ການລະເມີດລະບຽບການຂັບຂີ່ຍັງມີຫລາຍ

        ກອງບັນຊາການ ປກສ ນະຄອນຫລວງວຽງຈັນໃຫ້ຮູ້ວ່າ: ການລະເມີດລະບຽບການຂັບຂີ່ຕາມທ້ອງຖະໜົນໃນຕົວ ເມືອງຍັງມີຫລາຍໄດ້ສົ່ງຜົນເຮັດໃຫ້ເກີດມີອຸປະຕິເຫດເປັນຈຳນວນບໍ່ໜ້ອຍຄື: ການຈອດລົດຊະຊາຍ ແລະ ຄວາມບໍ່ເປັນລະ ບຽບຕາມທ້ອງຖະໜົນຕາມມາ.

    ກອງບັນຊາການດັ່ງກ່າວໄດ້ ຍົກໃຫ້ເຫັນຕົວເລກການກວດກາ ຜູ້ລະເມີດລະບຽບການສັນ ຈອນ ໃນອາທິດໜຶ່ງຜ່ານມາ ມີ ຫລາຍ ເຖິງ 300 ກວ່າຄົນ,ຍິງ ເກືອບ 100 ຄົນ,ໃນນີ້ ເຈົ້າໜ້າທີ່ໄດ້ທຳ ການສຶກສາອົບຮົມຜູ້ລະເມີດດັ່ງ ກ່າວປະມານ 120 ກວ່າຄົນ ແລະ ຂຽນໃບສັ່ງໃຫ້ຜູ້ລະເມີດອີກ 190 ຄົນ, ກັກເອກກະສານຕ່າງໆ 180 ກວ່າກໍລະນີ ແລະ ພາຫະນະປະເພດລົດ ຈັກຈຳນວນໜຶ່ງອີກ. ເຈົ້າໜ້າທີ່ຈະລາຈອນນະຄອນຫລວງວຽງຈັນ ທ່ານໜຶ່ງບອກກັບນັກ ຂ່າວວ່າ: ມີຜູ້ຂັບຂີ່ລົດຈຳນວນບໍ່ ໜ້ອຍທີ່ມີພຶດຕິກຳລະເມີດລະບຽບເປັນຕົ້ນ: ບໍ່ມີໃບອະນຸຍາດຂັບຂີ່, ຂັບຂີ່ລົດໄວເກີນຄວນ, ເມົາ ແລ້ວຂັບ, ຈອດລົດຊະ ຊາຍ, ລ່ວງປ້າຍຫ້າມ ຫລື ໄຟອຳນາດລວມ ໄປເຖິງການດັດແປງສະພາບລົດທີ່ບໍ່ຖືກຕ້ອງ.ຈາກບັນຫາເຫລົ່ານັ້ນ ຈຶ່ງເປັນ ສາເຫດກໍໃຫ້ເກີດອຸປະຕິເຫດຕາມທ້ອງຖະໜົນໂດຍ ໃນໜຶ່ງອາທິດຜ່ານມາມີອຸປະຕິ ເຫດເກີດຂຶ້ນ 27 ກໍລະນີ, ມີຜູ້ເສຍ ຊີວິດ 1 ຄົນ, ບາດເຈັບເປັນຈຳນວນຫລາຍ ແລະ ມີມູນຄ່າເສຍຫາຍຫລາຍຮ້ອຍລ້ານກີບ.

     ເພື່ອໃຫ້ບັນຫາດັ່ງກ່າວ ຫລຸດໜ້ອຍລົງໃນຜ່ານມາເຈົ້າໜ້າທີ່ຈາລະຈອນນະຄອນຫລວງວຽງຈັນ ກໍໄດ້ເອົາໃຈໃສ່ຕໍ່ການ ລົງໂຄສະນາກ່ຽວກັບລະບຽບການສັນຈອນຢ່າງລຽນຕິດຢູ່ຕາມໂຮງຮຽນ,ບ້ານ, ສາຍທາງ, ແລະ ໂຮງຈັກໂຮງງານ ເພື່ອໃຫ້ ສັງຄົມໄດ້ຮັບຮູ້ ແລະ ເຂົ້າໃຈລະບຽບການຈາລະຈອນທາງບົກ ແລະ ເຝຶກອົບຮົມການຂັບຂີ່ຢ່າງຖືກວິທີນຳດ້ວຍ.