ທ່ານ ດຣ ຄຳຈັນ ຄຳມະນີວົງ ຮອງພະແນກປຸກລະດົມຂົນຂວາຍບໍລິຈາກ ເລືອດໃຫ້ຮູ້ວ່າ: ການບໍລິຈາກເລືອດຢູ່ລາວ, ມີການຂະຫຍາຍຕົວຢ່າງຕໍ່ເນື່ອງ
ແລະ ປັດຈຸບັນມີການຈັດຕັ້ງເຄື່ອນໄຫວຮັບບໍລິຈາກເລືອດກວມເອົາໝົດທຸກແຂວງໃນທົ່ວປະເທດ,
ສ່ວນຫລາຍແມ່ນບໍລິ ຈາກເລືອດແບບສະໝັກໃຈໂດຍ ບໍ່ຮຽກຮ້ອງສິ່ງຕອບແທນ, ເນື່ອງຈາກບໍລິຈາກເລືອດວິທີນີ້
ຈະ ໄດ້ຮັບເລືອດທີ່ມີຄຸນນະພາບສູງ ແລະ ບໍ່ສ່ຽງຕໍ່ການຕິດເຊື້ອພະຍາດ, ເຊິ່ງເປົ້າໝາຍຂອງອົງການອະນາໄມໂລກແມ່ນໃຫ້ປະ
ເທດລາວຕ້ອງຈັດຫາຜູ້ບໍລິຈາກເລືອດແບບສະໝັກໃຈບໍ່ຮຽກຮ້ອງສິ່ງຕອບແທນໃຫ້ບັນລຸ 1-5% ຂອງຈຳນວນພົນລະເມືອງ
ທັງໝົດພາຍໃນປີ 2020.ແນວໃດກໍຕາມ, ການບໍລິຈາກເລືອດຖ້າອີງໃສ່ຕົວເລກການຊົມໃຊ້ຕົວຈິງເຫັນວ່າຍັງຕ່ຳ
ແລະ ບ່ໍທັນພຽງພໍກັບຄວາມຕ້ອງການ.
ໄລຍະຜ່ານມາ, ສູນບໍລິຈາກເລືອດແຫ່ງຊາດ, ໄດ້ເຄື່ອນໄຫວປຸກລະດົມຂົນຂວາຍປະຊາຊົນ,
ພະນັກງານລັດຖະກອນ, ທະຫານ, ຕຳຫລວດເຂົ້າຮ່ວມກິດຈະກຳບໍລິຈາກເລືອດຊ່ວຍ ສັງຄົມໃນທົ່ວປະເທດເວົ້າລວມ,
ເວົ້າສະເພາະຢູ່ສູນກາງກໍໄດ້ມີ ການຈັດກິດຈະກຳຢ່າງຕໍ່ເນື່ອງ, ເຊິ່ງໃນ 6 ເດືອນຕົ້ນປີນີ້ໄດ້
ເລືອດປະມານ 10 ພັນຖົງ ແລະ ປັດຈຸບັນໂຮງໝໍແຫ່ງຕ່າງໆອ້ອມ ຂ້າງສູນກາງມີຄວາມຕ້ອງການເລືອດຢ່າງນ້ອຍ
100-150 ຖົງຕໍ່ມື້. ໂດຍທ່ານ ດຣ ຄຳຈັນ ຄຳມະນີວົງ,ໄດ້ເຊີນຊວນປະຊາ ຊົນ, ບັນດາພະນັກງານທັງພາກລັດ
ແລະ ເອກະຊົນຊ່ວຍກັນບໍລິຈາກເລືອດເພື່ອຊ່ວຍເຫລືອສັງຄົມໂດຍບໍ່ຫວັງຜົນຕອບແທນ.
No comments:
Post a Comment