|
ພາບປະກອບ |
ພາຍຫຼັງລັດທະບານໄດ້ສຸມທືນຮອນໃນການພັດທະນາຊົນນະບົດ
ແລະ ລຶບ ລ້າງຄວາມທຸກຍາກຂອງປະຊາຊົນ, ມາຮອດປັດຈຸບັນໄດ້ມີຄວາມສໍາເລັດຫຼາຍດ້ານ ເຊັ່ນ:
ການພັດທະນາເສດຖະກິດ, ການກໍ່ສ້າງພື້ນຖານໂຄງລ່າງ, ການສຶກສາ ແລະ ສາ ທາລະນະສຸກ.
ໃນບົດລາຍງານໃນກອງປະຊຸມຂອງຄະນະພັດ ທະນາຊົນນະບົດ ແລະ ລຶບລ້າງຄວາມທຸກຍາກໃຫ້ຮູ້ວ່າ:
ການພັດທະນາພຶ້ນຖານໂຄງລ່າງ ແລະການບໍລິການຢູ່ຊົນນະບົດຍັງສືບຕໍ່ໄດ້ຮັບການເອື້ອອຳ
ນວຍໃຫຍ່ຫຼວງທີ່ສຸດເຖິງຈະພົບຄວາມຫຍຸ້ງຍາກທາງດ້ານການເງິນ ແລະ ການສະໜອງງົບປະ
ມານຕ່າງໆ, ແຕ່ຕາໜ່າງໂທລະຄົມມະນາຄົມ ແລະ ໄຟຟ້າ ໄດ້ຮັບການເປີດກວ້າງຢູ່ໃນເຂດຫ່າງໄກສອກຫຼີກທຸລະກັນດານ
ແລະ ເຂດທີ່ໝັ້ນຂອງການປະຕິ ວັດ ແລະ ເຂດເມືອງ, ບ້ານວິລະຊົນຕ່າງໆເຂດທີ່ເປັນເປົ້າໝາຍ
ຈຸດສຸມສ້າງບ້ານພັດທະນາ, ສ້າງບ້ານໃຫຍ່ໃຫ້ເປັນຕົວເມືອງນ້ອຍໃນຊົນນະບົດ ແລະ
ບັນດາບ້ານເຮັດທົດລອງ 3 ສ້າງ ໃນປີ 2014 ຈຳນວນບ້ານທີ່ມີເສັ້ນທາງທຽວໄດ້ຕະຫຼອດປີ
ເພີ່ມຂຶ້ນ 252 ບ້ານ, ຈາກ 6.943 ບ້ານ ຫຼື 59,85% ໃນປີ 2013 ມາເປັນ 7.185 ບ້ານ ໃນປີ
2014 ກວມ 84,27%ຂອງຈຳນວນບ້ານທັງ ໝົດ,
ຈຳນວນກຸ່ມບ້ານມີລະບົບໄປສະນີໄດ້ເພີ່ມຂຶ້ນ,
ການຂະຫຍາຍຕາໜ່າງໄຟຟ້າອອກສູ່ຊົນນະບົດກໍມີຜົນສຳເລັດ. ໃນ 1 ປີ ຜ່ານມາຈຳນວນບ້ານທີ່ມີໄຟ
ຟ້າໃຊ້ ໄດ້ເພີ່ມຂຶ້ນ 342 ບ້ານ, ຈາກ 6.024
ບ້ານ ໃນປີ 2013 ມາເປັນ 6.366 ບ້ານ ໃນປີ 2014 ກວມ 74,77% ຂອງຈຳນວນ ບ້ານທັງໝົດ.
ການເຂົ້າເຖິງສິນເຊຶ່ອທີ່ເປັນປັດໃຈໜຶ່ງຊຸກຍູ້ຂະບວນການຜະລິດຂອງປະຊາຊົນໄດ້ເພີ່ມຂຶ້ນ
10%, ການບໍລິການດ້ານສິນເຊຶ່ອຂອງທະນາຄານ ແລະການເງິນຈຸລະພາກຕ່າງໆກວມເອົາ
70,3% ຂອງຈຳນວນບ້ານທົ່ວປະເທດ. ການຄ້ຳປະ ກັນດ້ານສະບຽງອາຫານ
ແລະ ການສົ່ງເສີມກະສິກຳເປັນສິນຄ້າໃນປີຜ່ານມາເຫັນວ່າ ໄດ້ຮັບການເປີດກວ້າງອອກເຮັດໃຫ້
ການຜະລິດຂອງຊາວກະສິກອນສາມາດເຊື່ອມໂຍງກັບຕະຫຼາດ, ຫຼາຍພາກສ່ວນເສດຖະກິດໄດ້ຫັນການລົງທຶນໄປສູ່ຊົນນະ
ບົດຫຼາຍຂຶ້ນ, ອັນໄດ້ປະກອບ ສ່ວນເຂົ້າໃນການແກ້ໄຂຄວາມ ທຸກຍາກຂອງປະຊາຊົນຢ່າງມີ ປະສິດທິຜົນ.
ໃນປີ 2014 ຈຳ ນວນບ້ານທີ່ມີກຸ່ມການຜະລິດສິນຄ້າເຖິງ
5.756 ບ້ານ ກວມອັດ ຕາສ່ວນ 67,61% ຂອງຈຳນວນບ້ານທົ່ວປະເທດ, ເພີ່ມຂຶ້ນ 7% ທຽບໃສ່ປີ
2013. ໃນປີຜ່ານມານີ້ ສັງເກດເຫັນວ່າການປະກອບ ສ່ວນຂອງໂຄງການຂະໜາດນ້ອຍ ແມ່ນຍັງມີຄວາມສຳຄັນ
ຫຼາຍໃນຂະບວນການຜະລິດເປັນສິນຄ້າ, ເປັນຕົ້ນແມ່ນ ໂຄງການຂອງກອງທຶນຫຼຸດ ຜ່ອນຄວາມທຸກຍາກ,
ການປ່ອຍກູ້ຂອງທະນາຄານນະໂຍບາຍ, ສະຖາບັນການເງິນແລະໂຄງການຊ່ວຍເຫຼືອຕ່າງໆຂອງຕ່າງ
ປະເທດ.
ດ້ານການສຶກສາ: ໄດ້ເອົາໃຈໃສ່ແກ້ໄຂບັນດາບ້ານທີ່ບໍ່ມີໂຮງ
ຮຽນປະຖົມ ຫຼື ມີຄວາມຫຍຸ້ງ ຍາກເຂົ້າເຖິງໂຮງຮຽນຢູ່ບ້ານໃກ້ຄຽງ, ບັນຫາການຂາດແຄນຄູສອນ,
ອຸປະກອນການຮຽນ ອັນໄດ້ເຮັດໃຫ້ອັດຕາການເຂົ້າ ຮຽນຂອງເດັກໃນເກນອາຍຸ 3-5 ປີ ເພີ່ມຂຶ້ນກວມ
39,1%, ອັດຕາເຂົ້າຮຽນສຸດທິຊັ້ນປະຖົມກວມ 98%, ອັດຕາເຂົ້າຮຽນລວມ ຊັ້ນມັດທະຍົມຕົ້ນສະເລ່ຍ
74,4%, ມັດທະຍົມປາຍ ສະເລ່ຍ 41,3%, ບ້ານໄດ້ສຳເລັດການສຶກສາຊັ້ນ ປະຖົມພາກບັງຄັບມີ
8.367 ບ້ານ ກວມ 98,27%. ທັງໝົດນີ້ເປັນການສ້າງເງື່ອນໄຂອັນໜັກແໜ້ນ ເພື່ອບັນລຸເປົ້າໝາຍສະຫັດຕະວັດດ້ານດານສຶກສາ
(MDGs) ໃນປີ 2015. ຂະນະດຽວກັນ ດ້ານສາ ທາລະນະສຸກ: ໄດ້ສຶບຕໍ່ເອົາໃຈໃສ່ປັບປຸງຄຸນນະພາບ
ແລະຂະຫຍາຍການບໍລິການລົງສູ່ຈຸດສຸມພັດທະນາ ແລະ ບ້ານຕ່າງໆ ຢ່າງທົ່ວເຖິງ.
ມາຮອດປະຈຸບັນ ທົ່ວປະເທດມີບ້ານທີ່ເຂົ້າເຖິງຕາໜ່າງການບໍລິການດ້ານສາ ທາລະນະສຸກແລ້ວ
8.202 ບ້ານ ກວມ 96,34%, ໄດ້ສ້າງຕັ້ງກອງທຶນສຸຂະພາບ ສຳລັບຜູ້ທຸກຍາກຢູ່ 88 ເມືອງ
ໃນ 17 ແຂວງ ແລະ ສາມາດສ້າງບ້ານແບບຢ່າງສາທາລະນະສຸກ ເພີ່ມຂຶ້ນເປັນ 4,646 ບ້ານ, ກວມ
54,57% ຂອງຈໍານວນບ້ານທັງໝົດໃນ. ເຖິງຢ່າງໃດກໍຕາມການຈັດຕັ້ງປະຕິ ບັດວຽກງານພັດທະນາຊົນນະ
ບົດ ແລະ ລຶບລ້າງຄວາມທຸກຍາກ ກໍຍັງມີຂໍ້ຄົງຄ້າງຄື:
- ການສຶກສາອົບຮົມການເມືອງ-ແນວຄິດ
ໃຫ້ປະຊາຊົນບັນດາເຜົ່າເຖິງວ່າໄດ້ເຮັດຢ່າງເປັນລະ ບົບຕໍ່ເນື່ອງແຕ່ກໍ່ຍັງບໍ່ສາມາດເຮັດໄດ້ຢ່າງທົ່ວເຖິງ,
ອີກດ້ານ ໜຶ່ງຄວາມຮັບຮູ້ ແລະ ຄວາມກະ ຕືລືລົ້ນໃນການພັດທະນາຕົນເອງຂອງປະຊາຊົນບັນດາເຜົ່າຢູ່ບາງບ່ອນຍັງບໍ່ສູງເທົ່າທີ່ຄວນ,
ຄວາມເຂົ້າໃຈຕໍ່ແນວທາງນະໂຍ ບາຍຂອງພັກ-ລັດຍັງບໍ່ທັນເລິກເຊິ່ງ ແລະ ກວ້າງຂວາງ.
- ຄຸນນະພາບຂອງການຢັ້ງຢືນຄອບຄົວ,
ບ້ານພົ້ນທຸກ ແລະ ພັດ ທະນາຢູ່ບາງບ່ອນຍັງບໍ່ທັນສູງ ແລະ ບໍ່ຮັດກຸມ, ການຈັດຕັ້ງ
ກວດ ກາປະເມີນຜົນແມ່ນຊັກຊ້າ, ການພັດທະນາບໍ່ໄດ້ຮັບການຜັນຂະຫຍາຍ ແລະນຳໃຊ້ເຂົ້າໃນການກຳນົດຈຸດສຸມໃນການແກ້ໄຂວາມທຸກຍາກ.
- ການຫັນພະນັກງານລົງຮາກຖານຢູ່ບາງບ່ອນ
ຍັງເຮັດແບບລວມໆທົ່ວໄປທຽວຂຶ້ນທຽວລົງ, ຍັງບໍ່ທັນໄດ້ຫັນເອົາພະນັກງານວິຊາການລົງປະຈຳວຽກຕົວຈິງ
ແລະ ອື່ນໆ.
No comments:
Post a Comment