ບໍລິສັດພູເບ້ຍ ມາຍນິງ
(PBM) ໃຫ້ຮູ້ໃນວັນທີ 20 ພຶດສະພານີ້ວ່າ: ນັບແຕ່ປີ 2005-2015, ບໍລິສັດຂອງຕົນໄດ້ປະກອບສ່ວນລາຍຮັບໃຫ້ລັດຖະບານລາວຫລາຍກວ່າ 400
ລ້ານໂດລາສະຫະລັດ, ສະເພາະປີ 2014 ມີປະ
ມານ 54 ລ້ານໂດລາສະຫະລັດ ໃນນັ້ນຄ່າຊັບພະຍາກອນທຳມະຊາດປະມານ 35 ລ້ານໂດລາສະຫະລັດ.
ທ່ານ ຣີຊາດ ເທເລີ
ອຳນວຍການຝ່າຍບໍລິການກ່າວວ່າ: ພວກເຮົາມີຄວາມພາກພູມໃຈຫລາຍ
ທີ່ສາມາດບັນລຸເປົ້າໝາຍໃນການປະກອບສ່ວນ ແລະ ການສະໜັບສະໜູນທີ່ສຳຄັນຕໍ່ງົບປະມານແຫ່ງຊາດ ເພື່ອຊຸກຍູ້ການສ້າງສາພັດທະນາປະເທດລາວ, ການປະກອບສ່ວນຂອງພວກເຮົາເຫັນຈະແຈ້ງຂຶ້ນ ເມື່ອເບິ່ງຈາກຫລາຍໆຮູບ
ການປະກອບ
ສ່ວນລາຍຮັບຂອງບໍລິສັດ ຄຽງຄູ່ກັບໂຄງການພັດທະນາຊຸມຊົນ ແລະ
ສັງຄົມທີ່ພວມດຳເນີນໃນປັດຈຸບັນເຊັ່ນ: ດ້ານການສຶກສາ, ສາທາລະນະສຸກ ແລະ ການເສີມຂະຫຍາຍໂຄງລ່າງເປັນຕົ້ນ.
ໃນປີ 2014 ບໍລິສັດໄດ້ວາງຄາດໝາຍການຜະລິດທີ່ສູງ, ເຊິ່ງປະກອບດ້ວຍອັດຕາການຜະລິດສູງສຸດຢູ່ໂຮງງານພູຄຳ ແລະ ໂຮງງານບ້ານຫ້ວຍຊາຍ. ປັດຈຸບັນ
ໂຮງງານບ້ານຫ້ວຍຊາຍ ຖືວ່າຍັງເປັນໂຮງງານຜະລິດຄຳລາຍໃຫຍ່ທີ່ສຸດໃນລາວ ເຊິ່ງມີການຜະລິດຄຳປະລິມານສູງເຖິງ
100.000 ອອນ/ປີ, ເຖິງແມ່ນລາຄາຄຳໃນຕະຫລາດໂລກຈະມີການເໜັງຕີງຫລາຍກໍຕາມ, ບໍລິສັດ ຍັງສາມາດຜະລິດໄດ້ບັນລຸຕາມຄາດໝາຍ.
ປັດຈຸບັນນີ້ ລາຄາໂລຫະທອງແດງໃນຕະຫລາດໂລກມີການເໜັງຕີງຢູ່ລະຫວ່າງ
4.400 ໂດລາສະຫະລັດ
ແລະ 8.800 ໂດລາສະຫະລັດຕໍ່ໂຕນ ນັບຕັ້ງແຕ່ບໍລິສັດ
ໄດ້ດຳເນີນການຜະລິດຢູ່ໂຮງງານພູຄຳແຕ່ປີ 2008 ແລະ ໃນລະ
ຫວ່າງເດືອນຜ່ານມາ ລາຄາໂລຫະທອງແດງໄດ້ເໜັງຕີງ
ຄົງທີ່ໃນລາຄາ 6.000 ໂດລາສະຫະລັດຕໍ່ໂຕນ.
ໃນເດືອນມັງກອນ 2015, ບໍລິສັດ
ໄດ້ມີການປັບປຸງໂຄງຮ່າງຂອງບໍລິສັດຄືນໃໝ່ ເຊິ່ງມີການຫລຸດຄ່າໃຊ້ຈ່າຍໄດ້ຫລາຍກວ່າ 50 ລ້ານໂດລາສະຫະລັດ ໃນທົ່ວກຸ່ມບໍລິສັດ ແພນອອສ໌ ເຊິ່ງໄດ້ສ້າງວຽກເຮັດງານທຳຫລາຍໆຕຳແໜ່ງ ຢູ່ໂຮງງານພູຄຳ ແລະ ໂຮງງານບ້ານຫ້ວຍຊາຍ
ປັດຈຸບັນ ອັດຕາສ່ວນ ພະນັກງານລາວ
ກວມເອົາ 90% ຈາກຈຳນວນພະນັກງານທັງໝົດເກືອບ 3.400 ຄົນ.
ບໍລິສັດ ພູເບ້ຍ
ມາຍນິງ
ຈະສືບຕໍ່ລົງທຶນຢ່າງຫລວງຫລາຍເຂົ້າໃນການຝຶກອົບຮົມ ແລະ
ການພັດທະນາບຸກຄະລາກອນ, ໂດຍສະເພາະໃນຂົງເຂດຄວາມປອດໄພ, ການຝຶກອົບຮົມດ້ານການຄ້າ. ບໍລິສັດ ຈະຍັງສືບຕໍ່ຮ່ວມມືກັບໂຮງຮຽນເຕັກນິກ
ລາວ-ເຢຍລະມັນ ແລະ ພາກສ່ວນເອກະຊົນອື່ນໆ.
No comments:
Post a Comment