ເຊັບ​ໂຣ​ເລດມອບ​ຄຳ​ໃຫ້​ລູກ​ຄ້າ​

           ​ໃນ​ວັນ​ທີ 15 ມິຖຸນາ ນີ້,ບໍ ລິສັດ ມະ​ນິຍົມ ຕົວແທນຈຳໜ່າຍ​ລົດເຊັບໂຣ ເລດ(Chevrolet) ໄດ້​ຈັດ​ພິທີ​ມອບ​ຄຳ​ໃຫ້​​ລູກ​ຄ້າທີ່​ມາ​ຊື້ ລົດChevrolet ທຸກ​ຮຸ່ນ ແລ້ວ​ແນະ ນຳ​ຕໍ່​ໃຫ້​ຜູ້​ອື່ນ​ມາ​ໃຊ້​ບໍລິການ ຕາມ​ສັນຍາ ເຊິ່ງມີ 41 ຄົນໄດ້​ຮັບ​ລາງວັນໃນ​ຄັ້ງນີ້ ໂດຍການ​ມອບ​ລາງວັນ​ທ່ານ ສຸກ​ສະໝອນ ສີ​ຫາ​ເທບ ປະທານ​ກຸ່ມ​ບໍລິສັດ ມະ​ນິຍົມ.

       ປະທານກຸ່ມ​ບໍລິສັດ ມະ​ນິຍົມ ​ໃຫ້​ສຳພາດ​ວ່າ:ນັບ​ແຕ່​​ເປີດ​ສູນ ຈຳໜ່າຍ​ລົດຍີ​່ຫໍ້ດັ່ງກ່າວເມື່ອ​ ທ້າຍປີ 2012 ເປັນຕົ້ນ​ມາ,ການ​ບໍລິການ​ຂອງ​ບໍລິສັດ​ແມ່ນ​ໄດ້​ຮັບ​ຄວາມ​ນິຍົມ,​ເຊື່ອ​ໝັ້ນ ແລະ ​ໄວ້​ເນື້ອເຊື່ອ​ໃຈ​ຈາກ​ລູກ​ຄ້າ ​ແລະ ຜູ້​ໃຊ້​ບໍລິການ​ມາ​ໂດຍ​ຕະຫຼອດ ຈົນ​ເຮັ​ດ​ໃຫ້​ບໍລິສັດສາມາດ​​ດຳເນີນ ທຸລະ ກິດ​ມາ​ເຖິງ​ຈຸດ​ນີ້ ແລະ ສິ່ງ​ເຮັດ​ໃຫ້​ພວກເຮົາມີຄວາມພາກ​ພູມ​ໃຈ​ຫລາຍນັ້ນກໍ​ແມ່ນ​ຍອດ​ຈຳໜ່າຍ​ລົດ​ຍີ​່ຫໍ້​ດັ່ງກ່າວ​ນັບ​ມື້ນັບ​ເພີ່ມ​ຂຶ້ນ​ເປັນລຳດັບສະເພາະ 4 ເດືອນ​ຕົ້ນ​ປີ 2013 ຜ່ານ​ມາ ​ມີ​ຍອດ​ຈຳໜ່າຍ​ລົດຫລາຍກວ່າ 600 ​ຄັນ.ດັ່ງນັ້ນເພື່ອ​ເປັນ​ການ​ຕອບ​ແທນ​ບຸນຄຸນ​ດັ່ງກ່າວ ​ໃນ​ໄລຍະ​ຜ່ານ​ມາ​,ບໍລິສັດ​ກໍ​ໄດ້​ຈັດ​ໂປຣ​ໂມ​ຊັນຄຶນ​ກຳ​ໄລ​ໃຫ້​ລູກ​ຄ້າເປັນປະຈຳ ເຊັ່ນ ການຈັບສະ ຫລາກ​ລາງ ວັນ​ລົດ​ໃຫຍ່​ທີ່​ລູກ​ຄ້າ​ຈັບ​ສະຫຼາກ​ຈາກ​ບັດຊີງໂຊກ ​ແລະ ກໍ​ໄດ້​ມອບ​​ເປັນ​ທີ່​ຮຽບຮ້ອຍ​ແລ້ວ ແລະ ການ​ຈັດ​ກິດຈະກຳ​ມອບ​​ຄຳ​ໃນ​ຄັ້ງນີ້ ກໍ​ເພື່ອ​ຄືນ​ກຳ​ໄລ​ໃຫ້​ລູກ​ຄ້າ ​ແລະ ຜູ້​ໃຊ້​ບໍລິການ ໂດຍ​ໄດ້​ເລີ່​ມມາ​ແຕ່​ວັນ​ທີ 1 ເມສາ ຫາ ​ວັນ​ທີ 15 ມິຖຸ ນາ

2013 ເຊິ່ງມີ​ຜູ້​ໄດ້​ຮັບ​ລາງວັນ​ດັ່ງກ່າວ 41 ທ່ານ ທີ່​ມາ​ຊື້ລົດ Chevrolet ແລ້ວ​ແນະນຳ​ໃຫ້​ຜູ້​ອື່ນ​ມາ​ຊື້ນຳ ​ເຊິ່ງລາງວັນ​ທີ່​ມອບ​ຄັ້ງ ນີ້​ເປັນ​ຄຳ​ຜູ້​ລະ 2 ສະ​ລຶງ.

         ທ່ານ​ຍັງ​ກ່າວ​ອີກ​ວ່າ: ການ​ ຈັດ​ກິດຈະກຳ​ດັ່ງກ່າວ​ສະ​ແດງ​ໃຫ້​ເຫັນ​ເຖິງ​ການ​ເຕີບ​ໃຫຍ່ດ້ານທຸລະ ກິດ​ຂອງ Chevrolet ຢູ່ລາວທ່າມ ກາງ​ບັນຍາກາດ​ການ​ແຂ່ງຂັນ​ທີ່​ນັບ​ມື້ສູງຂຶ້ນຂອງ​ຕະຫຼາດ​ລົດ​ໃຫຍ່​ຢູ່​ລາວ ​​ເຖິງ​ຈະ​ເປັນບໍລິສັດ ທີ່​ຫາ​ກໍ​ມາ​ໃໝ່ແຕ່​​ບໍລິສັດ​ກໍ​ບໍ່​ເຄີຍ​ປະສົບ​​ບັນຫາ​ທາງ​ການ​ຕະຫຼາດ​ມາ​ກ່ອນ ແລະ ສຳລັບ​ຍອດ​ຈຳ ໜ່າຍ​ໝົດ​ປີ 2013 ນີ້ ຄາດ​ວ່າ​ຈະ​ບັນລຸ​ຕາມ​ແຜນການ​ທີ່​ວາງ​ໄວ້.

           ກຸ່ມ​ບໍລິສັດ ມະ​ນິຍົມ ​ເປັນ ຕົວແທນ​ຈຳໜ່າຍລົດ Chevrolet ​ໜຶ່ງ​ດຽວ​ຢູ່ລາວ ປັດຈຸບັນ,ລົດ​ຍີ່​ຫໍ້​ດັ່ງກ່າວ ມີ​ບໍລິສັດໃຫຍ່​ຢູ່ສະຫະ​ລັດອາ​ເມ​ລິ​ກາ ​ແລະ ມີ​ສາຂາ​ຈຳ ໜ່າຍ​ຢູ່​ທຸກ​ປະ​ເທດ​ໃນ​ໂລກສຳລັບ​ ຢູ່​ ລາວ ຍັງມີ​ສູນ​ບໍລິການພຽງ ແຫ່ງ​ດຽວ​ຢູ່ນະຄອນຫຼວງວຽງ​ຈັນ ແລະ ບໍລິສັດ​ມີ​ແຜນ​ການທີ່​ຈະ​ຂະຫຍາຍ​ສາຂາ​ຈຳໜ່າຍໄປຕ່າງ​ແຂວງຕື່ມອີກ ເຊັ່ນ: ຈຳປາ​ສັກ, ສະຫວັນ​ນະ​ເຂດ, ຄຳ​ມ່ວນ ແລະ ຫຼວງ​ພະ​ບາງ​ໃນ​ປີ​ໜ້ານີ້ ພ້ອມກັບ​ເພີ່ມ​ຜະລິດ​ຕະພັນ​ໃໝ່ໆ ເພື່ອ​ໃຫ້​ລູກ​ຄ້າ​ໄດ້​ມີ​ທາງ​ເລືອກຕາມ​ຄວາມ​ຕ້ອງການ​ຂອງ​ຕົນ ແລະ ​ໃນ​ອະນາຄົດ​ອັນ​ມໍ່ໆ​ນີ້ກໍ​ຈະ​ມີ​ລົດ ຮຸ່ນ​ໃໝ່​ມາ​ອີກ 2 ຮຸ່ນ ເພື່ອ​ຕອບ​ສະ ໜອງ​ຕາມ​ຄວາມ​ຕ້ອງການ​ຂອງ​ລູກ​ຄ້າ​ໄປ​ພ້ອມໆ​ກັບການ​ຈັດ​ໂປຣ​ໂມ​ຊັນ​ໃໝ່​ທີ່​ດີ​ຂຶ້ນກວ່າ​ເກົ່າ​ ເພື່ອ​ແບ່ງປັນກຳ​ໄລ​ໃຫ້​ແກ່​ລູກ​ຄ້າ.