ປະຈຸບັນເບິ່ງຄືວ່າ ສະພາບ ຂີ້ລັກ, ງັດແງະຫ້ອງເຊົ່າຕ່າງໆ
ມີຫຼາຍຂື້ນ.ຈົນກະທັ້ງຜູ້ໄປນອນ ເຝົ້າລູກຫຼານ, ພໍ່-ແມ່ຜູ້ເຈັບປ່ວຍ ຢູ່ຕາມໂຮງໝໍຕ່າງໆກໍຖືກພວກໂຈນດັ່ງກ່າວລັກເອົາເຄື່ອງຂອງວັດຖຸເງີນຄຳ
ຕ່າງໆເປັນ ຈຳນວນບໍ່ໜ້ອຍ ໂດຍສະເພາະໂຮງໝໍທີ່ມີຄົນເຈັບຫຼາຍຕ້ອງໄດ້ນອນພະຍາບານຢູ່ເບື້ອງນອກ,
ຕ້ອງໃສ່ໃຈລະວັງເປັນພິເສດເພາະມີຂື້ນແລ້ວຢູ່ໂຮງໝໍ 150 ຕຽງ. ກໍດັ່ງເຈົ້າໜ້າທີ່ເປີດເຜີຍວ່າ:
ໃນ 6 ເດືອນ ຢູ່ ນະຄອນ ຫຼວງວຽງຈັນ ມີຄະດີເກີດຂື້ນ 1.139 ເລື່ອງ, ໃນນັ້ນເຈົ້າໜ້າທີ່ສາມາດແກ້ໄຂໄດ້
624 ເລື່ອງ, ກັກຕົວຜູ້ກະທຳຜິດມາດຳເນີນຄະດີໄດ້ 979 ຄົນ, ສ້າງຜົນເສຍຫາຍແກ່ຊັບສິນເງີນ
ຄຳເປັນຈຳນວນບໍ່ໜ້ອຍ, ມີລົດເສຍ 308 ຄັນ, ລົດໃຫຍ່ 17 ຄັນ, ຄຳຮູບປະພັນ ກ່ວາ 2
ກິໂລ, ໂທ ລະສັບມືຖື 278 ໜ່ວຍ, ຄອມພີ້ວເຕີ້ໂນດບຸກ 105 ໜ່ວຍ ແລະ ຊັບສິນອື່ນໆອີກ,
ຂະນະດຽວກັນເຈົ້າ ໜ້າທີ່ສາມາດເກັບກູ້ ແລະ ຢຶດ ຂອງກາງຄືນໄດ້ຄື: ເງີນ 80 ລ້ານກ່ວາກີບ,
ຄຳຮູບປະພັນ 3 ບາດ, ລົດໃຫຍ່ 3 ຄັນ, ລົດຈັກ 28 ຄັນ, ໂທລະສັບມືຖື 8 ໜ່ວຍ, ປືນສັ້ນ
4 ກະ ບອກ, ປືນແວງ 2 ກະບອກພ້ອມລູກປືນ 460 ລູກ, ລະເບີດ 4 ໜ່ວຍ, ງ້າວ 7 ດວງ ແລະ ວັດຖຸອື່ນໆ
ເພື່ອມາດຳເນີນຄະ ດີຕາມກົດໝາຍ, ປະກົດການຫຍໍ້ທໍ້ທີ່ເກີດຂື້ນສ່ວນໃຫຍ່ແມ່ນຄະດີລັກຊັບພົນລະເມືອງ
ໂດຍສະເພາະແມ່ນການງັດແງະຫ້ອງເຊົ່າ.
ປກສ ເມືອງ ສີສັດຕະນາກ ໃຫ້ຮູ້ວ່າ:
ເມື່ອຕົ້ນເດືອນ ກໍລະກົດ ນີ້ທາງເຈົ້າໜ້າທີ່ຂອງຕົນສາມາດ ມ້າງແກ້ງລັກຊັບຕົວອັນຕະລາຍໄດ້
3 ຄົນຄື: ທ້າວ ໄຊຍະສິດ ຫຼື ແຊມ ອາຍຸ 22 ປີ ຢູ່ບ້ານ ດົງຄຳຊ້າງ ເມືອງ ຫາດຊາຍຟອງ,
ທ້າວ ນູເພັດ ຫຼື ດີ້ ອາຍຸ 27 ປີ ພັກເຊົາຢູ່ບ້ານ ສະພານທອງ ເມືອງ ສີສັດ ຕະນາກ
ແລະ ທ້າວ ວັນເພັງ ອາຍຸ 24 ປີ ພັນເຊົາຢູ່ບ້ານ ສະພັງເມີກ ເມືອງ ໄຊທານີ ນະຄອນຫຼວງ
ວຽງຈັນ ມາດຳເນີນຄະດີໃນຂໍ້ຫາ ລັກຊັບພົນລະເມືອງ.
ທ່ານ ພັນຕີ ທອງສະຫວັດ ແສນສຸຫວາດ ຮອງຫົວໜ້າກອງບັນຊາການ
ປກສ ເມືອງດັ່ງກ່າວ ໃຫ້ຮູ້ວ່າ: ຕາມການກວດກາປະ ຫວັດຜູ້ຕ້ອງຫາທັງ 3 ແມ່ນມີການພົວພັນກັບສິ່ງເສບຕິດ
ແລະ ທ້າວ ວັນເພັງ ກໍເຄີຍຖືກສານຕັດສິນຈຳຄຸກ 1 ປີ ໃນຂໍ້ຫາມົ້ວສຸມຢາເສບຕິດ
ກ່ອນຈະອອກມາເຄື່ອນໄຫວ ລັກຊັບ ແລະ ກຸ່ມດັ່ງກ່າວຍັງມີເພື່ອນຮ່ວມກໍ່ເຫດລັກຊັບນຳກັນອີກ
2 ຄົນ ເຊິ່ງທາງເຈົ້າໜ້າທີ່ກຳ ລັງເລັ່ງຕິດຕາມນຳຈັບຕົວມາດຳເນີນຄະດີ, ສະນັ້ນ
ຈຶ່ງເຕືອນໃຫ້ສັງຄົມຈົ່ງມີສະຕິລະວັງຕົວຮັກ ສາສິ່ງຂອງ ແລະ ຊັບສິນຂອງຕົນໃຫ້ດີ
ໂດຍສະເພາະແມ່ນຜູ້ທີ່ພັກເຊົາຢູ່ຫ້ອງແຖວເນື່ອງຈາກກຸ່ມຄົນບໍ່ ດີຍັງສືບຕໍ່ເຄື່ອນໄຫວສ້າງປະກົດການຫຍໍ້ທໍ້ຕື່ມອີກ.
No comments:
Post a Comment