ໃນໄລຍະ 2 ປີຜ່ານມາ, ຂະແໜງທະນາຄານໄດ້ສຸມໃສ່ປ່ອຍເງິນກູ້ຈຳນວນ
150 ຕື້ກີບ, ເພື່ອຊຸກຍູ້ການຜະລິດກະສິກຳປູກຝັງ- ລ້ຽງສັດເປັນສີນຄ້າ, ເຊິ່ງເຮັດໃຫ້ປະ ຊາຊົນບັນດາເຜົ່າຢູ່ບັນດາບ້ານເປົ້າໝາຍ
3 ສ້າງ, ໄດ້ເຂົ້າເຖິງແຫລ່ງທຶນດອກເບ້ຍຕ່ຳ, ກູ້ຢືມໄລຍະຍາວໂດຍຜ່ານທະນາຄານນະໂຍບາຍດ້ວຍການກູ້ຢືມເປັນກຸ່ມ,
ບຸກຄົນ ແລະ ຄອບຄົວອີງໃສ່ຈຸດພິເສດຂອງແຕ່ລະທ້ອງຖິ່ນຕາມນະໂຍບາຍຂອງພັກ
ແລະ ລັດ ປະກອບສ່ວນເຮັດໃຫ້ປະຊາຊົນຮູ້ນຳໃຊ້ທຶນເຂົ້າໃນການຜະລິດເພື່ອແກ້ໄຂຊີວິດການເປັນຢູ່ດີຂຶ້ນເທື່ອລະກ້າວ.
ທ່ານ ດຣ ສົມພາວ ໄຟສິດ ຜູ້ວ່າການທະນາຄານແຫ່ງ
ສປປ ລາວ, ໃຫ້ຮູ້ເມື່ອບໍ່ດົນນີ້ວ່າ: ການປະຕິບັດນະໂຍບາຍປ່ອຍເງິນກູ້ຊຸກຍູ້ການຜະລິດໄດ້ດຳເນີນມາເປັນເວລາ
6 -7 ປີມາແລ້ວ, ທີ່ທະນາຄານແຫ່ງ ສປປ ລາວ ໄດ້ເລັ່ງໃສ່ຊຸກຍູ້, ສົ່ງເສີມການຜະ ລິດເປັນສິນຄ້າທົດແທນການນຳເຂົ້າເພື່ອແກ້ໄຂຊີວິດການເປັນຢູ່ໃຫ້ດີຂຶ້ນລວມໄປເຖິງການຈັດຕັ້ງປະຕິບັດວຽກງານ
3 ສ້າງໃຫ້ປະກົດຜົນເປັນຈິງ ແລະ ການຊຸກຍູ້, ສົ່ງເສີມວິສາຫະກິດຂະ ໜາດນ້ອຍ-ຂະໜາດກາງໃຫ້ສາມາດເຂົ້າຫາແຫລ່ງທຶນຂອງທະນາຄານ.
ປັດຈຸບັນ, ຢູ່ໃນໂຄງປະກອບສິນເຊື່ອຂອງລະບົບທະ ນາຄານການຊຸກຍູ້ການຜະລິດສິນຄ້າໃນຂະແໜງກະ
ສິກຳ, ອຸດ ສາຫະກຳ ແລະ ການບໍລິການແມ່ນກວມອັດຕາສ່ວນສູງເຖິງ 60%-70%, ສ່ວນການຊຸກຍູ້ສົ່ງເສີມການຜະລິດຂະໜາດນ້ອຍ
ແລະ ກາງໃນຂອບເຂດທົ່ວປະເທດກວມປະມານ 30%.
ຜ່ານການຈັດຕັ້ງປະຕິບັດຕົວຈິງບັນດາຜູ້ປະກອບການ,
ຜູ້ລົງທຶນ, ວິສາຫະກິດຂະໜາດນ້ອຍ-ກາງ, ໄດ້ນຳເອົາທຶນກູ້ຢືມໄປ ເຄື່ອນໄຫວຢ່າງມີປະສິດທິຜົນ,
ສາມາດສົ່ງຕົ້ນທຶນ ແລະ ດອກເບ້ຍ ຄືນໃຫ້ທະນາຄານຕາມກຳ ນົດເວລາ, ແຕ່ກໍຍັງມີບາງວິສາຫະກິດຈັດຕັ້ງປະຕິບັດບໍ່ໄດ້ຮັບຜົນ,
ບໍ່ສາມາດຊຳລະທຶນ ແລະ ດອກເບ້ຍຄືນໃຫ້ທະນາຄານ.
No comments:
Post a Comment