ວັນທີ 3 ຕຸລາທີ່ຜ່ານມາ, ຢູ່ໂຮງແຮມເມີກຽວນະຄອນຫລວງວຽງຈັນ,
ກະຊວງ ຊັບພະຍາກອນທຳມະຊາດ ແລະ ສິ່ງ ແວດລ້ອມຮ່ວມກັບ ບໍລິສັດ ໄຟຟ້ານ້ຳງຽບ 1 ຈຳກັດ, ໄດ້ຈັດກອງປະຊຸມປຶກສາຫາລືກ່ຽວ
ກັບຮູບແບບການຄຸ້ມຄອງ, ກົນ ໄກ ການປະສານງານ ແລະ ໂຄງ ສ້າງຫ້ອງການຄຸ້ມຄອງອ່າງຮັບນ້ຳ ເຂື່ອນນ້ຳງຽບ
1 ຂຶ້ນ, ພາຍ ໃຕ້ການເປັນປະທານຂອງທ່ານ ນາງ ບຸນຄຳ ວໍລະຈິດ ລັດຖະມົນຕີຊ່ວຍວ່າ ການກະຊວງຊັບພະ
ຍາກອນທຳມະຊາດ ແລະ ສິ່ງ ແວດລ້ອມ, ທ່ານ ກະເສມ ສຸດ ທອງຮອງຜູ້ອຳນວຍການບໍລິ ສັດ ໄຟຟ້ານ້ຳງຽບ
1 ຈຳກັດ ທັງ ເປັນຜູ້ຮັບຜິດຊອບວຽກງານສັງຄົມ ແລະ ສິ່ງແວດລ້ອມ ແລະ ພະນັກງານວິຊາການຈາກພາກສ່ວນກ່ຽວຂ້ອງເຂົ້າຮ່ວມ.
ຢູ່ໃນກອງປະຊຸມຜູ້ເຂົ້າຮ່ວມ ໄດ້ພ້ອມກັນປຶກສາຫາລືລົງເລິກຫລາຍບັນຫາກ່ຽວກັບຮູບແບບ
ການຄຸ້ມຄອງ, ກົນໄກການ ປະສານງານ, ໂຄງສ້າງຫ້ອງການຄຸ້ມຄອງອ່າງຮັບນ້ຳຂອງເຂື່ອນໄຟຟ້ານ້ຳງຽບ
1, ເຊິ່ງໂຄງປະ ກອບດັ່ງກ່າວລວມມີການຈັດສັນ ຄຸ້ມຄອງພື້ນທີ່ອ່າງຮັບນ້ຳຕົ້ນຕໍແມ່ນເລັງໃສ່ຮັບປະກັນປະລິມານ
ແລະ ການໄຫລຂອງນ້ຳ; ຮັບປະກັນຄວາມຫລາກຫລາຍ
ແລະ ການຂະຫຍາຍພັນຂອງຊັບພະຍາກອນນ້ຳ; ຮັບປະກັນການປົກຫຸ້ມຂອງພືດພັນໄມ້
ແລະ ການຄົງຕົວຂອງດິນ; ຮັບປະ ກັນຄວາມຫລາກຫລາຍ ແລະ ເສີມຂະຫຍາຍພື້ນທີ່ພູມສັນຖານ ແລະ ລະບົບນິເວດພາກພື້ນດິນ;
ຮັບປະກັນການນຳໃຊ້ນ້ຳ ແລະ ຊັບພະຍາກອນທຳມະຊາດຢ່າງສົມເຫດສົມຜົນ ແລະ ຈັດສັນຜົນປະໂຫຍດຕາມຄວາມເໝາະສົມ;
ຫລຸດຜ່ອນຄວາມ ສ່ຽງ ແລະ ຜົນກະທົບກ່ຽວພັນກັບອຸທົກກະໄພ ແລະ ຈັດຕັ້ງຄະນະກຳມະການ ຄຸ້ມຄອງພື້ນທີ່ອ່າງຮັບນ້ຳທີ່ມີ
ຄວາມສາມາດ ໃນການປະຕິບັດງານໄດ້ຢ່າງເຕັມສ່ວນ. ສຳລັບ ບັນດາໜ້າວຽກຫລັກທີ່ທາງບໍລິສັດຈະຕ້ອງປະຕິບັດໃນຕໍ່ໜ້າປະກອບມີ:
ການພັດທະນານິຕິກຳ/ ນະໂຍບາຍສະເພາະກ່ຽວກັບ ການຄຸ້ມຄອງຊັບພະຍກອນປ່າ ໄມ້ໃນເຂດອ່າງຮັບນ້ຳຂອງ
ເຂື່ອນໄຟຟ້າ; ການປັບປຸງ ຄວາມອາດສາມາດຂອງແຕ່ລະພາກສ່ວນ; ການພັດທະນາຮູບ ແບບການຄຸ້ມຄອງອ່າງຮັບນ້ຳຂອງເຂື່ອນໄຟຟ້າ,
ການເສີມ ສ້າງຄວາມຮູ້ ແລະ ຄວາມເຂົ້າ ໃຈ; ການສ້າງກົນໄກປະສານ ງານລະຫວ່າງຂະແໜງການ/ໜ່ວຍງານປະສານງານ
ແຕ່ລະລະດັບ; ການໂຄສະນາເຜີຍແຜ່ແລກປ່ຽນບົດຮຽນ ແລະ ການຈັດຕັ້ງປະຕິບັດກິດຈະກຳການຊົດເຊີຍຊີວະນາໆພັນ,
ການຄຸ້ມຄອງອ່າງເກັບນ້ຳ ແລະ ຮັບນ້ຳ.
ເຖິງຢ່າງໃດກໍດີຕໍ່ການຄຸ້ມ ຄອງອ່າງຮັບນ້ຳຂອງເຂື່ອນໄຟຟ້ານ້ຳງຽບ
1 ທີ່ປະຊຸມຍັງໄດ້ເນັ້ນເຖິງບັນຫາຄວາມຫຍຸ້ງຍາກ ແລະ ສິ່ງທ້າທາຍຕ່າງໆທີ່ຈະຕ້ອງໄດ້ແກ້ໄຂໃຫ້ບັນລຸໝາກຜົນເປັນຕົ້ນຄວາມພ້ອມໃນການປະ
ຕິບັດ, ສິດ ແລະ ໜ້າທີ່ຄວາມ ຮັບຜິດຊອບຂອງຄະນະກຳມະການ; ຄວາມເຂັ້ມແຂງ ແລະ ຄວາມສາມາດຂອງພະນັກງານບໍ່ພຽງພໍເຮັດໃຫ້ການຈັດຕັ້ງປະ
ຕິບັດວຽກງານມີຄວາມຊັກຊ້າ; ມີການນຳໃຊ້ຊັບພະຍາກອນປ່າໄມ ຢ່າງຊະຊາຍ; ແຫລ່ງທຶນທີ່ຈະປະກອບເຂົ້າໃນວຽງານ
ຄຸ້ມຄອງອ່າງຮັບນ້ຳຂອງເຂື່ອນໄຟຟ້າອາດຈະບໍ່ພຽງພໍ ແລະ ບໍ່ທ່ວງທັນກັບລະດູການ; ຄວາມຕ້ອງ
ການທີ່ດິນເພື່ອການພັດທະ ນາດ້ານຕ່າງໆຍັງມີຄວາມກົດດັນ ເຊັ່ນ: ສະພາບພື້ນດິນ, ສະພາບການຄຸ້ມຄອງ,
ຂັ້ນຕອນຕ່າງໆ; ລະບົບການຈັດຕັ້ງວຽກງານ ຄຸ້ມຄອງອ່າງຮັບນ້ຳຜ່ານມາຍັງບໍ່ທັນມີຕົວແບບທີ່ດີເດັ່ນເຫັນວ່າມີຄວາມສັບສົນຫລາຍສະນັ້ນຈຶ່ງເຮັດໃຫ້ຂອດຈັດຕັ້ງປະຕິບັດ
ມີຄວາມຊັກຊ້າ.
ນ້ຳງຽບ 1 ເປັນໂຄງການເຂື່ອນໄຟຟ້າຂະໜາດ 290
MW, ຊຶ່ງສົ່ງອອກ 260MW ທີ່ເຫລືອ ແມ່ນນຳໃຊ້ພາຍໃນປະເທດ ໂຄງລ່າງ ແລະ ສິ່ງກໍ່ສ້າງທຸກຢ່າງຂອງໂຄງການນ້ຳງຽບ
1 ແມ່ນ ຕັ້ງຢູ່ລຽບຕາມສາຍນ້ຳງຽບ, ຊຶ່ງພື້ນທີ່ອ່າງຮັບນ້ຳຂອງໂຄງ ການແມ່ນເປັນສ່ວນໜຶ່ງທີ່ນອນຢູ່ໃນພື້ນທີ່ອ່າງຮັບນ້ຳທັງໝົດຂອງ
ສາຍນ້ຳງຽບ ແລະ ຄວາມຄືບໜ້າຂອງໜ້າວຽກແມ່ນໄດ້ ຈັດຕັ້ງໃຫ້ໜ່ວຍງານຂອງບໍລິສັດເປັນຜູ້ຮັບຜິດຊອບ,
ໂດຍເລີ່ມຈາກການສ້າງທາງ, ອະນາໄມພື້ນທີ່ກໍ່ສ້າງເຂື່ອນ, ເລີ່ມການ ຍົກຍ້າຍຈັດສັນ ແລະ ການຄຸ້ມຄອງພື້ນທີ່ອ່າງຮັບນ້ຳລວມທັງການຊົດເຊີຍຊີວະນາໆພັນ
ແລະ ອື່ນໆ.
No comments:
Post a Comment