ໃນວັນທີ 28 ມີນານີ້, ຢູ່ສວນເຈົ້າອານຸວົງ ບໍລິເວນຜາມໄຊ-ທ່າວັດຈັນ
ນະ ຄອນຫລວງວຽງຈັນ, ໄດ້ຈັດງານສັບປະດາຄວາມປອດໄພທາງຖະໜົນລາວ-ສາກົນ 2015 ຂຶ້ນ, ໂດຍມີທ່ານລັດຖະມົນຕີຊ່ວຍວ່າການກະຊວງໂຍ
ທາທິການ ແລະ
ຂົນສົ່ງ, ຜູ້ຕາງໜ້າຈາກອົງການອະນາໄມໂລກ ແລະ ເຈົ້າໜ້າທີ່ຈະລາຈອນ, ນັກຮຽນ, ນັກສຶກສາເຂົ້າຮ່ວມເປັນຈຳນວນຫລາຍ.
ທ່ານລັດຖະມົນຕີຊ່ວຍວ່າການກະຊວງໂຍທາທິການ ແລະ ຂົນສົ່ງ ໄດ້ກ່າວໃນພິທີວ່າ: ການເປີດສັບປະດາຄວາມປອດໄພທາງຖະໜົນ ສາກົນນີ້ ກໍເປັນຄັ້ງທີ 3 ແລ້ວຂອງອົງການສະຫະປະຊາຊາດ, ກໍດັ່ງພວກເຮົາຮັບຮູ້ນໍາກັນແລ້ວວ່າ: ໃນແຕ່ລະປີ
ທົ່ວໂລກຈະມີຜູ້ເສຍຊີວິດປະມານ 1,3 ລ້ານຄົນ, ໃນນັັ້ນ
25% ຈະເປັນຜູ້ເຖົ້າ ແລະ ເດັກນ້ອຍ,
ຊຶ່ງມັກເກີດຢູ່ປະເທດທີ່ມີລາຍຮັບຕ່ຳ ແລະ ປານກາງ. ໃນນັ້ນ
ສປປ ລາວ ກໍແມ່ນໜຶ່ງໃນບັນດາປະເທດດັ່ງກ່າວ. ບັນຫາອຸປະຕິເຫດທາງຖະໜົນແມ່ນບັນຫາຂອງທຸກພາກສ່ວນໃນສັງຄົມຕ້ອງພ້ອມກັນແກ້ໄຂ, ແຕ່ຫາກທຸກຄົນ
ປະໝາດ, ເລິນເລີ້, ບໍ່ເຄົາລົບ, ຢຳເກງຕໍ່ລະບຽບກົດໝາຍ ກໍຈະເຮັດໃຫ້ມີການສູນເສຍຊີວິດ ແລະ
ຊັບສິນ ເພີ່ມຂຶ້ນເລື້ອຍໆ. ສະນັ້ນ ທຸກຄົນໃນສັງຄົມຄວນມີສະຕິໃນການເດີນທາງພ້ອມກັບປະຕິບັດກົດລະບຽບຈະລາ ຈອນຢ່າງເຂັ້ມງວດ ເພື່ອເຮັດໃຫ້ອຸປະຕິເຫດຫລຸດລົງຕາມລຳດັບ. ນອກຈາກນີ້
ທ່ານຍັງເນັ້ນໃຫ້ເອົາໃຈໃສ່ 4 ປະ ການຕົ້ນຕໍຄື: ດື່ມບໍ່ຂັບ, ຂັບຂີ່ທຸກຄັ້ງຕ້ອງໃສ່ໝວກກັນກະທົບ, ຂັບຊ້າໆ ແລະ ຕ້ອງໃສ່ສາຍຮັດນິລະໄພທຸກຄັ້ງກ່ອນເດີນທາງ.
ງານດັ່ງກ່າວຍັງໄດ້ປ່ອຍຂະບວນລົດຖີບ, ເຊິ່ງນຳໜ້າໂດຍທ່ານລັດຖະມົນຕີຊ່ວຍວ່າການກະຊວງໂຍທາທິການ ແລະ ຂົນສົ່ງ ແລະ
ຜູ້ຕາງໜ້າອົງການອະນາໄມໂລກ ປະຈຳລາວ, ເຊິ່ງມີໄລຍະທາງຍາວປະມານ
9,9 ກິໂລແມັດ,
ນັບແຕ່ຜາມໄຊ-ທ່າວັດຈັນ ໄປຈົນສຸດເສັ້ນທາງແຄມຂອງແລ້ວລ້ຽວກັບມາຈຸດຜາມໄຊ, ທັງນີ້ ກໍເປັນການປູກຈິດສຳນຶກຂັບຂີ່ປອດໄພໃຫ້ທົ່ວສັງຄົມ,
ແນໃສ່ຫລຸດຜ່ອນອຸປະຕິເຫດບົນທ້ອງຖະໜົນລົງເປັນລໍາດັບ.
No comments:
Post a Comment