ຜົນ​ການ​ສອບ​ເສັງ​​​ຈົບຊັ້ນປະຖົມ​ສຶກສາທົ່ວ​ນະຄອນຫລວງ​ວຽງ​ຈັນ ​ເພີ່ມ​ຂຶ້ນ 4,2% ທຽບໃສ່ສົກປີຜ່ານມາ

ພາບປະກອບ

     ທ່ານ​ນາງ ຄຳ​ຫວັນ ລາຊະ​ຂັນຕີ ຫົວໜ້າ​ຂະ​ແໜງ​ສຶກສາກ່ອນ​ໄວ​ຮຽນ-ປະຖົມ​ສຶກສາ ພະ​ແນ​ກສຶກສາ​ທິການ ​ແລະ ກິລາ ນະຄອນ ຫລວງ​ວຽງຈັນ ​​ໄດ້​ໃຫ້​ສໍາ​ພາດກັບ​ນັກ​ຂ່າວ​ພວກ​ເຮົາ​ເມື່ອ​ບໍ່​ດົນນີ້​ວ່າ: ການ​ສອບ​ເສັງ​​ຈົບ​ຊັ້ນ​ປະຖົມ ທົ່ວ​ນະຄອນ ຫລວງ​ວຽງຈັນ ໃນສົກ​ປີ 2014-2015 ນີ້, ທີ່​ໄດ້ມີ​ຂຶ້ນ​ໃນ​ລະຫວ່າງ​ວັນ​ທີ 26-27 ພຶ​ດສະພາ​ຜ່ານ​ມາ​ ມີ​ນັກຮຽນ​ເຂົ້າ​​ສອ​ບ​ເສັງທັງໂຕຈິງ 12.945 ຄົນ ຂອງນັກຮຽນ ປ 5 ​ໝົດ 13.000 ກວ່າຄົນ, ​ຍິງ 6.399 ຄົນ, ​​ໄດ້​ຈັດ​ໃຫ້​ມີ​ສູນ​ສອບ​​ເສັງ ທັງ​ໝົດ 59 ສູນ​ ແລະ  483 ຫ້ອງ ທົ່ວ​ນະຄອນ ຫລວງ​ວຽງ​ຈັນ ແລະ ​ຜົນການ​ສອບ​ເສັງ​ຈົບ​ຊັ້ນ​ປະຖົມ​ສຶກສາ (ປ5) ​ບັນລຸໄດ້ 99,56% ​ເພີ່ມ​ຂຶ້ນ 4,2% ທຽບໃສ່ປີຜ່ານມາ.

     ຄຽງ​ຄູ່​ກັນ​ນັ້ນ ພະ​ແນ​ກສຶກສາ​ທິການ ​ແລະ ກິລາ ​ໄດ້​ຄື ເອົາໃຈໃສ່ຈັດຕັ້ງ​ປະຕິບັດ ​ຍຸດ​ທະ​ສາດ​ການ​ສຶກສາ​ຂອງ​ກະ ຊວງ​ສຶກສາ​ທິການ ​ແລະ ກິລາ ວາງ​ອອກ ​ ຕາມ​ເນື້ອ​ໃນ 3 ລັກສະນະ; 5 ຫລັກ​ມູນ​ການ​ສຶກສາ ​ແລະ ປະຕິບັດ 3 ຂໍ້​ແຂ່ງຂັນ ​ໃຫ້​ປະກົດ​ຜົນ​ເປັນ​ຈິງ  ​ແລະ ນະ​ໂຍບາຍ 6 ສ ຂອງ​ນະຄອນຫລວງ​ວຽງ​ຈັນໃຫ້ເປັນຮູບປະທຳຫລາຍຂຶ້ນ ປັດ ຈຸບັນທົ່ວນະຄອນຫລວງ​ວຽງ​ຈັນ ​ໄດ້​ມີ​ໂຮງຮຽນ​ປະຖົມ​ສຶກສາທັງ​ໝົດ 510 ​ແຫ່ງ, ​ໃນ​ນີ້​ມີ​ໂຮງຮຽນພາກເອກກະ​ຊົນ 129 ​ແຫ່ງ, ໂຮງຮຽນມູນ​ລະ​ປະຖົມ​ສຶກສາ 38 ​ແຫ່ງ ​ ​ເພີ່ມ​ຂຶ້ນ​ 7 ​ແຫ່ງ ​ ​ທຽບ​ໃສ່​ສົກປີຜ່ານມາ, ​ມີນັກຮຽນຊັ້ນປະຖົມແຕ່ ປ 1 ​- ປ 5 ​ທັງ​ໝົດ 72.036, ຍິງ 34.642 ຄົນ, ສະ​ເລ່ຍຜົນ​ການ​ສອບ​ເສັງ​ທົ່ວໄປບັນລຸໄດ້ 96.53% ຖືວ່າ​ດີ​ຂຶ້ນ​ຕາມ​ລຳດັບເມື່ອທຽບກັບເມື່ອກ່ອນ.