laophatthananewspaper: ເຝິກອົບຮົບກ່ຽວກັບການປ່ຽນແປງດິນຟ້າອາກາດ, ໃຫ້ສື່ມວນຊົນລາວ

ໃນວັນທີ 29 ເມສາ ນີ້ ຢູ່ໂຮງແຮມ ວັນຊະນະ ຮີເວີໄຊ ນະຄອນຫລວງວຽງຈັນ, ສະຖາບັນຄົ້ນຄ້ວາກະສິກໍາ ແລະ ປ່າໄມ້ແຫ່ງຊາດ ກະຊວງກະສິກໍາ ແລະ ປ່າໄມ້ ຮ່ວມກັບ ສະມາຄົມນັກຂ່າວແຫ່ງ ສປປ ລາວ ໄດ້ຈັດຊຸດເຝິກອົບ ຮົມກ່ຽວກັບການມີສ່ວນຮ່ວມຂອງສື່ມວນຊົນລາວໃນການໃຫ້ຄວາມຮູ້ທາງດ້ານວິທະ ຍາສາດກ່ຽວກັບການຄໍ້າປະກັນສະບຽງອາຫານ, ກະສິກໍາ ແລະ ການປ່ຽນແປງດິນ ຟ້າອາກາດໃນ ສປປ ລາວ ໂດຍການເຂົ້າຮ່ວມຂອງທ່ານ ດຮ ວັນທອງ ແພງວິຈິດ ຮອງຫົວຫນ້າສະຖາບັນຄົ້ນຄ້ວາກະສິກໍາ ແລະ ປ່າໄມ້ ແຫ່ງຊາດ, ທ່ານ ສົມສະຫນຸກ ມີໄຊ ຮອງປະທານສະມາຄົມນັກຂ່າວແຫ່ງ ສປປ ລາວ ແລະ ມີສື່ມວນຊົນລາວຈາກສູນກາງ ແລະ ທ້ອງຖິ່ນ.

ທ່ານ ຮອງຫົວຫນ້າກະສິກໍາ ແລະ ປ່າໄມ້ແຫ່ງຊາດໃຫ້ຮູ້ວ່າ:ການຈັດກອງປະຊູມໃນຄັ້ງນີ້ກໍເພື່ອເຊື່ອມໂຍງ ຄວາມ ຮູ້ພື້ນຖານທາງດ້ານວິທະຍາສາດ ແລະ ການປ່ຽນແປງໃຫມ່ກັບແຜນດໍາເນີນງານແຫ່ງຊາດຕໍ່ສະພາບການປ່ຽນ ແປງຂອງດິນ ຟ້າອາກາດໃນການຜະລິດກະສິກໍາ ແລະ ການຄໍ້າປະກັນສະບຽງອາຫານໃນ ສປປ ລາວ ແນໃສ່ໃຫ້ນັກ ໄດ້ຮັບຮູ້ ແລະ

ເຂົ້າໃຈຢ່າງເປັນເອກະພາບໃນບາງບັນຫາເຊັ່ນ ສິ່ງທ້າທາຍສໍາຄັນຕໍ່ການປ່ຽນແປງດັ່ງກ່າວ, ຍົກລະດັບຂີດຄວາມສາ ມາດ ໃນການລາຍງານໂດຍຖືເອົາວິທະຍາສາດເປັນບ່ອນອິງ ເພື່ອລິເລີ່ມການສື່ສານໃຫ້ລະອຽດ ແລະ ຈະແຈ້ງແຕ່ຫົວທີ, ທັງເປັນການກະຕຸກຊຸກຍູ້ໃຫ້ແກ່ບັນດາຂະແຫນ່ງການກ່ຽວຂ້ອງ, ຕ່າງໆໄດ້ໃຫ້ຄວາມສຳຄັນ ແລະ ມີແຜນຮອງຮັບກ່ ຽວກັບສະພາບດິນຟ້າອາກາດ, ກະສິກໍາ ແລະ ການຄໍ້າປະກັນສະບຽງອາຫານໃນ ສປປ ລາວ.

ທ່ານ ຍັງກ່າວອີກວ່າ:ການດໍາລົງຊີວິດຂອງມວນມະນຸດເຮົາແມ່ນຕິດພັນກັບການນໍາໃຊ້ຊັບພະຍາກອນທໍາ ມະຊາດ ເຊັ່ນ: ການນໍາເອົາພຶດພັນຕ່າງໆ,ການລ່າສັດ ແລະ ຫາປາ ເພື່ອນໍາມາບໍລິໂພກ,ແຕ່ຍ້ອນມີການເພີ່ມຂຶ້ນຂອງປະຊາກ ອນສິ່ງ ດັ່ງກ່າວຈຶ່ງມີຄວາມຕ້ອງການເພີ່ມຂຶ້ນເຮັດໃຫ້ການພັດທະນາ ແລະ ນໍາໃຊ້ຊັບພະຍາກອນຫລາຍຂຶ້ນ ແລະ ກໍ່ໃຫ້ ເກີດຜົນກະ ທົບ ຫລື ສ້າງຄວາມເສຍຫາຍຕໍ່ສະພາບແວດລ້ອມ, ການສູນເສຍແຫລ່ງຊັບພະຍາກອນທໍາມະຊາດທັງທາງກົງ ແລະ ທາງອ້ອມ, ປະກົດການອາຍພິດເຮືອນ ເຊິ່ງທັງຫມົດນີ້ລ້ວນແຕ່ແມ່ນສະພາບການປ່ຽນແປງດິນຟ້າອາກາດ,

ແມ່ນຄວາມຜິດປົກກະຕິຂອງດິນຟ້າອາກາດເຊັ່ນ: ອຸນຫະພູມອາກາດສະເລ່ຍຂອງໂລກເພີ່ມຂຶ້ນສູງ, ໄພພິບັດ ທໍາມະຊາດເກີດມີຄວາມຮຸນແຮງຖີ່ຂຶ້ນເຊັ່ນ: ໄພນໍ້າຖ້ວມ, ໄພແຫ້ງແລ້ງ, ພະຍຸ, ຝົນບໍ່ຕົກຕາມລະດູການ, ລະດັບນໍ້າທະເລສູງຂຶ້ນ.