ວິທະຍຸກະຈາຍສຽງ​ແຫ່ງ​ຊາດ​ຈະ​ປັບປຸງ​ຄຸນ​ນະພາ​ບ​ ​ແລະ ເຕັກນິກ​ໄປ​ພ້ອມໆ​ກັນ

     ​​​​​ ທ່ານ ສັງຂານ ຈູ​ນຄຳພັນ ຮອງ​ຫົວໜ້າອຳນວຍ​ການວິທະຍຸ​ກະຈາຍ​ແຫ່ງ​ຊາດ​ລາວ ​ໄດ້​ໃຫ້​ສຳພາດ​ຕໍ່​ນັກ​ຂ່າວ​ລາວ​ພັດທະ ນາ ​ເນື່ອງ​ໃນ​ໂອກາດ​ສະ​ເຫລີ​ມສະຫລອງ​ວັນ​ສື່​ມວນ​ຊົ​ນ​ແຫ່ງ​ຊາດ ວັນ​ທີ 13 ສິງ​ຫາ​ທີ່​ຈະ​ມາ​ເຖິງ​ນີ້​ວ່າ: ໄລຍະ​ທີ່​ຜ່ານ​ມາ​ເປັນ​ໄລຍະ​ເລີ່​ມຕົ້ນ ຂອງ​ບາດ​ລ້ຽວ ປະຫວັດສາດ ​ໃນ​ຍຸ​ກສະ​​ໄໝ​ເຕັກ ນິກ​ແຫ່ງ​ຂໍ້​ມູນ​ຂ່າວສານພັດທະນາ​ຂະຫຍາຍຕົວ​ໃນ​ຍຸກ​​​ໂລ ກາ​ວິວັດອັນ​ໄດ້​ແກ່​ດຶງ ​ແລະ ທ້ອນ​ໂຮມ​ເອົາ​ໝົດ​ທຸກ​ວິທະຍາສາດ​ຂໍ້​ມູນ​ຂ່າວສານໄປ​ສູ່​ລວງ​ເລິກ​ຂອງ​ການ​ພັດທະນາ​ຮອບດ້ານ ໃນ​ນັ້ນ ນັບ​ທັງ​ຂະ​ແໜງ​ການ​ວຽກ​ງານ​ດ້ານ​ສື່​ມວນ​ຊົນ​ນຳ​ ອີກ​. ສະ​ນັ້ນ ວິທະຍຸ​ກະຈາ​ຍສຽງ​ແຫ່ງ​ຊາດ​ລາວ ຈຶ່ງ​ໄດ້​ຕັດສິນ​ໃຈ​ຫັນ​ມາ​ນຳ​ໃຊ້​ເຄື່ອງມື​ທີ່​ທັນ​ສະ​ໄໝ​ເຂົ້າ​ສູ່​ການ​ຜະລິດນັບ​ຕັ້ງ​ແຕ່​ຂອດ​ລົງ​ສຳພາດ​ອັດສຽງ, ຕັດ​ຕໍ່, ອັດ​ສຽງ​ເພື່ອ​ກະຈາຍ​ລາຍການ​ອອກ​ອາກາດ, ​ຊຶ່ງ​ໄດ້​ເຮັດ​ໃຫ້​ເນື້ອ​ໃນ, ຮູບ​ການ ແລະ ສຽງທີ່​ກະຈາຍ​ອອກ​ອາກາດ​ນັ້ນມີ​ສຽງ​ດັງ​ຟັງ​​ແຈ້ງ, ​ເສາະ​​ໄສ​ກວ່າ​ແຕ່​ກ່ອນ​ຫລາຍ​ເທົ່າ ​ແລະ ການ​ຜະລິດ​ກໍ​ວ່ອງ​ໄວ​, ທັນ​ການ ແລະ ກວ້າງຂວາງ.

     ​​ອີງ​ຕາມ​ຄວາມ​ຮຽກຮ້ອງ​ຕ້ອງການ​ຂອງ​ຜູ້​ຟັງ​ທີ່​ນັບ​ມື້​ມີ​ຫລາຍ​ລະດັບ ​ແລະ ​ເພື່ອ​ຕອບ​ສະ​ໜອງ​ດ້ານ​ຂໍ້​ມູນ​ຂ່າ​ວສານ​ໃນ​ການ ພັດທະນາເສດຖະກິດ-ສັງ ຄົມ ​ໃຫ້​ໄດ້​ດີ​ກ່ວາ​ເກົ່າໃນ​ວັນ​ທີ 22 ພຶດສະພາ 1997 ພວກ​ເຮົາ​ກໍ​ໄດ້​ສຳ​ເລັດ​ການ​ສ້າງ​ຕັ້ງ​ວິທະຍຸ​ກະ​ຈາ​ຍສຽງ​ລະບົບ FM ຄວາມ​ແຮງ 20 ກິ​ໂລ​ວັດ ​ໃນ​ຄວາມ​ຖີ່ 103,7 MHz ເປັນ​ແຫ່ງ​ທຳ​ອິດ​​ໃນ​ປະຫວັດສາດ​

ຂອງ​ຊາດ​ລາວ​ເຮົາ, ປັບປຸງ​ລະບົບ​ເຄື່ອງ​ສົ່ງ​ພາກ​ພາສາ​ຕ່າງປະ​ເທດ​ຄື້ນສັ້ນ 10 ກິ​ໂລ​ວັດ ​ແລະ ມາ​ຮອດ​ວັນ​ທີ 1 ມັງກອນ 2001 ກໍ​ໄດ້​ຕິດ​ຕັ້ງ​ລະ​ບົບ FM ຂື້ນ​ອີກ​ໜຶ່ງ​ແຫ່ງ ​ມີ​ຄວາມ​ແຮງ 2 ກິ​ໂລ​ວັດ ​ແລະ ​ໃນ​ຄວາມ​ຖີ່ 97,25 MHz. ໃນ​ປີ​ດຽວ​ກັນ​ນີ້ ພວກ​ເຮົາ​ຍັງ​ໄດ້​ສົ່ງ​ສັນຍານ​ຜ່ານ​ດາວ​ທຽມ​ທັງ​ສອງ​ລະບົບ​ຄື​ AM ແລະ FM ອັນ​ໄດ້​ເຮັດ​ໃຫ້​ສັນຍານ​ວິທະຍຸ​ສາມາດ​ກວມ​ໄດ້​ເນື້ອ​ທີ່ 70-80% ແລະ ກວມ​ເອົາ​ຈຳ​ນວນ​ພົນລະ​ເມ​ືອງ​ໄດ້ຫລາຍ​ກ່ວາ90% ​ເວົ້າ​ລວມ​ແລ້ວ ບ່ອນ​ໃດ​ທີ່​ມີ​ສັນຍານ​ໂທລະ ສັບ​ໄປ​​ເຖິງ​ກໍ​ແມ່ນ​ມີ​ລາຍ​ງານ​ຂ່າວ​​ມາ​ເຖິງ​ວິທະຍຸ​ກະຈາຍ​ສຽງ​ແຫ່ງ​ຊາດ​ຂອງ​ພວກ​ເຮົາ, ​ເນື້ອ​ໃນ​ຮູບ​ແບບ​ຂອງ​ລາຍການ​ກໍ​ອຸ ດົມສົມບູນ ທັງ​ວ່ອງ​ໄວ​ທັນ​ການ​ກວ່າ​ເກົາ​ເຮັດ​ໃຫ້ການ​ພັດທະນາ​ເນື້ອ​ໃນ​ຂອງ​ວິທະຍຸສາມາດ​ສະ ໜອງ​ໄດ້​ຄວາມ​ຕ້ອງການ​ຂອງ​ຜູ້​ຟັງ​ໄດ້​ຫລາຍ​ຂຶ້ນ​ຕາມ​ລຳດັບ​.

     ​​ໃນ​ປັດຈຸບັນວິທະຍຸ​ກະຈາຍສຽງ​ແຫ່ງ​ຊາດ​ມີ 57 ສະຖານີ​, ​ເພີ່ມ​ຈາກ 32 ສະຖານີ​ໃນ​ປີ 2010, ໃນ​ນັ້ນ​ ສູນ​ກາງ​ມີ 9 ສະຖານ​ີ​ເປັນ​ຕົ້ນວິ​ທະ​ຍຸ​ແຫ່ງ​ຊາດ, ນະຄອນຫລວງວຽງ​ຈັນ, ກອງ ທັບ, ປກສ, ວິທະຍຸ​ສາກົນ​ຈີນ ( CRI), ວິທະຍຸ​ສາກົນ​ຝຮັ່ງ, ວິ ທະຍຸ​ອົດ​ສະຕຣາລີ ມີ​ສັນຍາ​ການ​ກະຈາຍ​ໜ້າດິນ​ກວມ 80% ຂອງ​ພື້ນ​ທີ່​ທົ່ວ​ປະ​ເທດ ​ແລະ ​ຍັງ​ໄດ້​ຕິດ​ຕັ້ງ​ໂທລະ​ໂຄ່ງ​ໃຫ້​ບ້ານ​ທົດ​ລອງ 3 ສ້າງໄດ້ 130 ຊຸດ ​ໃນ 51 ເມືອງ ​ແລະ ​ເມືອງ​ທີ່​ປະສົບ​ໄພພິບັດ​ທາງ​ທຳ​ມະ​ຊາ​ດຢູ່​ແຂວງ​ອຸດົມ​ໄຊ, ​ໂດຍ​ສະ​ເພາະການ​ພັດທະນາ​ວິທະຍຸ​ກະຈາຍສຽງ​ໃນ​ໄລຍະ​ນີ້​ແມ່ນ​ເລັ່ງ​ໃສ່​ທັງ​ສອງ​ດ້ານ​ຄື : ດ້ານ​ທີ່​ໜຶ່ງ​ແມ່ນ​ຄຸນ​ນະພາ​ບ ແລະ ປະລິ ມານ ແລະ ອີກ​ດ້ານ​ໜຶ່ງ​ແມ່ນ​ບັນນາທິການ ແລະ ເຕັກນິກ​ໄປ​ພ້ອມໆ​ກັນ.