ໃນວັນທີ16 ເມສານີ້, ຊຶ່ງກົງກັບມື້ແຮມ13 ຄ່ຳເດືອນ 5 ເປັນມື້ສຸດ ທ້າຍຂອງການສະຫລອງບຸນປີໃໝ່ລາວ
ພສ 2558,ຊາວນະຄອນຫລວງ ວຽງຈັນ ກໍຄືຊາວລາວທົ່ວປະເທດໄດ້ສະເຫລີມ ສະຫລອງປີໃໝ່ຢ່າງມ່ວນຊື່ນຕາມ ຮີດ ຄອງປະເພນີອັນດີງາມທີ່ເຄີຍ ປະຕິບັດກັນມາແຕ່ບູຮານນະການ,
ໂດຍໃນຕອນເຊົ້າຢູ່ວັດອົງຕື້ເມືອງຈັນທະບູລີ ນະຄອນ ຫລວງວຽງຈັນ
ໄດ້ມີພິທີຕັກບາດຖວາຍ ສັງຄະທານຕາມປະເພນີໂດຍມີທ່ານ ດຣ. ພັນຄໍາ
ວິພາວັນ ຮອງນາຍົກລັດ ຖະມົນ ຕີ, ລັດຖະມົນຕີວ່າການກະຊວງສຶກສາທິການ ແລະ
ກິລາ, ຜູ້ຊີ້ນໍາວຽກງານວັດທະນະທໍາ-ສັງຄົມ, ທ່ານ ດຣ ສິນລະວົງຄຸດໄພທູນ ເຈົ້າຄອງນະຄອນຫລວງວຽງຈັນ, ທ່ານ ສຈດຣ ພັນດວງ ຈິດວົງສາ ປະທານສູນກາງແນວລາວສ້າງຊາດ, ບັນດາທ່ານ ຮອງເຈົ້າຄອງນະຄອນຫລວງວຽງຈັນ ແລະ ມວນຊົນຊາວນະຄອນຫລວງວຽງຈັນເຂົ້າຮ່ວມຢ່າງຫລວງຫລາຍ
ແລະ ໃນຕອນບ່າຍກໍໄດ້ສຶບຕໍ່ການແຂ່ງຂັນກິລາຫາດຊາຍຫລາຍປະເພດແລະ ຂະບວນແຂ່ງຂັນຕົບພະ ທາດຊາຍຢູ່ຫາດດອນຈັນພ້ອມທັງມີ
ພິທີສູດພະທາດໃຫຍ່ຈຳນວນ
60 ພະທາດ ແລະພະທາດຊາຍນ້ອຍ40 ທາດອ້ອມພະທາດໃຫຍ່,
ອັນໄດ້ສະແດງເຖິງສັນຍະລັກແຫ່ງການສະເຫລີມສະຫລອງວັນສ້າງຕັ້ງພັກປະຊາຊົນປະຕິວັດລາວ ຄົບ ຮອບ
60 ປີ ແລະ ວັນສາຖາປະນາ ສປປ ລາວ ຄົບຮອບ 40 ປີ. ນອກນີ້ກໍໄດ້ມີການແຂ່ງຂັນກິລາປະເພດຕ່າງໆເຊັ່ນ: ບານເຕະ, ບານສົ່ງຫາດຊາຍ
ແລະ ອື່ນໆເຊິ່ງມີນັກທ່ອງທ່ຽວຈາກພາຍໃນ ແລະຕ່າງປະເທດເຂົ້າຮ່ວມດ້ວຍບັນຍາກ່ດມ່ວນຊື່ນ.
No comments:
Post a Comment