ໃນວັນທີ 29 ເມສານີ້, ຢູ່ສຳນັກງານໃຫຍ່ທະນາຄານສົ່ງເສີມກະສິກຳ
(ທສກ), ນະຄອນຫລວງວຽງຈັນ, ທ່ານນາງ ເພັດສະໄໝ ສີດາຈັນຮອງອຳນວຍການທະ ນາຄານສົ່ງເສີມກະສິກຳ
ແລະ ທ່ານ ສີສະຫວາດ ອິນທະວົງ ກຳມະການບໍລິ ຫານ ບໍລິສັດລັດວິສາຫະກິດໂທລະຄົມລາວ(ອີທີແອລ)ໄດ້ຮ່ວມກັນຖະແຫລງກ່ຽວກັບການຊຳລະຄ່າບໍລິການດ້ານໂທ
ລະຄົມຂອງບໍລິສັດອີທີແອລຜ່ານລະບົບທະນາຄານສົ່ງເສີມກະສິກຳ.
ທ່ານອຳນວຍການທະນາຄານສົ່ງເສີມກະສິກຳກ່າວວ່າ:ທະນາຄານພວກເຮົາເປັນໜຶ່ງໃນທະນາຄານທຸລະກິດຂອງລັດ,
ເຮັດໜ້າທີ່ສົ່ງເສີມຂະແໜງການກະສິກຳຢູ່ພາຍໃນປະເທດເປັນຕົ້ນ: ບໍລິການເງິນກູ້ເພື່ອສົ່ງເສີມກຸ່ມຊາວກະສິກອນ
ແລະ ລາຍບຸກຄົນ, ຄຽງຄູ່ກັນນັ້ນກໍຮັບບໍລິການຝາກເງິນ, ຂາຍປະກັນໄພ, ຊຳລະຄ່ານ້ຳປະປາ,
ໄຟຟ້າ ແລະ ອື່ນໆ, ມາຮອດປັດຈຸບັນນີ້, ທະນາຄານພວກເຮົາກໍໄດ້ໃຫ້ບໍລິການຊຳລະສະສາງດ້ານໂທລະຄົມ,
ໂດຍຮ່ວມມືກັບບໍລິ ສັດອີທີແອລເພື່ອໃຫ້ບໍລິການລູກຄ້າຂອງທັງສອງຫົວໜ່ວຍທຸລະກິດໃຫ້ມີຄວາມສະດວກສະບາຍໃນການຊຳລະຄ່າໂທລະສັບ,
ຄ່າອິນເຕີແນັດ
ແລະ ຕື່ມມູນຄ່າໂທຜ່ານລະບົບທະນາຄານພວກເຮົາ, ເຊິ່ງ (ທສກ) ແລະ
ບໍລິສັດອີທີແອລເຄີຍເປັນຄູ່ຮ່ວມມືທາງທຸລະກິດນຳກັນມາແລ້ວກ່ຽວກັບການຕິດຕັ້ງສາຍສົ່ງນັບແຕ່(ທສກ)ເລີ່ມມີການພັດທະນາການ
ການບໍລິການທີ່ທັນສະໄໝ, ໂດຍສະເພາະບໍລິການຮັບ-ສົ່ງຂໍ້ຄວາມສັ້ນ (SMS
Banking) ແລະ ເມື່ອຕົ້ນປີ 2015 ຜ່ານມາ, ສອງຝ່າຍກໍໄດ້ມີການລົງນາມສັນຍາຮ່ວມມືການຊຳລະສະສາງດ້ານໂທລະຄົມ
ແລະ ໄດ້ມີການທົດລອງນຳໃຊ້ລະບົບດັ່ງກ່າວ, ລວມເຖິງການເຝິກອົບຮົມໃຫ້ພະນັກງານຂອງທະນາຄານ
ເພື່ອໃຫ້ສາມາດບໍລິການລູກຄ້າ ແລະ ຮັບ ປະກັນການຊຳລະສະສາງໃຫ້ມີປະສິດທິຜົນສູງ
ແລະ ເຫັນວ່າໄດ້ຮັບຜົນຕອບຮັບຈາກລູກຄ້າເປັນທີ່ໜ້າພໍໃຈ, ດັ່ງນັ້ນຈຶ່ງຂໍເຊີນຊວນນັກທຸລະກິດ,
ພະນັກງານ, ທະຫານ, ຕຳຫລວດ, ປະຊາຊົນເຂົ້າມາໃຊ້ບໍລິການດັ່ງກ່າວທີ່ທະນາຄານສົ່ງເສີມກະສິກຳ,
ນັບທັງສຳນັກງານໃຫຍ່,ສາຂາ ແລະ ໜ່ວຍບໍລິການໃນທົ່ວປະເທດ.
ທ່ານ ສີສະຫວາດ ອິນທະວົງ ກ່າວວ່າ:ກ່ອນໜ້ານີ້,ບໍລິສັດພວກເຮົາໄດ້ຮ່ວມມືດ້ານທຸລະກິດກັບທະນາຄານ
ຮ່ວມພັດທະນາ(JDB),ທະນາຄານການຄ້າຕ່າງປະເທດລາວມະຫາຊົນ(BCEL),ທະນາຄານເອັສທີ(STB) ແລະ ທະນາຄານອິນໂດຊາຍນາ(INDOCHIN
BANK) ແລະ ສຳລັບການຮ່ວມມືກັບທະນາຄານສົ່ງເສີມກະສິກຳນີ້,ໃນເບື້ອງຕົ້ນແມ່ນໃຫ້ບໍລິການຮັບຊຳລະຄ່າໂທລະສັບ,ຄ່າອິນເຕີແນັດ
ແລະ ຊື້-ຂາຍບັດຕື່ມມູນຄ່າໂທ (E-Top Up), ປັດຈຸບັນ ອີທີແອວມີ 1 ສຳນັກງານໃຫຍ່,
17 ສາຂາ ແລະ 24 ໜ່ວຍບໍລິການໃນຂອບເຂດທົ່ວປະເທດ.
No comments:
Post a Comment