ບັນຫາຄົນຂໍທານຈະແກ້ໄຂແນວໃດ ?

       ປັດຈຸບັນ, ສະພາບຄົນຂໍທານຢູ່ໃນຕົວເມືອງເຫັນວ່າມີລັກສະນະເພີ່ມຂຶ້ນຫລາຍ, ເຊິ່ງບັນ ຫາດັ່ງກ່າວພວມ ກໍ່ໃຫ້ເກີດພາບພົດທີ່ບໍ່ ຈົບງາມຕໍ່ສາຍຕາຂອງນັກທ່ອງ ທ່ຽວ ແລະ ຄົນໃນ ສັງຄົມ ໂດຍຄົນຂໍທານທີ່ພົບ ສ່ວນຫລາຍ ແມ່ນມີທັງຄົນພິການ, ໃບ້ບ້າເສຍຈິດ ແລະ ຜູ້ທີ່ ມີສຸຂະພາບແຂງແຮງ. ສຳລັບຈຳພວກຮ່າງກາຍສົມບູນແຂງແຮງນີ້ ຖືວ່າເຮັ່ງຮ້າຍຫລາຍ ມີການ ເຄື່ອນໄຫວໄປເປັນກຸ່ມປະມານ 3-5 ຄົນ, ທັງຜູ້ຊາຍ, ຜູ້ຍິງ ແລະ ເດັກນ້ອຍຍ່າງເລາະ ຂໍທານ ຕາມເຮືອນປະຊາຊົນ,ສ່ວນຢູ່ຕາມຮ້ານອາຫານຕ່າງໆພວກຂໍທານເລົ່ານັ້ນຈະໃຫ້ເດັກນ້ອຍເຂົ້າ ໄປຂໍເງິນນຳ ແຂກໃ ລັກສະນະຢືນຂໍແບບຊູຊີຈົນກວ່າແຂກໃຫ້ເງິນຈຶ່ງໜີໄປ.

      ຈາກສະພາບດັ່ງກ່າວ,ມີບາງ ຮ້ານອາຫານໃນນະຄອນຫລວງວຽງຈັນເຫັນວ່າເປັນການກະ ທຳທີ່ສ້າງພາບພົດ ບໍ່ຈົບງາມ ແລະ ໄດ້ເປັນເຈົ້າການໃນການສະກັດກັ້ນກຸ່ມຄົນຂໍທານດັ່ງກ່າວ ໃນຫລາຍແບບ ເປັນຕົ້ນ:ບໍ່ໃຫ້ຄົນຂໍທານ ເຂົ້າໄປພາຍໃນຮ້ານ ຫລື ບາງແຫ່ງເຈົ້າຂອງຮ້ານຫ້າມ ບໍ່ໃຫ້ລູກຄ້າທີ່ມາກິນອາຫານເອົາເງິນໃຫ້ຄົນຂໍທານ ເຊັ່ນຕົວ ຢ່າງ ຮ້ານຂາຍໝີ່ກ່ຽວແຫ່ງໜຶ່ງ ຢູ່ບ້ານຫາຍໂສກ ເມືອງຈັນທະບູລີ ຈົນເຖິງຂັ້ນຂຽນປ້າຍຕິດໃສ່ຝາພາຍໃນຮ້ານວ່າ (ຫ້າມລູກຄ້າເອົາເງິນໃຫ້ຄົນຂໍທານເດັດຂາດ).

    ແນວໃດກໍຕາມເພື່ອໃຫ້ບັນຫາດັ່ງກ່າວຫລຸດລົງທຸກພາກສ່ວນໃນສັງຄົມຄວນເປັນເຈົ້າການຮ່ວມກັນນການ ສະກັດກັ້ນບັນ ຫາຄົນ ຂໍທານ, ຢຸດຕິການໃຫ້ເງິນ ແກ່ຂໍທານຜູ້ທີ່ຮ່າງກາຍສົມບູນແຂງແຮງ, ນອກຈາກນີ້ ອຳນາດ ການປົກຄອງທ້ອງຖິ່ນກໍຕ້ອງໄດ້ ສຶກສາອົບ ຮົມຄອບຄົວ ແລະ ບຸກຄົນ ທີ່ຖືກເຈົ້າໜ້າທີ່ສົ່ງກັບຄືນທ້ອງຖິ່ນຍ້ອນ ເຂົ້າມາຂໍທານຢູ່ໃນຕົວເມືອງໃຫ້ຢຸດການ ກະທຳດັ່ງ ກ່າວ ແລະ ສ່ວນຜູ້ທີ່ພິການ ຫລື ໃບ້ບ້າເສຍຈິດພາກສ່ວນກ່ຽວ ຂ້ອງກໍຕ້ອງໄດ້ມີການກຳນົດ, ຈັດສັນສະຖານທີ່ອັນເໝາະ ສົມໃຫ້ພວກເຂົາເພື່ອບໍ່ໃຫ້ຄົນເຫລົ່ານັ້ນໄດ້ກັບມາເລາະ ຂໍທານ ແລະ ເປັນ ບັນຫາໃຫ້ສັງຄົມອີກ.