບໍລິການຂົນສົ່ງ, ສ້າງຈຸດແວ່ພັກ ລົດ ຂົນສົ່ງ ແລະ ນັກທ່ອງທ່ຽວ, ໂຮງ ແຮມ-ເຮືອນພັກ, ຮ້ານອາຫານ ແລະ ອື່ນໆ ເພື່ອອຳນວຍຄວາມສະດວກໃຫ້ແກ່ການບໍລິ ການທາງຜ່ານ.

      ຜ່ານການຈັດຕັ້ງປະຕິບັດມາຮອດປັດຈຸບັນເຫັນວ່າມີຜົນປະໂຫຍດຢ່າງຫລວງຫລາຍເຊິ່ງສະ ແດງອອກທີ່ລະດັບການ ເຕີບໂຕທາງດ້ານເສດຖະກິດເພີ່ມຂຶ້ນ ຈາກ 10% ໃນປີ 2006 ມາເປັນ 12,5% ໃນປີ 2012, ລາຍຮັບຕໍ່ຫົວຄົນເພີ່ມຂຶ້ນ ຈາກ 443 ໂດລາສະ ຫະລັດ ໃນປີ 2006 ມາເປັນ 1.260 ໂດລາສະຫະລັດ ໃນປີ 2012, ມູນ ຄ່າການລົງທຶນ ແລະ ໂຕ ເລກການລົງທຶນຕ່າງປະເທດເພີ່ມຂຶ້ນ ຈາກ 420 ລ້ານໂດລາ ໃນປີ 2006 ມາເປັນ 1,76 ຕື້ໂດລາ ໃນປີ 2013 ເຊິ່ງມີ 147 ໂຄງການ ມາຈາກ 19 ປະເທດທົ່ວໂລກ, ລາຍຮັບງົບປະ ມານແຕ່ລະປີປະຕິບັດໄດ້ລື່ນແຜນການທຸກໆປີ, ຈຳນວນນັກທ່ອງ ທ່ຽວເຂົ້າມາທ່ຽວ ແລະ ຜ່ານໄປ ປະເທດທີສາມເພີ່ມຂຶ້ນຈາກ 118.500 ກວ່າຄົນ ໃນປີ 2006 ມາ ເປັນເກືອບ 1.200. 000 ຄົນ ໃນປີ 2012, ຈຳນວນພາຫະນະຂົ່ນສົ່ງສິນຄ້າ ແລະ ໂດຍສານເຂົ້າ-ອອກ ຜ່ານດ່ານສາກົນຂົວມິດຕະພາບ 2 ແລະ ດ່ານສາກົນຊາຍແດນ ລາວ-ຫວຽດນາມ ມີລັກສະນະ ເພີ່ມຂຶ້ນ, ຈຳນວນຜູ້ໂດຍສານ ເຂົ້າ-ອອກເມືອງກໍເພີ່ມຂຶ້ນ, ມູນ ຄ່າສິນ ຄ້າພາຍໃນສົ່ງອອກຕ່າງ ປະເທດ ເພີ່ມຂຶ້ນຈາກ 247 ລ້ານ ໂດລາ ໃນປີ 2006 ມາເປັນ 809,4 ລ້ານໂດລາສະຫະລັດ ໃນປີ 2012 ແລະ ມູນຄ່າສິນຄ້ານຳເຂົ້າເພື່ອ ສົ່ງອອກໄປປະເທດທີສາມມີມູນ ຄ່າເຖິງ 146 ລ້ານໂດລາສະຫະ ລັດຕໍ່ປີ, ບໍລິມາດຂົນ ສົ່ງສິນຄ້າເພີ່ມຂຶ້ນຈາກເກືອບ 69 ໂຕນ ໃນ ປີ 2006 ມາເປັນ 255.000 ກວ່າ ໂຕນ ໃນປີ 2012 ແລະ ອື່ນໆ.