ປັດຈຸບັນສິນຄ້າເຄື່ອງບໍລິໂພກຕາມລະດູການທີ່ມີຈຳໜ່າຍຢູ່ຕະຫຼາດແຫ່ງຕ່າງໆໃນນະຄອນຫຼວງວຽງຈັນສ່ວນໃຫຍ
ເຫັນວ່າມີທ່າອ່ຽງສູງຂຶ້ນອາດເປັນຍ້ອນລະດູການເຊັ່ນ:ໄຂ່ໝົດແດງ ຈະຕົກເປັນກິໂລລະ
90 ພັນ - 1 ແສນກີບ, ດອກກະຈຽວ, ຜັກຫວານຈະມີລາຄາແຕ່ 60 ພັນ - 70 ພັນກີບຕໍ່ກິໂລ,
ເຊັ່ນດຽວ ກັບໝາກເຜັດ, ໝາກເຂືອ, ໝາກ ນາວ, ຜັກຂະ, ດອກຜັກຕິ້ວ ເຊິ່ງເປັນສິນຄ້າທີ່ຊາວສວນນຳມາຂາຍຈະຕົກເປັນລາຄາປະມານ
60 ພັນ - 70 ພັນກີບຕໍ່ກິໂລ. ເຖິງຢ່າງໃດກໍຕາມສິ່ງທີ່ໜ້າພູມໃຈກ່ວາໝູ່ແມ່ນຜົນລະປູກປະເພດໝາກໂມຫວານ
ທີ່ຊາວ ສວນ ແລະ ຜູ້ປະ ກອບການ ນຳມາຂາຍຕາມທ້ອງຕະຫຼາດ ເຫັນວ່າມີຈຳນວນຫຼາຍ ແລະ ລາຄາຖືກເປັນພິເສດຄື:
ໜ່ວຍລະ 10-20 ພັນກີບ, ສ່ວນປະເພດໝາກໄມ້ເຊັ່ນ: ໝາກຂາມຫວານ, ໝາກກ້ຽງຫວານກໍຢູ່ໃນລາຄາປົກກະຕິ.
ແຕ່ສິ່ງທີ່ໜ້າເປັນຫ່ວງສຳລັບຜູ້ມັກບໍລິໂພກໝາກໂມຫວານໃນໄລຍະລະດູຮ້ອນນີ້
ອາດມີຄວາມສ່ຽງຕໍ່ສຸຂະພາບ ເປັນຕົ້ນ ແມ່ນການຖອກທ້ອງ, ເນື່ອງຈາກໝາກໂມບາງປະເພດທີ່ນຳມາຈຳໜ່າຍຜູ້ປະກອບການໄດ້ນຳໃຊ້ປຸຍເລັ່ງເພື່ອ
ກະຕຸ້ນໃຫ້ໜ່ວຍໝາກໂມງາມ ແລະ ມີໃຈແດງດີ, ໂດຍບໍ່ຄຳນຶງເຖິງສຸຂະພາບຂອງຜູ້ບໍລິໂພກ.
ຕໍ່ບັນຫາດັ່ງກ່າວນີ້ພາກ ສ່ວນກ່ຽວຂ້ອງຄວນຈະເຂົ້າມາມີສ່ວນຮ່ວມໃນການຕິດຕາມກວດກາຕໍ່ບັນຫາການປູກພືດລວມໄປເຖິງ
ຊິ້ນສັດກໍມີຄວາມສ່ຽງໃນການນຳໃຊ້ສານເຄມີເພື່ອມີມາດຕະການສະກັດກັ້ນສິ່ງເປັນຜິດຕໍ່ສຸຂະພາບຂອງຜູ້ບໍລິໂພກ.
No comments:
Post a Comment