ສື່ມວນຊົນລາວໄດ້ຮັບການຍົກລະດັບທັກສະວິຊາການຢູ່ ສສ.ຫວຽດນາມ

             ກະຊວງຖະແຫລງຂ່າວ ແລະ ການສື່ສານ ສສ.ຫວຽດນາມ ໄດ້ເປີດຊຸດ ອົບຮົມໃຫ້ແກ່ ສື່ມວນຊົນລາວ ພາຍໃຕ້ ຫົວຂໍ້ “ທັກສະການເກັບກຳຂໍ້ມູນ- ແກ້ໄຂຂໍ້ ມູນຂ່າວສານ” ຂຶ້ນລະຫວ່າງວັນທີ 19-23 ສິງຫານີ້ ຢູູ່ແຂວງ ກວາງບິງ ສສ ຫວຽດນາມ ໂດຍ ມີທ່ານ ສະຫວັນຄອນ ຣາຊມຸນຕຣີ ລັດຖະມົນຕີຊ່ວຍວ່າການກະ ຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ໂດ ກຸຍ ຢວານ ລັດຖະ ມົນຕີຊ່ວຍວ່າການກະຊວງຖະແຫລງຂ່າວ ແລະ ສື່ ສານຫວຽດນາມ, ມີຫົວໜ້າສະ ຖາບັນສື່ມວນຊົນ ແລະ ສຳມະນາກອນເຂົ້າຮ່ວມ 35 ຄົນ.                  

               ທ່ານ ສະຫວັນຄອນ ຣາ ຊມຸນຕຣີ ກ່າວວ່າ: ການເປີດຊຸດອົບຮົມຄັ້ງນີ້ ແມ່ນມີຄວາມສຳຄັນຫລາຍຕໍ່ການຈັດ ຕັ້ງປະຕິບັດ ແຜນການຮ່ວມມື ລະຫວ່າງ ສອງກະຊວງຖະແຫລງຂ່າວ ລາວ- ຫວຽດນາມ ໃນການພັດທະນາຊັບພະກອນ ກອນມະນຸດໃນຂົງ ເຂດຂະແໜງຖະແຫລງ ຂ່າວຊຶ່ງ ເປັນວຽກງານໜຶ່ງທີ່ສຳຄັນ ແລະ ນອນຢູ່ໃນ 4 ບຸກທະລຸຂອງມະຕິກອງ ປະຊຸມໃຫຍ່ ຄັ້ງທີ IX ຂອງ ພັກ.

ຢາກພັດທະນາປະເທດຊາດ ໄດ້ ກ່ອນອື່ນກໍຕ້ອງພັດທະນາຄົນ ໃຫ້ມີສະຕິປັນຍາ, ມີຄວາມ ຮູ້ຄວາມສາມາດ ດັ່ງຊຸດອົບຮົມຄັ້ງ ນີ້ກໍເປັນການໂອກາດໜຶ່ງເພື່ອ ສ້າງເງື່ອນໄຂໃຫ້ບັນດາສຳມະນາກອນໄດ້ແລກປ່ຽນບົດ ຮຽນ, ປະສົບການ ເຊິ່ງກັນ ແລະ ກັນ ພ້ອມນີ້ຍັງຈະຊ່ວຍໃຫ້ເຂົ້າໃຈຢ່າງເລິກເຊິ່ງກ່ຽວກັບວິທີການເກັບກຳຂໍ້ມູນ, ການຂຽນ ຂ່າວສະພາບປາກົດການຕົວຈິງ ແລະ ສິ່ງທ້າທາຍທີ່ເກີດຂຶ້ນຢູ່ໃນ ສັງຄົມ.  ການນຳເອົາບົດຮຽນໄປໝູນ ໃຊ້ເຂົ້າໃນການໂຄ ສະນາເພື່ອເຮັດໃຫ້ປະຊາຊົນຮັບຮູ້ໄດ້ເຖິງ ແນວທາງນະໂຍບາຍ ແລະ ການນຳພາຂອງພັກໃນການພັດທະນາປະເທດຊາດ. ຍ້ອນນັ້ນການອົບຮົມຄັ້ງນີ້ຍັງເປັນການປະກອບ ສ່ວນເຂົ້າໃນການເສີມຂະຫຍາຍ ສາຍພົວພັນມິດຕະພາບຄວາມສາມັກຄີ ແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດລາວ-ຫວຽດນາມ ໃຫ້ນັບມື້ເລິກເຊິ່ງຍິ່ງໆຂຶ້ນ.