ພາຍຫລັງ, ທ່ານລັດຖະມົນຕີວ່າການກະຊວງການເງິນ
ພູເພັດ ຄຳພູນວົງ ໄດ້ອອກມາໃຫ້ສຳພາດຕໍ່ສື່ມວນຊົນ ເມື່ອບໍ່ດົນນີ້ວ່າ:ໃນສົກປີ
2013- 2014 ລັດຖະບານມີຄວາມຈຳເປັນຢຸດຕິຈ່າຍເງິນອຸດໜູນຄ່າ ຄອງຊີບພະນັກງານລັດຖະ
ກອນຈຳ ນວນ 760.000 ກີບຕໍ່ ເດືອນ,ຈາກນັ້ນ ໄດ້ເຮັດໃຫ້ພະ ນັກງານລັດຖະກອນຈຳນວນບໍ່ໜ້ອຍມີຄວາມສົນໃຈຕໍ່ການຕັດສີນໃຈຂອງລັດຖະບານຕໍ່ບັນຫາດັ່ງກ່າວ
ທັງໆທີ່ງົບປະມານໃນຫວ່ງອຸດໜູນແມ່ນໄດ້ມີການຮັບຮອງຕົວເລກລາຍຈ່າຍງົບປະມານ
ຈາກສະພາແຫ່ງຊາດ ແລະ ລັດຖະບານກໍໄດ້ອອກດຳລັດປະກາດໃນການຈັດຕັ້ງປະຕິບັດເປັນຢ່າງດີ
ແລະ ໄດ້ປະຕິບັດການອຸດໜູນມາຢ່າງເປັນປົກກະຕິໃນສົກປີຜ່ານມາອັນໄດ້ຊ່ວຍໃຫ້ຊີວິດການເປັນຢູ່ຂອງພະນັກງານລັດຖະກອນ,
ທະຫານ, ຕຳ ຫລວດ ແລະ ພະນັກງານອາວຸໂສບໍານານໃນຂອບເຂດທົ່ວປະເທດດີຂຶ້ນເປັນລຳດັບ.
ຕໍ່ບັນຫາດັ່ງກ່າວທ່ານນາງ ສຸວັນເພັງ ບຸຜານຸວົງ
ປະທານກຳ ມາທິການເສດຖະກິດ,ແຜນການ ແລະ ການເງິນສະພາແຫ່ງຊາດ ກ່າວວ່າ: ໃນກອງປະຊຸມຂອງຄະນະປະຈຳສະພາລະຫວ່າງວັນທີ
30 ກັນຍາຫາວັນທີ 1 ຕຸລານີ້, ສະພາແຫ່ງຊາດກໍໄດ້ເຊິີນຜູ້ຕ່າງໜ້າກະຊວງການເງິນ,
ກະຊວງແຜນການ ແລະ ການລົງທຶນ ແລະ ກະຊວງອື່ນໆທີ່ກ່ຽວພັນມາລາຍງານຢູ່ກອງປະ ຊຸມດັ່ງກ່າວເຖິງເຫດຜົນ
ແລະ ຄວາມຈຳເປັນໃນການຢຸດຈ່າຍເງິນອຸດໜູນວ່າ: ນັບແຕ່ປີ 2010 - 2012 ການເກັບລາຍຮັບ
ແມ່ນໄດ້ເກີນຄາດໝາຍສາມາດຕອບສະໜອງຄວາມຕ້ອງການຈ່າຍຂອງລັດຖະບານໄດ້ຢ່າງພຽງພໍເປັນຕົ້ນ: ເງິນເດືອນພະນັກ
ງານ, ເງິນອຸດໜູນ ແລະ ບໍລິຫານຕ່າງໆ ແລະ ຕົກມາໄລຍະ 6 ເດືອນຕົ້ນສົກປີ 2012- 2013 ການຈັດຕັ້ງປະຕິບັດແຜນງົບ
ປະມານຍັງປະຕິບັດໄດ້ດີເກັບລາຍຮັບໄດ້ຕາມຄາດໝາຍທີ່ກຳນົດໄວ້ສະໜອງຄວາມຈຳເປັນໃນການຈ່າຍໄດ້ໃນລະດັບອັນແນ່
ນອນ. ແຕ່ມາຮອດ 6 ເດືອນ ທ້າຍປີມີການດັດແປງແຜນງົບປະມານແຫ່ງລັດເນື່ອງຈາກຄວາມຕ້ອງການຈ່າຍທາງດ້ານງົບປະ
ມານມີເພີ່ມຂຶ້ນຢ່າງຫລວງຫລາຍໂດຍສະເພາະເງິນເດືອນ, ເງິນອຸດໜູນເຊິ່ງສົກປີ 2012- 2013 ເປັນປີທຳອິດທີ່ລັດຖະບານ
ໄດ້ປະຕິບັດນະໂຍບາຍເພີ່ມເງິນເດືອນໃໝ່ໃຫ້ພະນັກງານລັດຖະກອນ, ທະຫານ, ຕຳຫລວດລວມທັງພະນັກງານບຳນານ,
ຈາກດັດຊະນີ 3.500 ມາເປັນ 4.800 ແລະ ມີເງິນອຸດໜູນ 760.000 ກີບຕໍ່ຄົນ ຕໍ່ເດືອນ ສະນັ້ນ,ໃນ
6 ເດືອນທ້າຍປີໄດ້ ເພີ່ມເງິນລາຍຈ່າຍຢ່າງຫລວງຫລາຍແລະເປັນລາຍຈ່າຍແບບກ້າວກະໂດດໃນປີນີ້.
ແຕ່ຄວາມສາມາດທາງດ້ານການເກັບລາຍ ຮັບຍັງບໍ່ທັນໄດ້ຮັບການປັບປຸງດີເທົ່າທີ່ຄວນ ເຊິ່ງ 11
ເດືອນມານີ້ ປະຕິບັດຕົວຈິງແມ່ນມີຄວາມຫຍຸ້ງຍາກ, ການເກັບລາຍຮັບ ງົບປະມານມີລັກສະນະຝືດເຄືອງສະແດງອອກກໍຄື:
ການເບີກຈ່າຍເງິນເດືອນຊັກຊ້າທັງສູນກາງ ແລະ ທ້ອງຖິ່ນທົ່ວປະເທດ ເຊິ່ງບັນຫາດັ່ງກ່າວຜູ້ຕາງໜ້າພາກສ່ວນກ່ຽວພັນກໍໄດ້ຢືນຢັນວ່າລັດຖະບານສຸດທີ່ບໍ່ຢາກຕັດເງິນຫ່ວງດັ່ງກ່າວ
ແຕ່ໃນສະພາບເສດຖະກິດມີຄວາມຫຍຸ້ງຍາກຄືແນວນີ້ ກໍມີຄວາມຈຳເປັນຕ້ອງໄດ້ຢຸດຕິການຈ່າຍອຸດໜູນໄປກ່ອນ
ແລະ ຍອມຮັບວ່າການຄົ້ນຄວ້າບາງຈຸດບໍ່ທັນລະອຽດດີເທົ່າທີ່ຄວນໃນການຄິດໄລ່ຕົວເລກຂອງລາຍຮັບງົບປະມານ.
ທ່ານນາງ ສຸວັນເພງ ກ່າວ ວ່າ: ຕໍ່ບັນຫາດັ່ງກ່າວນີ້,
ສະພາແຫ່ງຊາດ ກໍຄືກຳມາທິການເສດຖະກິດ, ແຜນການ ແລະ ການເງິນກໍມີຄວາມເຫັນໃຈຕໍ່ລັດຖະບານ
ແລະ ສະເໜີໃຫ້ມີການເຜີຍແຜ່ໃຫ້ແກ່ພະນັກງານລັດຖະກອນ, ທະຫານ, ຕຳ ຫລວດ ໃນຂອບເຂດທົ່ວປະເທດໄດ້ຮັບຮູ້
ແລະ ເຂົ້າໃຈຄວາມຈຳເປັນໃນການຕັດເງິນດັ່ງກ່າວດ້ວຍຄວາມເປັນເອກະພາບ.
No comments:
Post a Comment