ຍີ່ປຸ່ນໃຫ້ການຊ່ວຍເຫລືອໂຄງການປັບປຸງຊີວິດການເປັນຢູ່ຂອງປະຊາຊົນແຂວງສະຫວັນນະເຂດ

ພາບປະກອບ

     ລັດຖະບານຍີ່ປຸ່ນໄດ້ຕົກລົງໃຫ້ການຊ່ວຍເຫລືອມູນຄ່າ 112.190 ໂດລາສະ ຫະລັດ ແກ່ອົງການອາສາສະໝັກຍີ່ປຸ່ນປະ ຈຳລາວ (JVC), ອົງການທີ່ບໍ່ຂຶ້ນກັບ ລັດຖະບານຍີ່ປຸ່ນ. ການຊ່ວຍເຫລືອໃນຄັ້ງນີ້ແມ່ນເພື່ອປັບປຸງຊີວິດການເປັນ ຢູ່ຂອງປະ ຊາຊົນໃນ 13 ບ້ານຢູ່ແຂວງສະຫວັນນະເຂດ ໂດຍຜ່ານ “ໂຄງການຄ້ຳ ປະກັນສະບຽງອາຫານເພື່ອປັບປຸງຊີວິດການເປັນຢູ່ຂອງ ຊາວບ້ານ ໂດຍການເຮັດ ກະສິກຳແບບຍືນຍົງ ແລະ ອີງໃສ່ການບໍລິຫານຊັບພະຍາກອນທຳມະຊາດຂອງ ຊຸມຊົນ (ໄລຍະ 2)” ເຊິ່ງພິທີເຊັນສັນຍາໂຄງການຊ່ວຍເຫລືອດັ່ງກ່າວໄດ້ຈັດຂຶ້ນ ໃນວັນທີ 3 ມີນານີ້ ທີ່ສະຖານທູດຍີ່ປຸ່ນປະຈຳ ສປປ ລາວ ລະ ຫວ່າງພະນະທ່ານ ຣຽວທາໂຣຊູຊູກິ ອຸປະທູດຍີ່ປຸ່ນປະຈຳ ສປປ ລາວ ແລະ ທ່ານນາງ ມະຣີໂກະຮາຢາຊີ ຜູ້ບໍລິຫານໂຄງການ ອົງການ JVC ເພື່ອສະໜັບສະໜູນການປະຕິບັດໂຄງການໄລຍະທີ 2 ຂອງໂຄງການທັງໝົດ 3 ປີ.

      ໂຄງການດັ່ງກ່າວ ຄາດວ່າ 1.500 ຄົວເຮືອນ ທີ່ອາໄສຢູ່ໃນ 13 ບ້ານຂອງເມືອງພີນ ແລະ ເມືອງອາດສະພອນ ແຂວງສະ ຫວັນນະເຂດ ຈະໄດ້ຮັບຜົນປະໂຫຍດຈາກຄວາມຮູ້ ແລະ ວິທີການເຮັດກະສິກຳທີ່ຖືກຖ່າຍທອດໃຫ້ເພື່ອຊ່ວຍໃນການເພີ່ມ ຜົນຜະລິດການເກັບກ່ຽວເຂົ້າ, ຫລຸດຜ່ອນຄວາມສ່ຽງກະສິກຳ ໂດຍສົ່ງເສີມໃຫ້ມີຜະລິດຕະພັນທີ່ຫລາກຫລາຍ ແລະ

ການຈັດ ຕັ້ງຄັງອາຫານເພື່ອຊ່ວຍເຫລືອປະຊາຊົນໃນຊຸມຊົນ ນອກຈາກນີ້, ໂຄງການຍັງມີຈຸດປະສົງເພື່ອປັບປຸງການ ເຂົ້າເຖິງນ້ຳສະອາດ ແລະ ອະນຸລັກປ່ານຳອີກ.

     ນັບແຕ່ປີ 1989 ເປັນຕົ້ນມາ, ອົງການ JVC ໄດ້ເຄື່ອນໄຫວໃນປະເທດລາວທາງດ້ານກະສິກຳ ແລະ ການພັດທະນາຊົນ ນະບົດເຊິ່ງອົງການດັ່ງກ່າວໄດ້ປະຕິບັດໂຄງການທີ່ຄ້າຍຄືກັນນີ້ມາກ່ອນໃນ 17 ບ້ານທີ່ແຂວງສະຫວັນນະເຂດໃນປີ 2008-2010 ແລະ ຄັ້ງນີ້ກໍເປັນໄລຍະທີ 2 ເພື່ອປັບປຸງອີກ 13 ບ້ານໃນແຂວງດັ່ງກ່າວ.