ໜ່ວຍງານປະສານງານເສົາຄໍ້າປະຊາຄົມວັດທະນະທໍາ-ສັງຄົມອາຊຽນ ສປປ ລາວ ໄດ້ຈັດກອງປະຊຸມ ເພື່ອປຶກສາຫາລືປຸກລະດົມແນວຄວາມຄິດໃສ່ຮ່າງແຜນງານ,
ວິໄສທັດວັດທະນະທໍາ-ສັງຄົມອາຊຽນ ປີ 2016, ກະກຽມເນື້ອໃນ ແລະ ຄວາມພ້ອມໃຫ້ແກ່ກອງປະຊຸມວັດທະນະທໍາ-ສັງຄົມອາຊຽນ ຄັ້ງທີ 13 ຢູ່ປະເທດມາເລເຊຍ ແລະ ກະກຽມບູລິມະສິດຂອງກອງປະຊຸມປະຊາຄົມວັດທະນະທໍາອາຊຽນ ຄັ້ງທີ 14 ທີ່ ສປປ ລາວ ເປັນເຈົ້າພາບໃນປີ
2016.
ກອງປະຊຸມດັ່ງກ່າວໄດ້ຈັດຂຶ້ນໃນວັນທີ 4 ມີນາ
2015 ຢູ່ກະຊວງຖະແຫລງຂ່າວ,
ວັດທະນະທໍາ ແລະ
ທ່ອງທ່ຽວ(ຖວທ)ໂດຍການເປັນປະທານຂອງທ່ານ ສະຫວັນຄອນ ຣາຊມຸນຕຣີ ລັດຖະມົນຕີຊ່ວຍວ່າການກະຊວງຖະ ແຫລງຂ່າວ, ວັດທະນະທໍາ
ແລະ ທ່ອງທ່ຽວເຊິ່ງ ທ່ານໄດ້ໃຫ້ຮູ້ວ່າ: ກອງປະຊຸມໃນຄັ້ງນີ້ບັນດາຜູ້ເຂົ້າຮ່ວມຈະໄດ້ປຶກ ສາຫາລື ແລະ ຕີລາຄາຄືນກ່ຽວກັບການຈັດຕັ້ງປະຕິບັດວຽກງານ
ເສົາຄໍ້າປະຊາຄົມວັດທະນະທໍາ-ສັງຄົມອາຊຽນ
ເພື່ອຊອກໃຫ້ເຫັນຜົນສໍາເລັດ
ແລະ ຄວາມກ້າວໜ້າ, ໂອກາດ ແລະ ສິ່ງທ້າທາຍ, ຄວາມຫຍຸ້ງຍາກ
ແລະ ບົດຮຽນຕ່າງໆ ເຊິ່ງເຮົາໄດ້ປະເມີນຜົນຜ່ານມາແລ້ວ ເພື່ອສະ ຫລຸບຄືນກ່ຽວກັບບັນຫາຕ່າງໆເປັນຕົ້ນ
ແມ່ນການປະສານງານ, ການເຮັດວຽກຮ່ວມກັນລະຫວ່າງ ປະຊາຄົມວັດທະນະທໍາ-ສັງຄົມ ແລະ ປະຊາຄົມອື່ນໆ ທີ່ມີການສອດຫ້ອຍກ່ຽວພັນກັນ ແລະ ຈະຕ້ອງໄດ້ເອົາໃຈໃສ່ແກ້ໄຂໃນການປຶກສາຫາລືຄັ້ງນີ້.
ພ້ອມດຽວກັນນີ້ ກໍຈະໄດ້ພ້ອມກັນປະກອບຄໍາຄິດຄໍາເຫັນກະກຽມເນື້ອໃນໃສ່ກອງປະຊຸມເຈົ້າໜ້າທີ່ອາວຸໂສ ປະຊາຄົມວັດ ທະນະທໍາອາຊຽນ ໃນປີ
2015 ຢູ່ປະເທດມາເລເຊຍ ໂດຍໃຫ້ຜູ້ປະສານງານແຕ່ລະຂະແໜງການ ເບິ່ງຄືນກ່ຽວກັບແຜນງານຕ່າງໆທີ່ຢູ່ໃນຄວາມຮັບຜິດຊອບຂອງຕົນໃນໄລຍະຜ່ານມາ ເພື່ອຈະໄດ້ຮວບຮວມບັນດາຄໍາເຫັນຕ່າງໆເຊັ່ນ: ດ້ານການສຶກສາ, ສາທາລະນະສຸກ, ແຮງງານ,
ການຕ່າງປະເທດ,
ປົກປັກຮັກສາສິ່ງແວດລ້ອມ,
ບົດບາດຂອງແມ່ຍິງ
ແລະ ສິລະປະວັດທະນະທໍາ, ທັງນີ້ ກໍເພື່ອໃຫ້ມີຂໍ້ມູນຄົບຖ້ວນໄປລາຍງານຕໍ່ກອງປະຊຸມດັ່ງກ່າວ.
ທ່ານ ສະຫວັນຄອນ ຣາຊມຸນຕຣີ ຍັງຮຽກຮ້ອງໃຫ້ບັນດາຜູ້ປະສານງານແຕ່ລະຂະແໜງການ ຈົ່ງເປັນເຈົ້າການຮ່ວມກັນ
ເພື່ອເຮັດໃຫ້ເວທີຕ່າງໆຂອງອາຊຽນ ໃນໂອກາດທີ່ ສປປ ລາວ ໄດ້ຮັບກຽດເປັນເຈົ້າພາບ ຈັດກອງປະຊຸມອາຊຽນໃນປີ 2016 ທີ່ຈະມາເຖິງນີ້ ບັນລຸຕາມເປົ້າໝາຍຂອງການສ້າງປະຊາຄົມອາຊຽນ ໂດຍສະເພາະປະຊາຄົມເສດຖະກິດອາຊຽນຫລັງປີ 2015. ສະນັ້ນແຕ່ລະຂະແໜງຕ້ອງໄດ້ເຮັດຫລາຍວຽກທີ່ເປັນບູລິມະສິດນໍາມາຈັດຕັ້ງປະຕິບັດໃຫ້ເກີດດອກອອກຜົນຫລາຍຂຶ້ນ.
No comments:
Post a Comment