ພິທີມອບ-ຮັບ ໂຄງການສ້າງຄວາມເຂັ້ມແງຕາໜ່າງສາທາລະນະສຸກ 4 ແຂວງພາກໃຕ້ຄື: ແຂວງອັດຕະປື, ຈຳປາສັກ, ສາລະວັນ ແລະ ເຊກອງ, ໄດ້ມີຂຶ້ນໃນວັນທີ 13 ພຶດສະພານີ້ ຢູ່ແຂວງອັດຕະປື, ເຊິ່ງໂຄງການດັ່ງກ່າວໄດ້ຮັບການຊ່ວຍເຫລືອລ້າຈາກລັດຖະບານຍີ່ປຸ່ນ
ລວມມູນຄ່າທັງໝົດ 741 ລ້ານເຢນ, ຊຶ່ງໄດ້ເລີ່ມປະ ຕິບັດມາຕັ້ງແຕ່ປີ 2013
ເປັນຕົ້ນມາ. ປະກອບມີກໍ່ສ້າງສຸກສາລາ, ຫໍພັກພະນັກ ງານ ແລະ ບັນດາສິ່ງອຳນວຍຄວາມສະດວກຕ່າງໆ.
ກ່າວມອບຢ່າງເປັນທາງການໂດຍທ່ານ ຮິໂຣຢູກິ
ກີຊີໂນະ ເອກອັກຄະລາຊະທູດຍີ່ປຸ່ນປະຈຳລາວ, ໃຫ້ແກ່ບັນດາແຂວງທີ່ກ່ຽວຂ້ອງ,
ເຂົ້າຮ່ວມເປັນສັກຂີພະຍານໂດຍ ທ່ານ
ແຄນທອງ
ສີສຸວົງ
ຮອງເຈົ້າແຂວງແຂວງອັດຕະປື, ທ່ານ ເນົາ ບຸດຕາ
ຫົວໜ້າຫ້ອງການ, ກະຊວງສາທາລະນະສຸກ, ມີພະນັກງານແຂວງ ແລະ ເຈົ້າໜ້າທີ່ກ່ຽວຂ້ອງເຂົ້າຮ່ວມເປັນຈຳນວນຫລາຍ.
ທ່ານທູດຍີ່ປຸ່ນ ປະຈຳລາວ
ກ່າວວ່າ: ຄວາມຄືບໜ້າໃນການປະຕິບັດເປົ້າໝາຍສະຫະສະວັດ ທີ 4 ການຫລຸດ ຜ່ອນການຕາຍຂອງເດັກເກີດໃໝ່ ແລະ ເປົ້າໝາຍທີ 5 ການປັບປຸງສຸຂະພາບຂອງແມ່ ໃນ 4 ແຂວງພາກໃຕ້
ຍັງຫ່າງໄກທີ່ຈະບັນລຸເປົ້າໝາຍແຫ່ງຊາດເພາະວ່າພື້ນຖານໂຄງລ່າງສາທາລະນະສຸກຍັງບໍ່ທັນເຂັ້ມແຂງເປັນຕົ້ນແມ່ນສຸກສາ
ລາ ແລະ
ລະບົບນ້ຳປະປາ. ນອກຈາກນີ້ ຄຸນນະພາບໃນການບໍລິການສາທາລະນະສຸກຍັງບໍ່ດີເທົ່າທີ່ຄວນ. ສິ່ງທີ່ກ່າວມານັ້ນ
ກໍເປັນເຫດຜົນຫລັກທີ່ລັດຖະບານຍີ່ປຸ່ນໄດ້ອະນຸມັດໂຄງການນີ້.
ໂດຍຜ່ານໂຄງການດັ່ງກ່າວ, ສຸກສາລາ 37 ແຫ່ງ ແລະ
ຫໍພັກພະນັກງານ
16 ແຫ່ງ ໄດ້ຖືກກໍ່ສ້າງຂຶ້ນໃໝ່ ພ້ອມມີອຸປະກອນ
ແລະ ສິ່ງອຳນວຍຄວາມສະດວກນຳອີກ, ພ້ອມກັນນັ້ນ ອຸປະກອນການແພດໃນສຸກສາລາ
23 ແຫ່ງ ໄດ້ຖືກປັບປຸງໃໝ່ ແລະ ລະບົບນ້ຳອີກ 23 ແຫ່ງ ໄດ້ຖືກຕິດຕັ້ງ. ຫາກທຸກໆໂຄງການສຳເລັດປະຊາຊົນກວ່າ 3 ແສນຄົນທີ່ອາໃສຢູ່ 4
ແຂວງພາກໃຕ້ ຈະໄດ້ຮັບຜົນປະໂຫຍດຈາກການປັບປຸງພື້ນຖານໂຄງລ່າງສາທາລະນະສຸກ.
ຍີ່ປຸ່ນໄດ້ໃຫ້ການສະໜັບສະໜູນລັດຖະບານລາວ ໃນການພັດທະນາເສດຖະກິດ-ສັງຄົມ
ມາເປັນເວລາຫລາຍປີ. ໃນຂະແໜງສາທາລະນະສຸກ
ຍີ່ປຸ່ນໄດ້ໃຫ້ການສະໜັບສະໜູນກວ່າ 8 ພັນລ້ານເຢນ ໃຫ້ແກ່ໂຄງການຂອງອົງ ການໄຈກ້າ ເພື່ອພັດທະນາພື້ນຖານໂຄງລ່າງ ແລະ
ການບໍລິການສາທາລະນະສຸກ, ພ້ອມກັນນີ້ ຍັງໄດ້ໃຫ້ການຊ່ວຍ ເຫລືອຫລາຍກວ່າ 8,6 ລ້ານໂດລາສະຫະລັດ ພາຍໃຕ້ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖາ. ໂດຍຜ່ານໂຄງການທີ່ກ່າວມານັ້ນ 289 ໂຄງການພື້ນຖານໂຄງລ່າງສາທາລະນະສຸກໄດ້ຖືກຈັດຕັ້ງປະຕິບັດ ເຊິ່ງລວມມີໂຄງການກໍ່ສ້າງສຸກສາລາ 125 ແຫ່ງ, ໂຄງການກໍ່ສ້າງ-ບູລະນະໂຮງໝໍ 52
ແຫ່ງ ແລະ ໂຄງການລະບົບນ້ຳປະປາ 57 ແຫ່ງໃນທົ່ວປະເທດ. ທ່ານທູດຍັງໄດ້ກ່າວຕື່ມອີກວ່າ: “ຍີ່ປຸ່ນຍຶດໝັ້ນໃນຂະແໜງການທີ່ສຳຄັນເຊັ່ນນີ້ ແລະ
ຈະສືບຕໍ່ຊ່ວຍເຫລືອລັດຖະບານລາວໃນການພັດທະນາພື້ນຖານໂຄງລ່າງ ແລະ
ການບໍລິການສາທາລະນະສຸກ”.
No comments:
Post a Comment