ອຸຕຸເຕືອນ !!! ໄລຍະນີ້ອາດມີຝົນຕົກໃຫ້ປະຊາຊົນມີສະຕິ

     ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ບໍລິເວນຄວາມກົດດັນສູງຂອງອາກາດເຢັນໄດ້ ແຜ່ລົງ ມາປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງອ່ອນ, ສົມທົບກັບກະແສລົມ ຕາເວັນອອກ - ຕາເວັນອອກສຽງເໜືອພັດ ປົກຄຸມ, ຈະເຮັດໃຫ້ອາກາດເຢັນໃນຕອນເຊົ້າ ແລະ ຈະມີຝົນຕົກຟ້າ ຄະນອງກະຈາຍໃນລະດັບຄອ່ຍຢູ່ບາງທ່ອງ ຖິ່ນແຂວງພາກເໜືອຫາ ພາກກາງດ້ານ ຕາເວັນອອກ.

     ພາກເໜືອດ້ານຕາເວັນອອກ :  ມີເມກປົກຄຸມເປັນສ່ວນຫຼາຍ, ອາກາດເຢັນ ແລະ ຍັງ ຈະມີຝົນຕົກ ຟ້າຄະນອງ ພ້ອມມີລົມພັດແຮງຢູ່ບາງທ້ອງຖິ່ນ ແຂວງ ຜົ້ງສາລີ, ຫົວພັນ ແລະ ຊຽງຂວາງຕື່ມອີກ ອຸນຫະພູມຕຳ່ສຸດ 16 - 18 ອົງສາ ແລະ ສູງ​ສຸດ 26 – 28 ອົງສາ.  

     ພາກເໜືອດ້ານຕາເວັນຕົກ : ມີເມກປົກຄຸມເປັນສ່ວນຫຼາຍ, ອາກາດອ່າວຮ້ອນ, ພ້ອມ ມີໝອກປົກ ຫຸ້ມເປັນສ່ວນຫລາຍ ແລະ ຍັງຈະມີຝົນຕົກຟ້າຄະນອງພ້ອມມີລົມພັດແຮງ ຢູ່ບາງທ້ອງຖີ່ນຄື: ແຂວງ ຫລວງນ້ຳທາ, ບໍ່ແກ້ວ, ອຸດົມໄຊ, ຫຼວງພະບາງ ແລະ ໄຊຍະ ບູລີ ຕື່ມອີກ. ອຸນຫະພູມ​ຕຳ່ສຸດ 17 - 19 ອົງສາ ​ແລະ ສູງ​ສຸດ 33 - 35 ອົງສາ.​

     ສຳລັບເມືອງສິງ ແລະ ເມືອງວຽງພູຄາ : ອາກາດເຢັນໃນຕອນກາງຄືນ ຫາ ຕອນເຊົ້າພ້ອມມີໝອກ ບາງ ປົກຫຸ້ມຢູ່ທົ່ວໄປ. ອຸນຫະພູມຕຳ່ສຸດ 14 - 16 ອົງສາ ແລະ ສູງສຸດ 30 - 32 ອົງສາ.

     ນະຄອນຫຼວງວຽງຈັນ. ມີເມກປົກຄຸມເປັນສ່ວນຫຼາຍ, ອາກາດຮ້ອນ ແລະ ຈະມີ ຝົນຕົກຟ້າຄະນອງ ກະຈາຍ, ພ້ອມມີລົມພັດແຮງຢູ່ບາງບໍລິເວນໃນຕອນບ່າຍຫາກາງຄືນ. ອຸນຫະພູມຕໍ່າສຸດ  23  - 25  ອົງສາ ແລະ ສູງສຸດ   32 - 34   ອົງສາ.

     ພາກກາງ: ມີເມກປົກຄຸມເປັນສ່ວນຫຼາຍ, ອາກາດຮ້ອນພ້ອມມີໝອກແຫ່ງປົກຫຸ້ມຢູ່ທົ່ວໄປ ໃນຕອນກາງເວັນ ແລະ ຈະມີຝົນຕົກຟ້າຄະນອງ, ພ້ອມມີລົມພັດແຮງຢູ່ບາງ ທ້ອງຖິ່ນ ທາງ​ດ້ານຕາເວັນອອກຂອງ​ພາກ. ອຸນຫະພູມຕຳ່ສຸດ 23 - 25 ອົງສາ ແລະ ສູງສຸດ 31 - 33 ອົງສາ.

     ແຂວງໄຊສົມບູນ : ອາກາດໜາວເຢັນ ແລະ ຍັງຈະມີຝົນຕົກຟ້າຄະນອງໃນລະ ດັບຄ່ອຍພ້ອມມີ ລົມພັດແຮງເປັນບາງໂອກາດ. ອຸນຫະພູມຕໍ່າສຸດ 14 - 16 ອົງສາ ແລະ ສູງສຸດ 25 - 27  ອົງສາ.

     ພາກໃຕ້:​  ອາກາດຮ້ອນ​ ຫາ ຮ້ອນເອົ້າ ໃນຕອນກາງເວັນພ້ອມມີໝອກປົກຫຸ້ມຢູ່ທົ່ວໄປ. ອຸນຫະພູມຕໍ່າສຸດ 24 - 26 ອົງສາ ແລະ ສູງສຸດ 36 - 38 ອົງສາ.

     ສຳລັບເຂດປາກ​ຊ່ອງ, ນິຄົມ 34: ອາກາດໜາວເຢັນໃນຕອນກາງຄືນ ຫາ ຕອນ ເຊົ້າພ້ອມມີໝອກ ໜາປົກຫຸ້ມຢູ່ທົ່ວໄປ. ອຸນຫະພູມຕໍ່າສຸດ 11 - 13  ອົງສາ ແລະ ສູງສຸດ  25 - 27 ອົງສາ.

     ພ້ອມດຽວກັນນີ້ ຍັງໄດ້ແຈ້ງເຕືອນເຖິງປະຊາຊົບບັນດາເຜົ່າຢູ່ໃນເຂດພື້ນທີ່ດັ່ງ ກ່າວ ໃຫ້ລະມັດລະ ວັງພະຍາດທີ່ຕາມມາ ແລະ ມີສະຕິໃນການຂັບຂີ່ຕາມທ້ອງຖະໜົນ ດັ່ງຢູ່ແຂວງໄຊຍະບູລີ, ໄດ້ມີລົດພວງ ຂົນສົ່ງສິນຄ້າ ຍ້ອນມີຝົນຕົກ ແລະ ທາງມື່ນ ຈຶ່ງເຮັດເຈີດລົງຂ້າງທາງ ໂຊກດີບໍ່ມີໃຜໄດ້ຮັບບາດເຈັບ. ດັ່ງນັ້ນ, ທຸກຄົນທີ່ໃຊ້ລົດໃຊ້ ຖະໜົນ ຄວນມີສະຕິລະວັງຕົວເພື່ອຫລີກເວັ້ນອຸປະຕິເຫດທີ່ຈະເກີດຂຶ້ນ.