ໃນວັນທີ 31 ມັງກອນນ້ີ່,
ສະຫະພັນກຳມະບານກະຊວງວິທະຍາສາດ ແລະ ເຕັກໂນໂລຊີ (ກວຕ), ໄດ້ຈັດພິທີເປີດບັ້ນແຂ່ງຂັນ
2 ດີ 5 ເປັນເຈົ້າ ແລະ ປາຖະກະຖາວັນສ້າງຕັ້ງອົງການສະຫະພັນກຳມະ ບານລາວຄົບຮອບ
58 ປີ(1ກຸມພາ1956-1ກຸມພາ2014 ) ໂດຍເປັນກຽດເຂົ້າຮ່ວມຂອງທ່ານ ຫຸມພັນ ອີນທະລາດ ຄະນະພັກກະຊວງ,
ລັດຖະມົນຕີຊ່ວຍວ່າການກະຊວງວິທະຍາສາດ ແລະ ເຕັກໂນໂລຊີ, ທ່ານ ຕົງເຢຢ່າງ ຢັງເຊັງ
ຮອງປະທານສູນກາງສະຫະພັນກຳມະບານລາວ, ທ່ານ ດຣ.ນາງ ແກ້ວວິວອນ ອຸດທະຈັກ ຮັກສາການປະ
ທານສະຫະພັນກຳມະບານກວຕ, ມີບັນດາຄະນະພັກ, ຄະນະກົມ, ສະຖາບັນ ແລະ ສະມາຊິກກຳມະ
ບານເຂົ້າຮ່ວມ.
ການເປີດບັ້ນແຂ່ງຂັນ
2 ດີ 5 ເປັນເຈົ້ານີ້, ເພື່ອເປັນການປຸກລະດົມຊຸກຍູ້ພະນັກງານ, ສະມາຊິກກຳມະບານ,
ກຳມະ ກອນ ແລະ ຜູ້ອອກແຮງງານແຂ່ງຂັນກັນຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ
IX ຂອງພັກ ແນໃສ່ເຮັດໃຫ້ສຳເລັດ, ເນື້ອໃນບຸກທະລຸ 4 ດ້ານ, ແຜນພັດທະນາເສດຖະກິດ-ສັງຄົມ
5 ປີ ແຫ່ງລັດຄັ້ງທີ VII ແລະ ມະຕິກອງປະຊຸມໃຫຍ່ຄັ້ງທີ VI ຂອງສະຫະພັນກຳມະບານລາວໃຫ້ປະກົດຜຜົນເປັນຈິງ,
ເພື່ອເປັນບ່ອນອິງໃຫ້ກຳມະບານແຕ່ລະຂັ້ນມີຄວາມເປັນເອກະພາບໃນການສ້າງຂະບວນການແຂ່ງຂັນ
ແລະ ສົ່ງເສີມຫົວຄິດປະດິດສ້າງ, ຄວາມຮູ້, ຄວາມສາມາດທີ່ບົ່ມຊ້ອນໃນຖັນແຖວພະນັກງານ,
ສະມາຊິກກຳມະບານ, ກຳມະກອນ, ຜູ້ອອກແຮງງານ ເຂົ້າສູ່ຊີວິດຕົວຈິງໃນການຜະລິດ,
ການບໍລິການ ເພື່ອເປັນການປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ.
ທ່ານ ຫຸມພັນ ອີນທະລາດ ກ່າວວ່າ: ພັກ ແລະ ລັດ,
ຍາມໃດກໍຖືເອົາອົງການຈັດຕັ້ງກຳມະບານເປັນຕົວແທນໃນການປົກປ້ອງສິດ ແລະ
ຜົນປະໂຫຍດອັນຊອບທຳຂອງສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານຂອງບັນດາເຜົ່າ
ພ້ອມທັງເຕົ້າໂຮມຄວາມສາມັກ ຄີ, ຄວາມຕື່ນຕົວທາງການເມືອງ, ມີສະຕິເຄົາລົບ
ແລະ ປະຕິບັດກົດໝາຍເພື່ອຄວາມເຕີມໃຫຍ່ເຂັ້ມແຂງໃນທຸກດ້ານ, ເປັນເຈົ້າປະເທດຊາດ,
ມີຄວາມສະເໝີພາບ ແລະ ຄວາມຍຸດຕິທຳໃນສັງຄົມ, ສະຫະພັນກຳມະບານລາວກໍຄືສະຫະພັນກຳມະບານກວຕ
ຍັງເປັນຜູ້ຕາງໜ້າໃຫ້ຜູ້ອອກແຮງງານ, ເຮັດໜ້າທີ່ສຶກສາອົບຮົມສະມາຊິກຕົນໃຫ້ເປັນພົນລະເມືອງດີ,
ມີລະບຽບແບບແຜນ, ມີຄວາມຮູ້ຄວາມສາມາດດ້ານວິທະຍາສາດ ແລະ ເຕັກໂນໂລຊີ,ມີຄວາມຈະເລີນທາງດ້ານຈິດໃຈ
ແລະ ສີວິໄລດ້ານສະຕິປັນຍາ.
No comments:
Post a Comment