ໃນເວລາປະມານ
19:40 ໂມງຂອງວັນທີ 24 ພຶດສະພາຜ່ານມາ, ໄດ້ເກີດເຫດໄຟໄໝ້ເຮືອນຫລັງໜຶ່ງຢູ່ບ້ານໂພນຕ້ອງສະຫວາດ
ໜ່ວຍ 38 ເມືອງຈັນທະບູລີ ເປັນເຮືອນກໍ່ 2 ຊັ້ນ ຍ້ອນໄຟຟ້າລັດວົງຈອນ ຈາກພັດລົມແຂວນຝາແລ້ວເຮັດໃຫ້ໄຟລຸກໄໝ້ ລາມໄປໃສ່ລົດຈັກ
1 ຄັນ ແລະ ເຄື່ອງໃຊ້ພາຍໃນເຮືອນຈຳນວນໜຶ່ງ ຊຶ່ງເຈົ້າໜ້າທີ່ໄດ້ໃຊ້ລົດນ້ຳ 1 ຄັນເຂົ້າສະກັດກັ້ນໄຟບໍ່ໃຫ້ລຸກລາມໄປບໍລິເວນກວ້າງ, ໂດຍໃຊ້ເວລາປະມານ 30
ນາທີ ຈຶ່ງສາມາດດັບມອດໄຟດັ່ງກ່າວໄດ້. ໂຊກດີບໍ່ມີຜູ້ໄດ້ຮັບບາດເຈັບ ແລະ ເສຍຊີວິດຈາກເຫດໄຟໄໝ້ຄັ້ງນີ້. ແຕ່ເຖິງຢ່າງໃດເຈົ້າໜ້າທີ່ ກໍໄດ້ເຕືອນໃຫ້ປະຊາຊົນມີສະຕິລະວັງຕົວໃນການຊົມໃຊ້ຟືນໄຟໃນຄົວເຮືອນ ຖ້າເຫັນວ່າລະບົບໄຟຟ້າ
ແລະ ເຄື່ອງໃຊ້ໄຟຟ້າ ມີສະພາບເປ່ເພ, ຊຸດໂຊມ, ເກົ່າແກ່ ຕ້ອງຮີບຮ້ອນປົວແປງ,
ປ່ຽນຖ່າຍໃຫ້ຮັບປະກັນຕາມມາດຕະຖານເຕັກນິກ, ການໄຕ້ທູບ ທຽນບູຊາ ກໍຕ້ອງຮັບປະກັນຄວາມປອດໄພເພາະໄລຍະນີ້ ມີສະພາບອາກາດຮ້ອນແຮງອາດເຮັດໃຫ້ເກີດອັກຄີໄພໄດ້ງ່າຍ.
No comments:
Post a Comment