laophatthananewspaper: ກະຊວງພະລັງງານຮຽກຮ້ອງສັງຄົມປະຢັດໄຟຟ້າ

ລັດວິສາຫະກິດໄຟຟ້າລາວ ເຫັນວ່າ: ໄລຍະນີ້, ແມ່ນຢູ່ໃນໄລຍະອາກາດຮ້ອນອົບເອົ້າ ແລະ ມີ ຄວາມສ່ຽງເກີດກໍລະນີໄຟຟ້າຕົກ, ມອດເນື່ອງຈາກມີການຊົມໃຊ້ໄຟຟ້າຫລາຍ ແລະ ການສະໜອງບໍ່ພຽງພໍອັນຈະສ້າງຄວາມລຳຄານ ແລະ ເສຍຫາຍແກ່ຜູ້ຊົມໃຊ້ໄຟຟ້ າໃນຫລາຍ ເຂດ. ສະນັ້ນ, ກະຊວງພະລັງງານ ແລະ ບໍ່ແຮ່ ຈຶ່ງອອກແຈ້ງການເລກທີ 0309/ພບ ລົງວັນທີ 24/2/2014 ໂດຍຮຽກຮ້ອງເຖິງ ບັນດາສຳນັກງານ, ອົງການ, ບໍລິສັດ, ຫ້າງຮ້ານ, ໂຮງຈັກໂຮງງານ, ຫົວໜ່ວຍການຜະລິດ, ຫົວໜ່ວຍການບໍລິການ, ໂຄງການກໍ່ສ້າງ, ໂຄງການຊົນລະປະທານ ແລະ ຜູ້ຊົມໃຊ້ໄຟຟ້າທົ່ວໄປໃນ ສັງຄົມ ກໍຄືທຸກພາກສ່ວນກ່ຽວຂ້ອງ ໂດຍສະເພາະໂຮງຈັກໂຮງງານຂະໜາດໃຫຍ່ ທີ່ຕັ້ງຢູ່ໃນນະຄອນຫລວງວຽງຈັນ ແລະ ແຂວງວຽງຈັນ ໃຫ້ຫລຸດຜ່ອນການນຳໃຊ້ໄຟຟ້າໃນເວລາທີ່ມີຄວາມຕ້ອງການຊົມໃຊ້ໄຟຟ້າຈຳນວນຫລາຍດັ່ງກ່າວຢ່າງໜອ້ຍ 50% ຂອງການນຳໃຊ້ໄຟປົກກະຕິ. ສຳລັບຫົວໜ່ວຍການຜະລິດອຸດສາຫະກຳ-ຫັດຖະກຳ,ການບໍລິການ ແລະ ກິດຈະການກໍ່ສ້າງທົ່ວໄປໃນທົ່ວປະເທດ ໃຫ້ເປັນເຈົ້າການກຳກັບການນຳໃຊ້ພະລັງງານໄຟຟ້າທີ່ຈຳເປັນໃນລະດັບຕ່ຳສຸດ, ຫລີກເວັ້ນກິດຈະກຳ ຫລື ການນຳໃຊ້ອຸປະກອນທີ່ກິນໄຟຟ້າຫລາຍທີ່ຈຳເປັນ.
ສິ່ງສຳຄັນບັນດາຈັກດູດນ້ຳຊົນລະປະທານຮັບໃຊ້ການຜະລິດໃຫ້ຫລີກເວັ້ນການໃຊ້ໄຟຟ້າໃນເວລາດັ່ງ ກ່າວຊຶ່ງເປັນເວລາ
ທີ່ຕ້ອງການໄຟຟ້າຫລາຍຢ່າງສິ້ນເຊີງ, ໃຫ້ປິດໄຟ ແລະ ຖອດປັກສຽບໄຟຟ້າ ທຸກຊະນິດ ເຊັ່ນ: ໝໍ້ຕົ້ມນ້ຳ, ໝໍ້ຫູງເຂົ້າ, ເຕົາລີດ, ໂທລະພາບ, ພັດລົມ ແລະ ອື່ນໆທຸກຄັ້ງ ເມື່ອບໍ່ມີຄວາມຈຳເປັນນຳໃຊ້. ຄວນປັບອຸນຫະພູມແອເຢັນໃຫ້ຢູ່ໃນລະດັບ 25-26 ອົງສາ ແລະ ປິດແອກ່ອນອອກຈາກຫ້ອງປະມານ 30 ນາທີທຸກເທື່ອ, ຄວນປັບລະບົບຄວບຄຸມຄວາມເຢັນຂອງຕູ້ເຢັນໃຫ້ຢູ່ລະດັບປະຢັດພະລັງງານ, ຄວນຕິດຕັ້ງຕູ້ເຢັນໃຫ້ຢູ່ຫ່າງຈາກຝາເຮືອນຢ່າງໜ້ອຍ 15 ຊັງຕີແມັດ, ໝັ່ນກວດກາ ແລະ ລະບາຍນຳກ້ອນ ພ້ອມອະນາໄມຕູ້ເຢັນໃຫ້ສະອາດ, ເລືອກໃຊ້ອຸປະກອນທີ່ປະຢັດພະລັງງານ, ເປີດຜ້າກັ້ງ- ປ່ອງຢ້ຽມ ເພື່ອຮັບເອົາແສງສະຫວ່າງທຳມະຊາດທົດແທນການເປີດໄຟຟ້າຍາມກາງເວັນ. ນອກນີ້ ໃຫ້ເອົາໃຈໃສ່ກວດກາສະພາບສາຍໄຟຟ້າ, ສະວິກໄຟຟ້າ, ປັກສຽບ, ຈຸດເຊື່ອມຕໍ່ ແລະ ອຸປະກອນໄຟຟ້າຕ່າງໆຢູ່ພາຍໃນເຮືອນ, ສຳນັກງານ-ອົງການ ແລະ ອາຄານສະຖານທີ່ຕ່າງໆທີ່ ຢູ່ອາໄສລວມທັງບ່ອນເຮັດວຽກໃຫ້ມີສະພາບດີ, ຖ້າພົບເຫັນອຸປະກອນທີ່ບໍ່ປົກກະຕິໃຫ້ຮີບຮ້ອນຕິດຕໍ່ຊ່າງໄຟຟ້າມາສ້ອມແປງ, ຫ້າມເດັດຂາດບໍ່ໃຫ້ຜູ້ທີ່ບໍ່ມີວິຊາສະເພາະ ຫລື ຄວາມຮູ້ດ້ານໄຟ ຟ້າດຳເນີນການສ້ອມແປງເອງ ເພື່ອຫລີກເວັ້ນອຸປະຕິເຫດທີ່ກໍ່ໃຫ້ເກີດມີຄວາມເສຍຫາຍຕໍ່ຊີວິດ ແລະ ຊັບສິນຂອງຜູ້ຊົມໃຊ້ລວມ ທັງຄົນອ້ອມຂ້າງ.

ບັນດາຂໍ້ແນະນຳຂ້າງເທິງນີ້, ເປັນມາດຕະການທີ່ຄວນປະຕິບັດໃຫ້ໄດ້ຕະຫລອດປີ ແລະ ເລື້ອຍໆໄປເພື່ອໃຫ້ມີຄວາມປອດໄພ-ປະຢັດຕໍ່ທ່ານເອງ ແລະ ສັງຄົມ ໂດຍສະເພາະໃນໄລຍະເວລາທີ່ໄດ້ກຳ ນົດຄື: ແຕ່ເວລາ 18:00-22:00 ໂມງຂອງປີນີ້ແມ່ນມີຄວາມຈຳເປັນ ແລະ ຂາດບໍ່ໄດ້ ເພື່ອປະ ກອບສ່ວນໃຫ້ລັດວິສາຫະກິດໄຟຟ້າລາວສາມາດຕອບສະ ໜອງໄຟຟ້າໄດ້ຢ່າງປົກກະຕິ.

ປັດຈຸບັນພັກ-ລັດ,ໄດ້ທຸ່ມເທງົບປະມານ ແລະ ກຳລັງແຮງຢ່າງຫລວງຫລາຍເພື່ອພັດທະນາ ລະບົບພະລັງງານໄຟຟ້າໃຫ້ຂະ ຫຍາຍຕົວດ້ວຍຈັງຫວະໄວທີ່ສຸດ ໂດຍສາມາດເຮັດໃຫ້ 86% ຂອງ ຄອບຄົວປະຊາຊົນບັນດາເຜົ່າໃນທົ່ວປະເທດ ໄດ້ຊົມໃຊ້ໄຟຟ້າແລ້ວ, ລວມທັງບັນດາສຳນັກ ງານ, ໂຮງຈັກໂຮງງານ ຫລື ກິດ ຈະການຕ່າງໆກໍໄດ້ຊົມໃຊ້ໄຟຟ້າຢ່າງທົ່ວເຖິງ. ແຕ່ມາເຖິງປີນີ້ປະເທດເຮົາຍັງຢູ່ໃນສະພາວະການ ສະໜອງພະລັງງານຊ້າກວ່າຄວາມຕ້ອງການຊົມໃຊ້. ເຖິງວ່າລັດວິສາຫະກິດໄຟຟ້າລາວຍັງ ໄດ້ສະໜອງໄຟໃຫ້ປົກກະຕິແຕ່ວ່າໃນໄລຍະລະດູແລ້ງປະລິມານນ້ຳເພື່ອຜະລິດໄຟຟ້າມີຈຳກັດ, ໂຄງການຜະລິດໄຟຟ້າແຫ່ງໃໝ່ ຫລາຍແຫ່ງຢູ່ໃນໄລຍະການກໍ່ ສ້າງ, ການແລກປ່ຽນຊື້ຂາຍໄຟ ຟ້າເຂົ້າມາຈາກປະເທດໃກ້ຄຽງ ກໍຈຳກັດທັງມີລາຄາແພງອີກດ້ວຍເປັນຕົ້ນແມ່ນໄລຍະເວລາທີ່ມີຄວາມຕ້ອງການຊົມໃຊ້ໄຟຟ້າ ຈຳນວນຫລາຍ.