ໃນຕອນເຊົ້າວັນທີ 13 ພຶດສະພານີ້, ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ຈັດຕັ້ງການເຜີຍແຜ່ດຳລັດຂອງນາຍົກລັດຖະມົນຕີວ່າດ້ວຍສິລະປະການສະແດງ, ຂຶ້ນທີ່ຫໍວັດທະນະທຳແຫ່ງຊາດ, ນະຄອນ ຫລວງວຽງຈັນ, ໂດຍການເຜີຍແຜ່ຂອງທ່ານ ບົວເງິນ
ຊາພູວົງ
ລັດຖະມົນຕີຊ່ວຍວ່າການກະຊວງດັ່ງກ່າວ, ມີບັນດາຄະນະນຳອ້ອມຂ້າງກະຊວງ ແລະ ພະນັກງານກ່ຽວຂ້ອງເຂົ້າຮ່ວມເປັນຈຳນວນຫລາຍ.
ດຳລັດວ່າດ້ວຍສິລະປະການສະແດງ ສະບັບເລກທີ
08/ລບ ລົງວັນທີ 14 ມັງກອນ 2015, ລົງນາມໂດຍທ່ານ
ທອງສິງ ທຳມະວົງ ນາຍົກລັດຖະມົນຕີແຫ່ງ
ສປປ ລາວ, ລວມມີ 13 ໝວດ, 46 ມາດຕາ, ຊຶ່ງດຳລັດສະບັບນີ້ ໄດ້ສ່ອງແສງໃຫ້ເຫັນເຖິງການກຳນົດຫລັກການ,
ລະບຽບການ ແລະ ມາດຕະການກ່ຽວກັບການຄຸ້ມຄອງ, ຕິດຕາມກວດກາວຽກງານສິລະປະການສະແດງ ເພື່ອຮັບປະກັນສິດ ແລະ ພັນທະຂອງບຸກຄົນ, ນິຕິບຸກຄົນ ແລະ ການຈັດຕັ້ງໃນການດຳເນີນກິດຈະການກ່ຽວກັບສິລະປະການສະແດງໃຫ້ມີລັກສະນະ
ຊາດ, ກ້າວໜ້າ
ແລະ ມະຫາຊົນ ແນໃສ່ສົ່ງເສີມສິດເປັນເຈົ້າປະຊາຊົນໃຫ້ມີສ່ວນຮ່ວມໃນການຟື້ນຟູ, ອະນຸລັກ, ພັດທະນາ ແລະ ຊົມໃຊ້ສິລະປະວັດທະນະທຳ, ເຜີຍແຜ່ແນວທາງນະໂຍບາຍ, ລະບຽບ, ກົດໝາຍ, ສະກັດກັ້ນປາກົດການຫຍໍ້ທໍ້ທາງດ້ານສິລະປະວັດທະນະທຳ
ປະກອບສ່ວນເຂົ້າໃນພາລະກິດປົກປັກຮັກສາ, ພັດທະນາປະເທດຊາດ ແລະ ສາມາດເຊື່ອມໂຍງກັບພາກພື້ນ ແລະ ສາກົນ. ສຳລັບເນື້ອໃນສິລະປະການສະແດງແມ່ນການເຄື່ອນໄຫວທີ່ນຳເອົາຜົນງານ,
ຜະລິດຕະພັນດ້ານວັດທະນະທຳ ອອກສະແດງສູ່ມວນຊົນດ້ວຍການຮ້ອງເພງ, ຂັບ, ລຳ, ຟ້ອນ, ດົນຕີ, ກາຍະສິນ, ລະຄອນປະເພດຕ່າງໆ ແລະ
ສິລະປະການສະແດງອື່ນໆ ໂດຍນຳໃຊ້ເຕັກນິກ, ແສງ, ສີ, ສຽງປະກອບໃນເວທີ.
ເຖິງຢ່າງໃດກໍດີ ເພື່ອເຮັດໃຫ້ການຄຸ້ມຄອງວຽກງານສິລະປະການສະແດງໄດ້ຮັບການສົ່ງເສີມ ຢ່າງຖືກຕ້ອງກັບວັດທະນະທຳ,
ຮີດຄອງປະເພນີອັນດີງາມຂອງຊາດຢູ່ໃນດຳລັດສະບັບນີ້ ຍັງໄດ້ວາງມາດຕະການ ແລະ
ຂໍ້ຫ້າມທີ່ສຳຄັນຕໍ່ກັບວຽກງານຄຸ້ມຄອງເປັນຕົ້ນ ໃນໝວດທີ 8 ແລະ ມາດຕາ
30 ໄດ້ຫ້າມບຸກຄົນ, ນິຕິບຸກຄົນ ແລະ ການຈັດຕັ້ງປະຕິບັດພຶດຕິກຳທີ່ຝືນກັບລະບຽບການຕ່າງໆເປັນຕົ້ນ
ຫ້າມນຳເອົາສິລະປະການສະແດງເປັນເຄື່ອງມືໃນການເຄື່ອນໄຫວໂຄສະນາບິດເບືອນ, ໃສ່ຮ້າຍປ້າຍສີ, ຍຸແຍ່ແບ່ງແຍກຄວາມສາມັກຄີປອງດອງລະຫວ່າງບັນດາເຜົ່າ, ສາສະໜາກໍຄືນະໂຍບາຍຂອງພັກ, ກົດໝາຍຂອງລັດ ແລະ ມ້າງເພທຳລາຍມູນເຊື້ອສິລະປະວັດທະນະທຳອັນດີງາມຂອງຊາດ, ຂອງເຜົ່າ; ຫ້າມນຳເອົາສິລະປະການສະແດງທີ່ເປັນພິດໄພ, ເຊື່ອມຊາມ, ລາມົກອະນາຈານ
ທັງຍຸຍົງສົ່ງເສີມເບື່ອເມົາກໍ່ໃຫ້ເກີດຄວາມຮຸນແຮງ, ອາຊະຍາກຳ, ສິ່ງເສບຕິດ, ການພະນັນ, ການເຊື່ອຖືງົມງວາຍ ແລະ ສິ່ງຫຍໍ້ທໍ້ອື່ນໆມາຈັດຕັ້ງເຜີຍແຜ່ໃນລາວ ແລະ
ຂໍ້ຫ້າມອື່ນໆທີ່ບໍ່ຖືກຕ້ອງກັບດຳລັດສະບັບນີ້.
No comments:
Post a Comment