ນະຄອນຫຼວງວຽງຈັນ, ສະຫຼອງວັນສຸຂະພາບໂລກ2015 ພາຍ​ໃຕ້ຫົວຂໍ້: "ອາຫານປອດໄພ"

ວັນທີ 7 ເມສານີ້,   ກະຊວງສາທາລະນະສຸກ ຮ່ວມກັບອົງການ ອະນາ ໄມໂລກປະຈຳລາວ ໄດ້ຈັດງານສະຫຼອງວັນສຸຂະພາບໂລກປະຈຳປີ 2015 ພາຍ​ໃຕ້ຫົວຂໍ້ວ່າ: "ອາຫານປອດໄພ ", ຂຶ້ນທີ່​ນະຄອນຫລວງ​ວຽງ​ຈັນໂດຍການ​ເຂົ້າຮ່ວມ​ຂອງ ທ່ານ ສຈ. ດຣ. ເອກສະຫວ່າງ ວົງວິຈິດ ລັດຖະມົນຕີວ່າການກະ ຊວງສາ ທາລະນະສຸກ, ທ່ານ ດຣ. ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ, ທ່ານນາງ ດຣ. Juliet Fleischl ຜູ້ຕາງໜ້າອົງການອານາໄມໂລກປະຈຳລາວ,  ພ້ອມ​ດ້ວຍ​ທູຕານຸທູດ, ຜູ້​ຕາງຫນ້າອົງ ການຈັດຕັ້ງສາກົນ,  ​ແລະ ມວນຊົນຊານະຄອນ ຫຼວງວຽງຈັນ ເກືອບ 200 ຄົນເຂົ້າຮ່ວມ.

ທ່ານ ສຈ. ດຣ. ເອກສະຫວ່າງ ວົງວິຈິດ ລັດຖະມົນຕີວ່າການກະຊວງສາທາລະນະສຸກ ມີ​ຄຳ​ເຫັນ​ໃນ​ພິທີວ່າ: ການສະຫຼອງວັນສຸຂະພາບໂລກປີນີ້, ​ແມ່ນເນັ້ນໃສ່ອາຫານປອດໄພຊື່ງມີຄວາມສຳຄັນຕໍ່ທຸກຄົນໃນໂລກ ແລະ ເປັນ ຄວາມຮັບຜິດຊອບຂອງຫຼາຍພາກສ່ວນຄື: ລັດຖະບານ, ຜູ້ບໍລິໂພກ, ເອກະຊົນ ແລະ ອົງການຈັດຕັ້ງຕ່າງໆ. ສຳລັບ

ກະຊວງສາທາລະນະສຸກການຮັບປະກັນອາຫານປອດໄພແມ່ນນອນຢູ່ໃນວຽກງານກັນພະຍາດ ແລະ ປົກປ້ອງສຸຂະພາບ ຜູ້ບໍລິໂພກເປັນຕົ້ນ, ການຮັບປະກັນອາຫານປອດໄພ, ການປ້ອງກັນອາຫານຈາກການມີຄວາມສ່ຽງຂອງອາຫານເປັນພິດ, ພະຍາດທີ່ເກີດຈາກ ອາຫານ, ການປົນເປື້ອນທີ່ເປັນສາເຫດໃຫ້ມີການເຈັບເປັນຖອກທ້ອງ ຊື່ງເປັນບັນ ຫາທາງດ້ານສາ ທະລະນະສຸກ. ໂດຍສົ່ງເສີມ ແລະ ຄຸ້ມຄອງບັນດາຜູ້ຜະລິດ, ຈຳໜ່າຍ, ສົ່ງອອກ ແລະ ນຳເຂົ້າອາຫານໃຫ້ປະຕິບັດ ຕາມຫຼັກການການຜະລິດທີ່ມີສຸຂະນາໄມ, ຮັບປະກັນໃຫ້ມີຄຸນະພາບ, ໂພຊະນາການ ແລະ ປາສະຈາກການປົນເປື້ອນ.

ທ່ານ ກ່າວອີກວ່າ: ປັດຈຸບັນ, ລາວໄດ້ເຂົ້າເປັນສະມາຊິກ​ຂອງອົງການການຄ້າໂລກ ແລະ ອາຊຽນຊື່ງມັນໄດ້ຮຽກຮ້ອງ ໃນການຮັບປະກັນຄຸນນະພາບ ແລະ ຄວາມປອດໄພຂອງອາຫານ ໃຫ້ສູງຂຶ້ນ ໂດຍໃຫ້ມີການປະຕິບັດຕາມມາດຕະ ຖານສາກົນ ແລະ ພາກພື້ນທາງດ້ານອາຫານ ແລະ ດ້ານການບໍລິຫານຄຸນນະພາບໃຫ້ດີຂຶ້ນ. ໂດຍສະ ເພາະໃນປັດຈຸບັນ, ກຳລັງກະກຽມເຂົ້າເປັນສະມາຊິກອົງການການຄ້າໂລກ  ແລະ ປະຕິບັດການເຊື່ອມສານກັບປະເທດອາຊຽນໃນປີ 2015. ສະນັ້ນ, ວຽກງານຄຸ້ມຄອງອາຫານປອດໄພໄດ້ກາຍເປັນບັນຫາທີ່ມີຄວາມສຳຄັນສຳລັບການຄ້າ, ການພັດທະນາເສດຖະກິດຂອງປະເທດຊາດ ແລະ ຫຼຸດຜ່ອນຄວາມທຸກຍາກຂອງປະຊາຊົນລາວ.