ໃນວັນທີ 28 ພຶດສະພາ 2013 ທີ່ຫ້ອງວ່າການລັດຖະບານ,
ທ່ານ ນາງ ເຂັມແພງ ພົນເສນາ ລັດຖະມົນຕີປະຈຳຫ້ອງວ່າ ການລັດຖະບານ, ປະທານຄະນະກຳມາທິ
ການເພື່ອແມ່ ແລະ ເດັກແຫ່ງຊາດ ໄດ້ຮັບເງິນ ຈຳນວນຫລາຍກວ່າ 35 ລ້ານກີບ ເພື່ອສະ ໜັບສະໜູນຂະບວນການສະເຫລີມສະຫລອງວັນເດັກສາກົນ
ຈາກທ່ານ ອາລຸນແກ້ວ ກິດຕິຄຸນ ລັດຖະມົນ ຕີຊ່ວຍວ່າການກະຊວງການຕ່າງ ປະເທດທີ່ໄດ້ມາຈາກການຊ່ວຍ
ເຫລືອຂອງພາກສ່ວນຕ່າງໆໃນ ສັງຄົມ.
ໃນໂອກາດນີ້, ທ່ານນາງ ເຂັມແພງ ພົນເສນາ
ໄດ້ຕາງໜ້າໃຫ້ແກ່ຄະນະກຳມາທິການເພື່ອແມ່ ແລະ ເດັກແຫ່ງຊາດ ສະແດງຄວາມຂອບອົກຂອບໃຈເປັນຢ່າງຍິ່ງຕໍ່ການສະໜັບສະໜູນ
ຈຳ ນວນເງິນດັ່ງກ່າວຈະໄດ້ນຳໃຊ້ເຂົ້າໃນການສ້າງກິດຈະກໍາຕ່າງໆຂອງເດັກ ໃນໂອກາດສະເຫລີມສະຫລອງວັນເດັກສາກົນ
(1 ມິຖຸນາ) ໃຫ້ເກີດຜົນປະໂຫຍດ ເປັນຕົ້ນການເຜີຍແຜ່ຂໍ້ມູນຂ່າວ ສານກ່ຽວກັບສິດທິມະນຸດ,
ສິດທິເດັກ ແລະ ເຜີຍແຜ່ສານຂອງ ທ່ານນາຍົກ ກ່ຽວກັບວັນເດັກສາ ກົນ. ພ້ອມນີ້ຍັງຈະໄດ້ເຊື້ອເຊີນ
ເອົາບັນດາການນຳພັກ-ລັດ ເຄື່ອນໄຫວຢ້ຽມຢາມສູນບຳບັດ, ຟື້ນຟູຄົນພິການ ແລະ ມອບເຄື່ອງຊ່ວຍເຫລືອໃຫ້ພະແນກເດັກ
ໂຮງ ໝໍຕ່າງໆຢູ່ນະຄອນຫລວງວຽງ ຈັນ, ສ້າງກິດຈະກຳປູກຕົ້ນໄມ້ມະນີໂຄດ ຢູ່ໜ້າເດີ່ນສະພາແຫ່ງຊາດ
ແລະ ຈະມີການວາງສະແດງຜົນງານ, ການສະແດງສິລະປະ-ວັນນະຄະດີ, ຖາມ-ຕອບບັນ ຫາຕ່າງໆກ່ຽວກັບສິດທິເດັກ,
ກວດສຸຂະ ພາບ, ແຕ້ມຮູບລະບາຍສີພ້ອມກິດຈະກຳອື່ນໆອີກສຳລັບເດັກນ້ອຍ ເພື່ອແນໃສ່ປູກຈິດສຳນຶກຕ່າງໆໃຫ້ເຂົາເຈົ້າໄດ້ພັດທະນາ
ຕົນເອງກາຍເປັນໜໍ່ແໜງທີ່ດີຂອງຊາດ.
No comments:
Post a Comment