ໃນກອງປະຊຸມເຜີຍແຜ່ຜົນການວິໄຈສະຖານະພາບປະຊາກອນ ແລະ
ສຸຸຂະພາບ ຈະເລີນພັນ ໃນລາວຊຶ່ງຈັດຂື້ນເມື່ອບໍ່ດົນມານີ້, ຜູ້ຊ່ຽວຊານຈາກອົງການສະ ຫະປະຊາຊາດກອງທຶນສຳລັບປະຊາກອນ ແລະ ການພັດທະນາ (UNF PA)ໄດ້ສະເໜີວ່າ:
ປັດຈຸບັນປະຊາກອນລາວມີປະມານ 6,8 ລ້ານຄົນ, ໃນນີ້ 58 % ແມ່ນມີອາຍຸຕ່ຳກວ່າ
25 ປີ ແລະ ຈາກການຈັດຕັ້ງປະຕິບັດວຽກງານດັ່ງກ່າວ ໃນໄລຍະຜ່ານມາເຫັນວ່າມີຜົນສຳເລັດຫຼາຍດ້ານ ແລະ ກໍຍັງມີຫຼາຍດ້ານທີ່ ຍັງເຮັດບໍ່ໄດ້ດີເປັນຕົ້ນແມ່ນດ້ານຂໍ້ມູນສະຖິຕິຍັງບໍ່ມີຄວາມຊັດເຈນ, ບໍ່ມີຂໍ້ມູນທີ່ພຽງພໍໃນ ການຄາດຄະເນສະພາບປະ ຊາກອນຈຳເປັນເຊັນ: ການເກີດ, ການຕາຍ ແລະ
ການເຄື່ອນ ຍ້າຍຕ່າງໆ, ລວມເຖິງຂໍ້ມູນທາງດ້ານສຸຂະພາບກໍຍັງບ່ໍຊັດເຈນ
ກັບຕົວຈິງ, ດັ່ງນັ້ນ ເພື່ອບັນລຸຄາດໝາຍດ້ານວຽກງານປະຊາກອນ ແລະ ສຸຂະພາບຈະເລີນພັນ,
ກໍຄືການນຳເອົາປະເທດຫຼຸດ ພົ້ນອອກຈາກສະຖານະພາບດ້ອຍພັດທະນາໃນປີ 2020 ນັ້ນ, ສປປ
ລາວ ຕ້ອງໄດ້ເອົາໃຈໃສ່ 6 ບັນຫາໃນວຽກງານ ປະຊາກອນ ແລະ
ສຸຂະພາບຈະເລີນພັນຄື: (1). ຕ້ອງຫຼຸດຜ່ອນ ຄວາມແຕກໂຕນກັນລະຫວ່າງຊົນເຜົ່າ ແລະ ເຂດທີ່ຢູ່ອາໄສກ່ຽວກັບຕົວຊີ້ວັດຫຼັກເປັນຕົ້ນ ແມ່ນເພີ່ມຄວາມເອົາໃຈໃສ່ໃນການແຈກຢາຍທາງພູມສັນຖານໃນແຜນພັດທະນາ, ສົ່ງເສີມ ການວິໄຈ,
ລົງເລິກການນຳໃຊ້ຂໍ້ມູນ LSIS, ນຳໃຊ້ຂໍ້ມູນທີ່ມີຢູ່ໃນການກຳນົດເຂດ ແລະ
ກຸ່ມ ດ້ອຍໂອກາດ, ໂດຍນຳໃຊ້ຕົວຊີ້ວັດ SRH, (2). ຫຼຸດຜ່ອນອັດຕາການຕາຍຂອງແມ່ໃນລະດັບຊາດ ແລະ ໃນກຸ່ມສະເພາະ, ທົບທວນຄືນບັນດາຄາດໝາຍ
MMR, ລວມເຖິງແຜນການຈັດຕັ້ງປະຕິບັດການວາງແຜນຄອບຄົວ, ພ້ອມທັງຕິດຕາມ ແລະ ປ້ອງກັນການເອົາລູກອອກ.(3).
ປັບປຸງຈຳນວນ ແລະ ຄຸນນະພາບຂອງຊັບພະ ຍາກອນມະນຸດສຳລັບວຽກງານສຸຂະພາບຈະເລີນພັນ ແລະ
ປັບປຸງສິດທິທາງດ້ານສຸຂະພາບຈະເລີນພັນ, ເພີ່ມການວາງງົບປະມານໃຫ້ຂະແໜງສາທາລະນະສຸກ ແລະ ຫຼຸດຜ່ອນລາຍຈ່າຍຈາກ out
-of- pocket ໃນຂອບ HSR,
ເພີ່ມການຮັບສະໝັກນາງພະຍາບານພະດຸງຄັນໃຫ້ພຽງພໍກັບຄວາມຕ້ອງການ. (4). ສ້າງພື້ນທີ່ໃຫ້ໄວໜຸ່ມຫຼາຍຂຶ້ນໃນສັງຄົມ ແລະ
ຮັບປະກັນວ່າພວກເຂົາສາມາດເຂົ້າເຖິງການສຶກສາ, ຄວາມຮູ້ ແລະ ການບໍລິການທີ່ພວກເຂົາຕ້ອງການສຳລັບອະນາຄົດທີ່ໝັ້ນຄົງ,
ເພີ່ມການສະໜັບສະໜູນໃນການສຶກສາເພື່ອຫຼຸດຜ່ອນການອອກໂຮງຮຽນໃນທຸກລະດັບ, ເພີ່ມຄວາມເອົາໃຈໃສ່ໄວໜຸ່ມຍິງອາຍຸ 10-14 ປີ, ສ້າງສູນສຳລັບໄວໜຸ່ມໃຫ້ຫຼາຍຂຶ້ນ,
ອຳນວຍຄວາມສະດວກໃຫ້ໄວໜຸ່ມໄດ້ມີສ່ວນຮ່ວມໃນວຽກງານຕ່າງໆໃຫ້ຫຼາຍ, ພ້ອມທັງສົ່ງເສີມການສ້າງອາຊີບແກ່ເຂົ້າເຈົ້າໃຫ້ຫຼາຍຂຶ້ນ.(5). ເພີ່ມທະວີຄວາມສະເໝີພາບລະຫວ່າງຍິງ- ຊາຍ ແລະ
ຄວາມເທົ່າທຽມກັນໃນທຸກຂົງເຂດສັງຄົມ, ກຳນົດສິ່ງກີດຂວາງໃນການຈັດຕັ້ງປະຕິບັດແຜນງານບົດບາດຍິງ-ຊາຍ, ສະໜັບສະໜູນການມີສ່ວນຮ່ວມຂອງແມ່ຍິງໃນລະດັບບ້ານ, ເມືອງ, ແຂວງ, ສືບຕໍ່ຈັດຕັ້ງປະຕິບັດ CEDAW ແລະ
ການຜະລິດຂໍ້ມູນທາງດ້ານບົດບາດຍິງ-ຊາຍເພື່ອວັດແທກຄວາມຄືບໜ້າ,(6). ປັບປຸງຄຸນນະພາບ ແລະ
ຄວາມໜ້າເຊື້ອຖືຂອງຂໍ້ມູນທາງດ້ານປະຊາກອນ SRH, ບົດບາດຍິງ-ຊາຍ ແລະ
ວິໄຈລົງເລິກ, ເປັນຕົ້ນແມ່ນທົບທວນຕີລາຄາຍຸດທະສາດການພັດທະນາລະບົບສະຖິຕິແຫ່ງຊາດ
2010-2020 ທີ່ກ່ຽວພັນກັບປະຊາກອນ ແລະ ບັນຫາທີ່ກ່ຽວຂ້ອງ,
ເພີ່ມສາຍພົວພັນລະຫວ່າງສັງຄົມ, ສະຖານທີ່ລວມເຖິງແຜນທີພົນລະເມືອງ, ເຮັດວຽກຮ່ວມກັບກະຊວງສາທາລະນະສຸກ ແລະ LSB ກ່ຽວກັບການລົງທະບຽນປະຊາກອນຕິດພັນກັບລະບົບສະຖິຕິສາທາ, ພາຍໃຕ້ກອບການປັບປຸງຂະແໜງສາທາ, ສ້າງຖານຂໍ້ມູນຕໍ່ເນື່ອກ່ຽວກັບການເຂົ້າ-ອອກເພື່ອວັດແທກການເຄື່ອນຍ້າຍຂອງປະຊາກອນ, ສ້າງຄວາມສາມາດ ແລະ ສະໜອງການເຝິກອົບຮົມດ້ານປະຊາກອນສຶກສາເພື່ອປັບປຸງການເຊື່ອມປັດໄຈໃນແຜນພັດທະນາ,
ສະໜັບສະໜູນການຂະຫຍາຍປະຊາກອນສຶກສາໃນມະຫາວິທະຍາໄລ, ລວມທັງການຄົ້ນຄ້ວາໃນລະດັບທ້ອງຖິ່ນ, ຊຶ່ງທັງໝົດລ້ວນແລ້ວແຕ່ແມ່ນບັນຫາທີ່ລາວຈະຕ້ອງເອົາໃຈໃສ່ຈັດຕັ້ງຕິບັດໃນຕໍ່ໜ້າເພື່ອໃຫ້ບັນລຸຕາມ ຄາດໝາຍແຜນການດ້ານປະຊາກອນ. 
No comments:
Post a Comment