ໃນວັນທີ 19 ພຶດສະພານີ້, ບໍລິສັດ ໂຕໂຍຕາ ມໍເຕີ້
ປະເທດໄທ
ຈຳກັດ, ໄດ້ຈັດງານຈັບສະຫລາກມອບໂຊກໃຫ້ລູກຄ້າ ຂຶ້ນຢູ່ໂຮງແຮມແລນມາກ
ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ວິຊຽນ ເອມປະເສີດສຸກ
ປະທານບໍລິຫານຝ່າຍການເງິນ ສາຍງານຍ່ອຍເຂດພູມີພາກແມ່ນ້ຳຂອງ ແລະ
ທ່ານ ປະກອນ ວົງວິທະຍາພິລົມ ປະ
ທານຝ່າຍປະຕິບັດການ ສາຍງານຍ່ອຍເຂດພູມີພາກແມ່ນ້ຳ ຂອງຂອງບໍລິສັດດັ່ງກ່າວ,
ພ້ອມດ້ວຍສື່ມວນຊົນຂະແໜງການຕ່າງໆເຂົ້າຮ່ວມນຳດ້ວຍ.
ໃນໂອກາດສະຫລອງແຊ໊ມ ລົດກະບະຍອດນິຍົມອັນດັບໜຶ່ງໃນໃຈຄົນລາວ ແລະ
ທົ່ວໂລກ, ເຊິ່ງລົດກະບະ ວີໂກ້ ເປັນລົດທີ່ປະຢັດນໍ້າມັນທີ່ສຸດຜ່ານການພິສູດດ້ວຍຍອດຂາຍ 5 ລ້ານຄັນທົ່ວໂລກ, ໂດຍງານນີ້
ບໍລິສັດ ໄດ້ຈັດງານຈັບສະຫລາກມອບໂຊກ ເພື່ອຄືນກຳໄລໃຫ້ລູກຄ້າທີ່ຊື້ລົດກະບະໄຮລັກວີໂກ້ແຊ໊ມ ໃນລະຫວ່າງວັນທີ 1 ມີນາ-30
ເມສານີ້, ໂດຍຜ່ານ
ກິດຈະກຳ “ສະຫລອງຍອດຂາຍ 5 ລ້ານຄັນທົ່ວໂລກ ວີໂກ້ ແຈກຄຳທຸກມື້” ພ້ອມລຸ້ນລາງ ວັນໃຫຍ່ຊັ້ນທີ 2 ອີກຈຳນວນ
111 ລາງວັນ ລວມມູນຄ່າຫລາຍກວ່າ 2 ພັນລ້ານກີບ, ລາງວັນທີ 1 ແມ່ນໄດ້ຮັບລົດໂຕໂຍຕາ ໄຮລັກວີໂກ້ ພີລັນເນີ 4 ປະຕູ
ຈຳນວນ 3 ຄັນ, ເຊິ່ງຜູ້ໂຊກດີທີ່ໄດ້ຮັບລາງວັນທີ 1 ແມ່ນບໍລິສັດ
ລາວເຕັກໂນໂລຊີ, ບໍລິສັດ ແກ້ວໂອໂຕກລຸບ, ທ້າວ ໂວນິດາ, ຢູ່ແຂວງບໍລິຄຳໄຊ, ລາງວັນທີ 2 ສາຍຄໍຄຳໜັກ 10 ບາດ ຈຳ
ນວນ 10 ລາງວັນ, ລາງວັນທີ 3 ສາຍຄໍຄຳໜັກ 5 ບາດ ຈຳນວນ 20
ລາງວັນ ແລະ ລາງວັນທີ 4 ສາຍຄໍຄຳໜັກ 1 ບາດ ຈຳນວນ 78
ລາງວັນ, ພ້ອມນີ້ ຍັງໄດ້ມີການຈັບລາງວັນ ຊຳຊຸງ ກາແລັກຊີ ໂນດ 4 ຈຳນວນ 10
ລາງວັນ ໃຫ້ກັບລູກຄ້າທີ່ເຂົ້າມາເຊັກສະພາບລົດຟຣີ ທີ່ສູນໂຕໂຍຕາ 8 ແຫ່ງທົ່ວປະເທດ
ລະຫວ່າງວັນທີ 16 ມີນາ-15 ພຶດສະ ພາຜ່ານມາ, ໂດຍຜ່ານໂຄງການ
“ໂຕໂຍຕາ
ຫວ່ງໃຍ ໄປໃສໄປນຳກັນ” ກິດຈະກຳດັ່ງກ່າວ ຈັດຂຶ້ນເພື່ອລົນນະລົງການຂັບຂີ່ປອດໄພ ໃນໄລຍະວັນຢຸດປີໃໝ່ລາວທີ່ຜ່ານມາ.
ຂະນະດຽວກັນ ບໍລິສັດດັ່ງກ່າວ ຍັງໄດ້ນຳສະເໜີລົດກະບະ ໄຮລັກ ວີໂກ້ແຊ໊ມ
ສາຍພັນສະປອດໃໝ່ (Hiluk Vigo Champ TRD
Sportivo Limited) ພາຍໃຕ້ຮູບແບບທີ່ທັນສະໄໝເອົາໃຈຜູ້ທີ່ມັກລົດສະປອດ, ຊຶ່ງເປັນລົດກະບະຍອດນິຍົມອັນດັບໜຶ່ງ ແລະ ປະຢັດນ້ຳມັນ, ພິເສດ
ລົດກະບະສາຍພັນສະປອດໃໝ່ນີ້ ຜະລິດຂຶ້ນໃນຈຳ
ນວນຈຳກັດພຽງ 111 ຄັນເທົ່ານັ້ນ, ປະກອບມີ 2 ປະເພດຄື: ເຄື່ອງຈັກ 3.0 ເກຍທຳມະດາ ແລະ ເຄື່ອງຈັກ 3.0
ເກຍໂອໂຕມາຕິກ ເພື່ອເອົາໃຈຄົນທີ່ຮັກການແຕ່ງລົດແບບສະປອດທີ່ໂດດເດັ່ນບໍ່ຊ້ຳໃຜ.
No comments:
Post a Comment