ພາຍຫລັງເຂົ້າຮ່ວມກອງປະຊຸມສົນທະນາຜູ້ນຳເສດຖະ
ກິດວ່າດ້ວຍກາລະ ໂອກາດໃໝ່ ເພື່ອການຮ່ວມມືໃນພາກພື້ນໃນຫົວຂໍ້ “ພາກພື້ນທີ່ຢູ່ນອກເໜືອ APEC ໃນຕອນຄໍ່າຂອງວັນທີ 9
ພະຈິກ 2014 ທ່ານ ຈູມມາລີ ໄຊຍະສອນ ປະທານ ປະເທດແຫ່ງ ສປປ ລາວ ຍັງໄດ້ຮັບການເຂົ້າຢ້ຽມຢາມ
ແລະ ພົບປະຂອງ ທ່ານ ຫລີ ຢວນຊາວ ຮອງປະທານປະເທດແຫ່ງ ສປ ຈີນ ໃນການພົບປະຄັ້ງນີ້ສອງ ຝ່າຍຕີລາຄາສູງຕໍ່ສາຍພົວພັນມິດຕະພາບທີ່ມີ ມູນເຊື້ອອັນດີງາມ
ແລະ ການພົວພັນ ຄູ່ຮ່ວມມືຍຸດທະສາດຮອບດ້ານລະຫວ່າງ ສປປ ລາວ ແລະ ສປ ຈີນ ຕາມທິດ 4 ດີຄື ເພື່ອນບ້ານໃກ້ຄຽງທີ່ດີ,
ໝູ່ເພື່ອນທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ, ເຊິ່ງໄດ້ເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ.
ທ່ານ ຮອງປະທານປະເທດຈີນໄດ້ແຈ້ງສະພາບການ
ເດັ່ນພາຍໃນສປຈີນໃຫ້ຝ່າຍລາວຊາບເຊັ່ນດຽວກັນ. ພ້ອມ ດຽວກັນນັ້ນ, ສອງຝ່າຍຍັງໄດ້ປຶກສາຫາລື
ແລະ ແລກປ່ຽນຄວາມຄິດຄວາມເຫັນນຳກັນກ່ຽວກັບການພົວພັນຮ່ວມມືສອງ ຝ່າຍລາວ-ຈີນ.
ພາຍຫລັງສິ້ນສຸດການພົບ ປະແລ້ວ, ທ່ານຮອງປະທານປະເທດແຫ່ງສປຈີນໄດ້ເປັນກຽດຈັດງານລ້ຽງໃຫ້ແກ່ທ່ານປະ
ທານປະເທດພ້ອມດ້ວຍຄະນະ.
No comments:
Post a Comment